ইটাভাটাৰ মালিকৰ প্ৰহাৰত শ্ৰমিকৰ মৃত্যু। দৰঙৰ ধূলাত এই ঘটনা।মজুৰি কেন্দ্ৰিক সংঘাতৰ বাবেই ঘুচিয়াই হত্যা শ্ৰমিকক। হত্যাকাৰী মালিকৰ পলায়ন।শ্ৰমিক জনৰ ঘৰ বৰপেটাৰ কলগাছিয়াত। ধূলা আৰক্ষী থানাৰ অন্তৰ্গত পশ্চিম পদোখাট গাঁৱৰ ইটা ভাটাত সংঘটিত হয় এই হত্যাকাণ্ডৰ ঘটনা । জানিব পৰা মতে , বৰপেটা জিলাৰ কলগাছিয়াৰ আবু বক্কৰ সপৰিয়ালে শ্ৰমিক হিচাপে কৰ্মৰত হৈ আছে উক্ত ইটা ভাটাত । আজি পুৱা মজুৰি বৃদ্ধি কৰাক লৈ সামান্য কথাতে কাজিয়াৰ সৃষ্টি কৰি মালিক মস্তুফা আলীয়ে প্ৰচণ্ড ঘুচিয়াই শ্ৰমিক আবু বক্কৰক । মালিকৰ আক্ৰমণত মৃত্যু হয় শ্ৰমিক আবু বক্কৰৰ । স্থানীয় ৰাইজৰ খবৰৰ ভিত্তিত ধূলা আৰক্ষীৰ এটা দল ঘটনা স্থলীত উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে মঙলদৈ অসামৰিক চিকিৎসালয় লৈ প্ৰেৰণ কৰে । হত্যাকাৰী মালিক মস্তুফা আলীয়ে পলায়ন কৰিছে । দৰং জিলা আমছুৱে হত্যাকাৰীক গ্ৰেপ্তাৰ কৰি উপযুক্ত শাস্তি প্ৰদান কৰাৰ লগতে মৃতকৰ পৰিয়ালক ২০ লাখ টকাৰ ক্ষতি পূৰণ দিয়াৰ দাবী উত্থাপন কৰিছে।

Padma chu

Barpeta•

5 hrs ago

Singer singing songs amazing istas program in barpeta. Bhaktardova 💕