#Maharashtra Live News Wardha वर्ध्यातील एका मतदान केंद्रावर मोठा राडा; शरद पवार गटाच्या नितेश कराळे मास्तरांना मारहाण प्रकरणावर नितेश कराळे काय म्हणाले ? #MVMNews वर्धा : विधानसभा निवडणुकीची धामधूम सुरु आहे. आज आज (२० नोव्हेंबर) विधानसभेसाठी मतदान पार पडत आहे. या मतदानानंतर निवडणुकीचा निकाल २३ नोव्हेंबर रोजी लागणार आहे. त्यामुळे या निवडणुकीकडे देशाचं लक्ष लागलेलं आहे. आज राज्यभरात विविध मतदारसंघात मतदान पार पडत असताना सत्ताधारी आणि विरोधकांमध्ये आरोप-प्रत्यारोप सुरु आहेत. यातच काही ठिकाणी मारहाणीच्या घटनाही समोर आल्या आहेत. यातच आता वर्धा जिल्ह्यातून एक मोठी बातमी समोर आली असून राष्ट्रवादी काँग्रेस (शरद पवार) पक्षाचे पदाधिकारी नितेश कराळे यांना मारहाण झाल्याची माहिती सांगितली जात आहे. यासंदर्भात एक व्हिडीओही समोर आला आहे. या व्हिडीओमध्ये एक व्यक्ती नितेश कराळे यांना मारहाण करत असल्याचं दिसून येत आहे. दरम्यान, यानंतर नितेश कराळे यांनी आपल्याला भारतीय जनता पक्षाच्या कार्यकर्त्याने मारहाण केल्याचा आरोप केला आहे. तसेच नेमकी काय घडलं? याबाबत सविस्तर घटनाक्रमही त्यांनी सांगितला आहे. #नितेश कराळे काय म्हणाले? “मी माझ्या गावावरून मतदान करून येत होतो. तेव्हा वर्धा मतदारसंघात मी निघालो होतो, यावेळी माझ्याबरोबर माझं कुटुंबही होतं. उमरी या गावात जाण्यायेण्याचा रस्ता आहे. त्या ठिकाणी मी थांबलो लोकांना विचारपूस केली. यावेळी पोलिसांनी सांगितलं की तुमच्या बुथवर दोन लोक ठेवा. तसेच समोर आमदार पंकज भोयर यांचा बूथ होता. या बूथवर आठ लोक बसून होते. त्या ठिकाणी ग्रामपंचायतीचे काही कर्मचारी देखील बसून होते. एवढंच नाही तर ते कर्मचारी लॅपटॉप घेऊन बसून होते. त्यासाठी पोलिसांना फोन केला आणि ग्रामपंचायतीच्या कर्मचाऱ्याला विचारण्यासाठी पुढे गेलो असता भाजपाच्या उमरीमधील एक कार्यकर्ता माझ्या अंगावर धावून आला. तो कार्यकर्ता थेट माझ्या अंगावर धावून आला आणि मारहाण करू लागला. माझ्या पत्नीलाही शिवीगाळ केली. यामध्ये माझ्या लहान मुलीलाही लागलं”, असा आरोप नितेश कराळे यांनी केला. ते एका वृत्तवाहीनीशी बोलत होते.

Amit sharma

Umri•

8 hrs ago

बलमा कदर ना जाने बाली उमरी के सुटिग हो रहा है # वीडियो