చిన్నబోయినపల్లి గ్రామ యువతకు పోటీ పరీక్షల సన్నద్ధతలో అండగా నిలుస్తున్న గ్రంథాలయాన్ని జిల్లా కలెక్టర్ బోర్ఖడే హేమంత్ సహదేవరావు మంగళవారం పరిశీలించారు. ఈ సందర్భంగా ఆయన గ్రంథాలయంలో అందుబాటులో ఉన్న పుస్తకాలు, యువత వినియోగం, వాటి ద్వారా సాధించిన ఫలితాలపై వివరాలు అడిగి తెలుసుకున్నారు. చిన్నబోయినపల్లి గ్రామానికి చెందిన కానిస్టేబుల్ ధూపాటి సతీష్ 2024 సంవత్సరంలో గ్రామీణ యువతకు నాణ్యమైన అధ్యయన వనరులు అందించాలనే లక్ష్యంతో స్వచ్ఛందంగా ఈ గ్రంథాలయాన్ని ఏర్పాటు చేశారు. సుదూర ప్రాంతాలకు వెళ్లి వేలాది రూపాయలు వెచ్చించి కోచింగ్ తీసుకోలేని నిరుద్యోగ యువతకు గ్రామంలోనే పోటీ పరీక్షలకు అవసరమైన పుస్తకాలు అందుబాటులో ఉండేలా ఆయన చర్యలు చేపట్టారు. ఈ గ్రంథాలయంలో సుమారు ₹1.50 లక్షల విలువైన పోటీ పరీక్షల పుస్తకాలు అందుబాటులో ఉన్నాయి. యువత గ్రూప్స్, పోలీస్, రైల్వే, బ్యాంకింగ్, ఉపాధ్యాయ నియామకాలు తదితర ప్రభుత్వ ఉద్యోగాలకు సంబంధించిన అధ్యయన సామగ్రిని ఉచితంగా వినియోగించుకుంటున్నారు. ఈ గ్రంథాలయం ద్వారా చదువుకున్న యువతలో ఇప్పటికే ఇద్దరు ఉపాధ్యాయులు, ఇద్దరు పోలీస్ కానిస్టేబుళ్లు ప్రభుత్వ ఉద్యోగాలు సాధించారు. అంతేకాకుండా, చిన్నబోయినపల్లి గ్రామానికి చెందిన హజారుద్దీన్ ఏకంగా నాలుగు ప్రభుత్వ ఉద్యోగాలకు ఎంపికై గ్రామ యువతకు ఆదర్శంగా నిలిచారు. గ్రామీణ ప్రాంత యువత అభివృద్ధికి కానిస్టేబుల్ ధూపాటి సతీష్ చేస్తున్న కృషి అభినందనీయమని జిల్లా కలెక్టర్ ఈ సందర్భంగా పేర్కొన్నారు. వ్యక్తిగత చొరవతో విద్య, ఉపాధి అవకాశాల కోసం చేపడుతున్న ఇలాంటి కార్యక్రమాలు సమాజానికి ఆదర్శంగా నిలుస్తాయని ఆయన తెలిపారు. యువత తమ లక్ష్యాలను సాధించేందుకు ఈ గ్రంథాలయాన్ని సద్వినియోగం చేసుకోవాలని సూచించారు. ధూపాటి సతీష్ గ్రంథాలయ నిర్వహణ, యువతకు అందిస్తున్న సేవల గురించి కలెక్టర్‌కు వివరించగా, ఆయన సతీష్‌ను అభినందించి, భవిష్యత్తులో మరింత మంది యువతకు ఉపయోగపడే విధంగా గ్రంథాలయాన్ని అభివృద్ధి చేయాలని సూచనలు చేశారు. ఈ కార్యక్రమంలో జిల్లా విద్య శాఖ అధికారి సిద్ధార్థ రెడ్డి, ఇతర సంబంధిత అధికారులు పాల్గొన్నారు.

