বাক্সা জিলাৰ শালবাৰীত বিপিএফৰ এখন কাৰ্যনিৰ্বাহক সভা অনুষ্ঠিত হৈছে। শালবাৰী জিলা বিপিএফৰ উদ্যোগত অনুষ্ঠিত এই সভাত দলীয় সাংগঠনিক বিষয়ত গুৰুত্বপূৰ্ণ আলোচনা কৰা হয়।

বাক্সা জিলাৰ শালবাৰীত বিপিএফৰ এখন কাৰ্যনিৰ্বাহক সভা অনুষ্ঠিত হৈছে। শালবাৰী জিলা বিপিএফৰ উদ্যোগত অনুষ্ঠিত এই সভাত দলীয় সাংগঠনিক বিষয়ত গুৰুত্বপূৰ্ণ আলোচনা কৰা হয়।

কেৰালাৰ কোচীত বৰ্তমান চাকৰিৰ খালী পদসমূহ উপলব্ধ হৈছে। এই সুযোগৰ বাবে ইচ্ছুক ব্যক্তিসকলে 7268898594 নম্বৰত যোগাযোগ কৰিব পাৰে।

আজি ৰঙিয়াৰ কনিহাত কামৰূপ জিলা জ্যেষ্ঠ নাগৰিক সন্মিলনৰ নৱম দ্বি-বাৰ্ষিক অধিৱেশন অনুষ্ঠিত কৰা হয়। বড়িগোগ আঞ্চলিক জ্যেষ্ঠ নাগৰিক সন্মিলনৰ সৌজন্যত স্থানীয় তৰুণ সঙ্ঘ প্ৰেক্ষাগৃহত দিনযোৰা কাৰ্যসূচীৰে এই অধিৱেশন অনুষ্ঠিত হয়। কাৰ্যসূচী অনুসৰি পুৱা অৱসৰী অধ্যক্ষ সুৰেশ চন্দ্ৰ ভট্টাচাৰ্য, বড়িগোগ গাওঁ পঞ্চায়তৰ সভাপতি দীপাংকৰ শৰ্মা প্ৰমুখ্যে কেইবাগৰাকীও বিশিষ্ট ব্যক্তিয়ে বন্তি প্ৰজ্বলন কৰে। ইয়াৰ পিছতে কামৰূপ জিলা জ্যেষ্ঠ নাগৰিক সন্মিলনৰ সভাপতি নৰেন্দ্ৰ নৰ্মাই পতাকা উত্তোলন কৰে। এই কাৰ্যসূচীত অৱসৰী আৰক্ষী অধীক্ষক হেমন্ত কুমাৰ ভট্টাচাৰ্য আৰু আদৰণি সমিতিৰ কাৰ্যকৰী সভাপতি দীজেন্দ্ৰ মোহন শৰ্মা সহ আন কেইবাগৰাকীও বিশিষ্ট ব্যক্তিয়ে সহযোগ কৰে। সন্মিলনৰ কাৰ্যকৰী সভাপতি ৰমেন চৌধুৰীয়ে স্মৃতি তৰ্পণ কৰে। প্ৰতিনিধি পঞ্জীয়ন আৰু গছপুলি ৰোপণ কাৰ্যসূচী ৰূপায়নৰ অন্তত প্ৰতিনিধি সভা অনুষ্ঠিত কৰা হয়। বিয়লি কামৰূপ জিলা জ্যেষ্ঠ নাগৰিক সন্মিলনৰ সাধাৰণ সম্পাদক বীৰেন্দ্ৰ নাথ শৰ্মাৰ আদৰণি ভাষণৰে মুকলি অধিৱেশন শুভাৰম্ভ কৰা হয়। একেখন মঞ্চতে অধিৱেশন উপলক্ষে প্ৰকাশিত স্মৃতিগ্ৰন্থ 'অপৰাহ্ন' উন্মোচন কৰা হয়। এই অধিৱেশনত কামৰূপ জিলাৰ অন্তৰ্গত বিভিন্ন শাখা সমিতিৰ বিষয়ববীয়াসকল আৰু সদস্যসকলে উপস্থিত থাকি সৌষ্ঠৱ বৃদ্ধি কৰে।

