विवेकानंद इंग्लिश स्कूल परतुर ; वार्षिक स्नेहसंमेलन उत्साहात परतूर - शुक्रवार दि. २९ नोव्हेंबर रोजी विवेकानंद इंग्लिश स्कूल व विवेकानंद पब्लिक स्कूल परतुर येथे "नवरस" या संकल्पनेवर आधारित वार्षिक स्नेहसंमेलन संपन्न झाले. विद्यार्थ्यांच्या शैक्षणिक विकासासोबतच विविध कला गुण विकसित होण्यासाठी दरवर्षी वेगवेगळ्या संकल्पना वर सांस्कृतिक कार्यक्रम आयोजित करण्यात येतो. या वर्षी हास्य, क्रोध, करुणा, रौद्र, बिभत्स, भय, शृंगार, वीर, आणि अद्भुत आदी भाव प्रकट करणारे नृत्य व नाटीकांचे सादरीकरण करण्यात आले. या प्रसंगी पालक वर्ग व प्रेक्षकांनी उदंड प्रतिसाद देउन विद्यार्थ्यांचे कौतूक केले. या कार्यक्रमाचे प्रमुख आकर्षण हे "रामायण नाटीका" होते. विविध वयोगटातील विद्यार्थ्यांनी एकत्र येऊन रामाचा वनवास, सिताहरण, रामसेतू आणि राम व रावण युद्ध हे देखावे सादर करून उत्कृष्ट कलेचा अविष्कार प्रेक्षकांसमोर मांडला. या प्रसंगी कार्यक्रमाचे उद्घाटन विवेकानंद सेवा केंद्र, परतुर चे अध्यक्ष डॉ. एस. जी. बाहेकर व प्रमुख उपस्थितीमध्ये प्रा.संदीप बाहेकर,प्रा,भालचंद्र महाजन,अतुलजी पोरवाल, आबासाहेब वरखडे, कुंडलीकराव जाधव, जगन्नाथराव सोनखेडकर, डॉ. शिकारे, शिवाजीराव पोकळे, मोहनराव आढे, रिंढे सर, भगवानराव नागरे, मुजाहिद कायमखानी, श्रीमती. संगीता शिंदे व श्रीमती. रोडगे मॅडम उपस्थित होते. यावेळी जिल्हा विभागीय व राज्य स्तरावर क्रिडा स्पर्धांमध्ये विजयी संघ व खेळाडूंचे सत्कार सर्व मान्यवरांच्या हस्ते करण्यात आला. कार्यक्रमाचे सूत्रसंचालन पंकज पांडे व श्रीमती. मेधा पाथरकर-आकात यांनी केले तर कार्यक्रम यशस्वी होण्यासाठी विष्णू बाहेकर सर, सुंदर राठोड सर व शिक्षक व शिक्षकेतर कर्मचारी यांनी परिश्रम घेतले. आभार प्रदर्शन विजयकुमार दंदाले यांनी केले.

Raut L

Photographer Partur, Jalna•

2 hrs ago

कस्तुरबा गांधी बालिका मंठा येथे बालविवाह मुक्त भारत मोहीम सुरू, रॅलीचे शपथविधीचे आयोजन