Chunchu Ramesh

Insurance Agent ములుగు, ములుగు, తెలంగాణ•

12 hrs ago

చిన్నబోయినపల్లి గ్రామ యువతకు పోటీ పరీక్షల సన్నద్ధతలో అండగా నిలుస్తున్న గ్రంథాలయాన్ని జిల్లా కలెక్టర్ బోర్ఖడే హేమంత్ సహదేవరావు మంగళవారం పరిశీలించారు. ఈ సందర్భంగా ఆయన గ్రంథాలయంలో అందుబాటులో ఉన్న పుస్తకాలు, యువత వినియోగం, వాటి ద్వారా సాధించిన ఫలితాలపై వివరాలు అడిగి తెలుసుకున్నారు. చిన్నబోయినపల్లి గ్రామానికి చెందిన కానిస్టేబుల్ ధూపాటి సతీష్ 2024 సంవత్సరంలో గ్రామీణ యువతకు నాణ్యమైన అధ్యయన వనరులు అందించాలనే లక్ష్యంతో స్వచ్ఛందంగా ఈ గ్రంథాలయాన్ని ఏర్పాటు చేశారు. సుదూర ప్రాంతాలకు వెళ్లి వేలాది రూపాయలు వెచ్చించి కోచింగ్ తీసుకోలేని నిరుద్యోగ యువతకు గ్రామంలోనే పోటీ పరీక్షలకు అవసరమైన పుస్తకాలు అందుబాటులో ఉండేలా ఆయన చర్యలు చేపట్టారు. ఈ గ్రంథాలయంలో సుమారు ₹1.50 లక్షల విలువైన పోటీ పరీక్షల పుస్తకాలు అందుబాటులో ఉన్నాయి. యువత గ్రూప్స్, పోలీస్, రైల్వే, బ్యాంకింగ్, ఉపాధ్యాయ నియామకాలు తదితర ప్రభుత్వ ఉద్యోగాలకు సంబంధించిన అధ్యయన సామగ్రిని ఉచితంగా వినియోగించుకుంటున్నారు. ఈ గ్రంథాలయం ద్వారా

చదువుకున్న యువతలో ఇప్పటికే ఇద్దరు ఉపాధ్యాయులు, ఇద్దరు పోలీస్ కానిస్టేబుళ్లు ప్రభుత్వ ఉద్యోగాలు సాధించారు. అంతేకాకుండా, చిన్నబోయినపల్లి గ్రామానికి చెందిన హజారుద్దీన్ ఏకంగా నాలుగు ప్రభుత్వ ఉద్యోగాలకు ఎంపికై గ్రామ యువతకు ఆదర్శంగా నిలిచారు. గ్రామీణ ప్రాంత యువత అభివృద్ధికి కానిస్టేబుల్ ధూపాటి సతీష్ చేస్తున్న కృషి అభినందనీయమని జిల్లా కలెక్టర్ ఈ సందర్భంగా పేర్కొన్నారు. వ్యక్తిగత చొరవతో విద్య, ఉపాధి అవకాశాల కోసం చేపడుతున్న ఇలాంటి కార్యక్రమాలు సమాజానికి ఆదర్శంగా నిలుస్తాయని ఆయన తెలిపారు. యువత తమ లక్ష్యాలను సాధించేందుకు ఈ గ్రంథాలయాన్ని సద్వినియోగం చేసుకోవాలని సూచించారు. ధూపాటి సతీష్ గ్రంథాలయ నిర్వహణ, యువతకు అందిస్తున్న సేవల గురించి కలెక్టర్‌కు వివరించగా, ఆయన సతీష్‌ను అభినందించి, భవిష్యత్తులో మరింత మంది యువతకు ఉపయోగపడే విధంగా గ్రంథాలయాన్ని అభివృద్ధి చేయాలని సూచనలు చేశారు. ఈ కార్యక్రమంలో జిల్లా విద్య శాఖ అధికారి సిద్ధార్థ రెడ్డి, ఇతర సంబంధిత అధికారులు పాల్గొన్నారు.