અંકલેશ્વરનું ગૌરવ રાજ્યકક્ષાની સોફ્ટ ટેનિસ અંડર-14 ટુર્નામેન્ટમાં રેયાંશ મકવાણાએ બ્રોન્ઝ મેડલ હાંસલ કર્યો ભરૂચ જિલ્લાના અંકલેશ્વર શહેરના ધોરણ-7માં અભ્યાસ કરતા રેયાંશ મકવાણાએ રાજ્યકક્ષાની સોફ્ટ ટેનિસ અંડર-14 ટુર્નામેન્ટમાં બ્રોન્ઝ મેડલ જીતતા શહેર તથા જિલ્લાના ગૌરવમાં ઉમેરો કર્યો છે. અંકલેશ્વર-હાંસોટ રોડ પર આવેલી સેફ્રોન સોસાયટીમાં રહેતા રાજેશભાઈ મકવાણાના પુત્ર રેયાંશ મકવાણા સ્વામી વિવેકાનંદ એકેડમીમાં ધોરણ-7માં અભ્યાસ કરે છે. રેયાંશને બાળપણથી જ રમતગમત પ્રત્યે ખાસ રસ રહ્યો છે, ખાસ કરીને લોન્ગ ટેનિસ અને સોફ્ટ ટેનિસ પ્રત્યે. પુત્રની આ રમત પ્રત્યેની રુચિ જોઈ પિતા રાજેશભાઈએ રેયાંશને અંકલેશ્વર જીમખાનામાં કોચ વાજીદ પઠાણની માર્ગદર્શન હેઠળ તાલીમ માટે મોકલ્યો હતો. કોચીંગ દરમિયાન રેયાંશે અનેક ટુર્નામેન્ટમાં ભાગ લીધો હતો, જેમાં શાળા સ્તરની સ્પર્ધાઓ, ખેલ મહાકુંભ તથા ટેનિસ પ્રીમિયર લીગ જેવી ટુર્નામેન્ટોમાં વિજેતા રહી પોતાનું કુશળતા પ્રદર્શિત કરી હતી. તાજેતરમાં, સ્કૂલ ફેડરેશન ઓફ ઇન્ડિયા દ્વારા તા. 8 નવેમ્બરે ભરૂચ ખાતે રાજ્યકક્ષાની સોફ્ટ ટેનિસ અંડર-14 ટુર્નામેન્ટનું આયોજન કરવામાં આવ્યું હતું. રાજ્યભરના કુલ 16 ખેલાડીઓએ તેમાં ભાગ લીધો હતો, જેમાં રેયાંશે ઉત્તમ પ્રદર્શન કરીને બ્રોન્ઝ મેડલ હાંસલ કર્યો હતો. આ સિદ્ધિથી રેયાંશે માત્ર પોતાના માતા-પિતા અને શાળાનું જ નહીં, પરંતુ સમગ્ર ભરૂચ જિલ્લાનું ગૌરવ વધાર્યું છે. હવે રેયાંશ આગામી ડિસેમ્બર માસમાં મધ્યપ્રદેશના દેવાસ ખાતે યોજાનાર રાષ્ટ્રીય કક્ષાની અંડર-14 સોફ્ટ ટેનિસ ટુર્નામેન્ટમાં ગુજરાત રાજ્યનું પ્રતિનિધિત્વ કરવા જઈ રહ્યો છે. રેયાંશે વિશ્વાસ વ્યકત કર્યો છે કે રાષ્ટ્રીય કક્ષાની ટુર્નામેન્ટમાં ગોલ્ડ મેડલ હાંસલ કરીને ગુજરાત અને અંકલેશ્વરનું નામ દેશભરમાં રોશન કરશે.

Gujarat Introverted day

Local News Reporter Anklesvar, Bharuch•

on 12 November

અંકલેશ્વરનું ગૌરવ રાજ્યકક્ષાની સોફ્ટ ટેનિસ અંડર-14 ટુર્નામેન્ટમાં રેયાંશ મકવાણાએ બ્રોન્ઝ મેડલ હાંસલ કર્યો ભરૂચ જિલ્લાના અંકલેશ્વર શહેરના ધોરણ-7માં અભ્યાસ કરતા રેયાંશ મકવાણાએ રાજ્યકક્ષાની સોફ્ટ ટેનિસ અંડર-14 ટુર્નામેન્ટમાં બ્રોન્ઝ મેડલ જીતતા શહેર તથા જિલ્લાના ગૌરવમાં ઉમેરો કર્યો છે. અંકલેશ્વર-હાંસોટ રોડ પર આવેલી સેફ્રોન સોસાયટીમાં રહેતા રાજેશભાઈ મકવાણાના પુત્ર રેયાંશ મકવાણા સ્વામી વિવેકાનંદ એકેડમીમાં ધોરણ-7માં અભ્યાસ કરે છે. રેયાંશને બાળપણથી જ રમતગમત પ્રત્યે ખાસ રસ રહ્યો છે, ખાસ કરીને લોન્ગ ટેનિસ અને સોફ્ટ ટેનિસ પ્રત્યે. પુત્રની આ રમત પ્રત્યેની રુચિ જોઈ પિતા રાજેશભાઈએ રેયાંશને અંકલેશ્વર જીમખાનામાં કોચ વાજીદ પઠાણની માર્ગદર્શન હેઠળ તાલીમ માટે મોકલ્યો હતો. કોચીંગ દરમિયાન રેયાંશે અનેક ટુર્નામેન્ટમાં ભાગ લીધો હતો, જેમાં શાળા સ્તરની સ્પર્ધાઓ, ખેલ મહાકુંભ તથા ટેનિસ પ્રીમિયર લીગ જેવી ટુર્નામેન્ટોમાં વિજેતા રહી પોતાનું કુશળતા પ્રદર્શિત કરી હતી. તાજેતરમાં, સ્કૂલ ફેડરેશન ઓફ ઇન્ડિયા દ્વારા તા. 8 નવેમ્બરે ભરૂચ ખાતે રાજ્યકક્ષાની સોફ્ટ ટેનિસ અંડર-14 ટુર્નામેન્ટનું આયોજન કરવામાં આવ્યું હતું. રાજ્યભરના કુલ 16 ખેલાડીઓએ તેમાં ભાગ લીધો હતો, જેમાં રેયાંશે ઉત્તમ પ્રદર્શન કરીને બ્રોન્ઝ મેડલ હાંસલ કર્યો હતો. આ સિદ્ધિથી રેયાંશે માત્ર પોતાના માતા-પિતા અને શાળાનું જ નહીં, પરંતુ સમગ્ર ભરૂચ જિલ્લાનું ગૌરવ વધાર્યું છે. હવે રેયાંશ આગામી ડિસેમ્બર માસમાં મધ્યપ્રદેશના દેવાસ ખાતે યોજાનાર રાષ્ટ્રીય કક્ષાની અંડર-14 સોફ્ટ ટેનિસ ટુર્નામેન્ટમાં ગુજરાત રાજ્યનું પ્રતિનિધિત્વ કરવા જઈ રહ્યો છે. રેયાંશે વિશ્વાસ વ્યકત કર્યો છે કે રાષ્ટ્રીય કક્ષાની ટુર્નામેન્ટમાં ગોલ્ડ મેડલ હાંસલ કરીને ગુજરાત અને અંકલેશ્વરનું નામ દેશભરમાં રોશન કરશે.