বৰপেটা জিলাৰ অন্তৰ্গত বৃহত্তৰ কয়াকুছি অঞ্চলত দীৰ্ঘ সময় ধৰি বিদ্যুৎ যোগান ব্যাহত হৈ থকাৰ ফলত জনজীৱন স্তব্ধ হৈ পৰিছে। হঠাতে হোৱা এই বিদ্যুৎ বিপৰ্যয়ে অঞ্চলটোত তীব্ৰ সমস্যাৰ সৃষ্টি কৰিছে, যাৰ ফলত বিশেষকৈ অনলাইন ব্যৱসায়ী প্ৰতিষ্ঠানসমূহৰ মাজত এক হাহাকাৰ পৰিস্থিতি দেখা গৈছে। বিদ্যুৎ সংযোগ বিচ্ছিন্ন হৈ থকাৰ বাবে বিভিন্ন অনলাইন সেৱা, মোবাইল ৰিচাৰ্জ, ডিজিটেল পেমেণ্ট, ফটোষ্টেট, কম্পিউটাৰ আৰু ইণ্টাৰনেট নিৰ্ভৰ ব্যৱসায় সম্পূৰ্ণৰূপে ব্যাহত হৈছে। ব্যৱসায়ীসকলে জনাইছে যে ঘণ্টাৰ পিছত ঘণ্টা বিদ্যুৎ নথকাৰ ফলত তেওঁলোকৰ যথেষ্ট আৰ্থিক ক্ষতি হৈছে, লগতে গ্ৰাহকসকলেও ব্যাপক অসুবিধাৰ সন্মুখীন হ'বলগীয়া হৈছে। ইফালে, তীব্ৰ গৰমৰ মাজত সাধাৰণ ৰাইজেও চরম দুৰ্ভোগ ভোগ কৰিছে, ঘৰে ঘৰে পানীৰ সমস্যা হোৱাৰ লগতে ছাত্ৰ-ছাত্ৰীসকলৰ অধ্যয়নতো ইয়াৰ প্ৰভাৱ পৰিছে। বহু ৰাইজে ক্ষোভ প্ৰকাশ কৰিছে যে তেওঁলোকে নিশা আন্ধাৰত কটাবলগীয়া হৈছে। স্থানীয় ৰাইজে অভিযোগ উত্থাপন কৰিছে যে সঘনাই বিদ্যুৎ বিভ্ৰাট হোৱাৰ পিছতো সংশ্লিষ্ট বিভাগে ইয়াৰ স্থায়ী সমাধানৰ বাবে কোনো ফলপ্ৰসূ পদক্ষেপ গ্ৰহণ কৰা নাই। সেয়েহে, কয়াকুছিবাসীয়ে অতি শীঘ্ৰে বিদ্যুৎ যোগান স্বাভাৱিক কৰাৰ দাবী জনাইছে।

বৰপেটাৰ কয়াকুছিত নিশা এক চুৰি কাণ্ড সংঘটিত হৈছে। চোৰে লাখ লাখ টকাৰ সোণৰ অলংকাৰ লুটি লৈ পলাইছে।

অসম বিধানসভাৰ অধ্যক্ষ ৰণজিৎ কুমাৰ দাসে জনতাক হাৰাশাস্তি কৰা আৰক্ষী বিষয়া-কৰ্মচাৰীসকলক কঠোৰ সকীয়নি প্ৰদান কৰিছে। তেওঁ স্পষ্ট কৰি দিছে যে আৰক্ষীৰ বিৰুদ্ধে জনসাধাৰণক হাৰাশাস্তি কৰাৰ অভিযোগ পালেই এনে ব্যৱস্থা লোৱা হ'ব, যিটোৱে সমগ্ৰ অসমকে কঁপাই তুলিব। অধ্যক্ষই লগতে ঘোষণা কৰিছে যে জনতাক হাৰাশাস্তি কৰা আৰক্ষীক তেওঁ নিজেই আহি থানাৰ পৰা চোঁচৰাই লৈ যাব। কেৱল আৰক্ষীয়েই নহয়, জনসাধাৰণক হাৰাশাস্তি কৰা বন বিষয়া আৰু ৰাজহ চক্ৰৰ বিষয়াসকলকো বিধানসভাৰ অধ্যক্ষগৰাকীয়ে একেই কঠোৰ সকীয়নি দিছে।

বঙাইগাঁওৰ অভয়াপুৰীৰ মুছলিম সমাজে এইবাৰ ঈদ-উদ-জোহাত গো-ধন কোৰবানী নকৰাৰ সিদ্ধান্ত লৈছে। জিলা প্ৰশাসনৰ আহ্বান আৰু বিভিন্ন জাতি-জনজাতিৰ মাজত সমন্বয় বজাই ৰাখিবলৈ এই পদক্ষেপ লোৱা হৈছে। গো-ধনৰ পৰিৱৰ্তে ছাগলী, উট বা ডুম্বা আদিৰ কোৰবানী কৰা হ'ব।

বঙাইগাঁৱত ফিট ইণ্ডিয়া মুভমেণ্টৰ ৭৫তম সংস্কৰণৰ অংশ হিচাপে SSB-য়ে এক বৰ্ণাঢ্য চাইকেল ৰেলীৰ আয়োজন কৰে। এই অভিযানৰ মুখ্য উদ্দেশ্য আছিল চৌহদসমূহক পৰিৱেশ-বান্ধৱ কৰি তোলা আৰু জোৱানৰ লগতে তেওঁলোকৰ পৰিয়ালৰ মাজত সুস্থ জীৱনশৈলীৰ সজাগতা বৃদ্ধি কৰা। ইয়াৰ জৰিয়তে ফিটনেছ আৰু পৰিৱেশ সংৰক্ষণৰ এক গুৰুত্বপূৰ্ণ বাৰ্তা প্ৰচাৰ কৰা হয়।