पिंपरी-चिंचवड महानगरपालिकेच्या प्रभाग क्रमांक ११ मधील नागरिकांना दरवर्षी पावसाळ्यात जलसाचणे, ड्रेनेज तुंबणे आणि अस्वच्छतेच्या गंभीर समस्यांना तोंड द्यावे लागत होते. या पार्श्वभूमीवर, राष्ट्रवादी काँग्रेस पार्टीचे सामाजिक कार्यकर्ते मारुती जाधव यांनी केलेल्या सातत्यपूर्ण पाठपुराव्याला आणि निवेदनांना यश आले आहे. प्रशासनाने आता पावसाळ्यापूर्वी ड्रेनेज व स्ट्रॉम वॉटर लाईनच्या कामांना गती दिली आहे. 'फ' क्षेत्रीय कार्यालयामार्फत प्रभागातील स्ट्रॉम वॉटर लाईन, नाले आणि ड्रेनेज लाईनची साफसफाई व दुरुस्तीची कामे युद्धपातळीवर हाती घेण्यात आली आहेत. प्रशासनाच्या या उपाययोजनांमुळे भीमशक्ती नगर, कृष्णानगर, महात्मा फुले नगर, घरकुल, कोयना नगर, शरद नगर आणि इतर संलग्न परिसरातील नागरिकांना मोठा दिलासा मिळणार आहे. विशेषतः घरकुल व भीमशक्ती नगर परिसरातील रहिवाशांना याचा अधिक फायदा होईल, ज्यामुळे रस्त्यांवर पावसाचे पाणी साचणे आणि ड्रेनेजचे पाणी तुंबून आरोग्याला धोका निर्माण होणे यांसारख्या समस्या मोठ्या प्रमाणात कमी होतील. या कामांच्या संदर्भात मारुती जाधव यांनी प्रतिक्रिया दिली की, नागरिकांच्या मूलभूत सुविधांसाठी सातत्याने पाठपुरावा करणे हे आमचे कर्तव्य आहे. प्रशासनाने मागणीची योग्य दखल घेऊन प्रत्यक्ष कामांना सुरुवात केल्याबद्दल त्यांनी आभार मानले असून, पावसाळा पूर्णपणे सक्रिय होण्यापूर्वी उर्वरित कामेही लवकरात लवकर पूर्ण करून नागरिकांना कायमस्वरूपी दिलासा देण्याची अपेक्षा व्यक्त केली. प्रभाग क्रमांक ११ मधील रखडलेल्या प्रश्नांवर तत्परतेने कारवाई केल्याबद्दल स्थानिक नागरिकांनी पिंपरी-चिंचवड महानगरपालिका प्रशासन, 'फ' क्षेत्रीय कार्यालयातील अधिकारी आणि संबंधित विभागाचे मनःपूर्वक आभार मानले. नागरिकांच्या हितासाठी अशीच सकारात्मक आणि तत्पर कार्यवाही पुढेही सुरू राहील, असा विश्वास यावेळी व्यक्त करण्यात आला.

Shrinivas mane

Media company हवेली, पुणे, महाराष्ट्र•

11 hrs ago

पिंपरी-चिंचवड महानगरपालिकेच्या प्रभाग क्रमांक ११ मधील नागरिकांना दरवर्षी पावसाळ्यात जलसाचणे, ड्रेनेज तुंबणे आणि अस्वच्छतेच्या गंभीर समस्यांना तोंड द्यावे लागत होते. या पार्श्वभूमीवर, राष्ट्रवादी काँग्रेस पार्टीचे सामाजिक कार्यकर्ते मारुती जाधव यांनी केलेल्या सातत्यपूर्ण पाठपुराव्याला आणि निवेदनांना यश आले आहे. प्रशासनाने आता पावसाळ्यापूर्वी ड्रेनेज व स्ट्रॉम वॉटर लाईनच्या कामांना गती दिली आहे. 'फ' क्षेत्रीय कार्यालयामार्फत

प्रभागातील स्ट्रॉम वॉटर लाईन, नाले आणि ड्रेनेज लाईनची साफसफाई व दुरुस्तीची कामे युद्धपातळीवर हाती घेण्यात आली आहेत. प्रशासनाच्या या उपाययोजनांमुळे भीमशक्ती नगर, कृष्णानगर, महात्मा फुले नगर, घरकुल, कोयना नगर, शरद नगर आणि इतर संलग्न परिसरातील नागरिकांना मोठा दिलासा मिळणार आहे. विशेषतः घरकुल व भीमशक्ती नगर परिसरातील रहिवाशांना याचा अधिक फायदा होईल, ज्यामुळे रस्त्यांवर पावसाचे

पाणी साचणे आणि ड्रेनेजचे पाणी तुंबून आरोग्याला धोका निर्माण होणे यांसारख्या समस्या मोठ्या प्रमाणात कमी होतील. या कामांच्या संदर्भात मारुती जाधव यांनी प्रतिक्रिया दिली की, नागरिकांच्या मूलभूत सुविधांसाठी सातत्याने पाठपुरावा करणे हे आमचे कर्तव्य आहे. प्रशासनाने मागणीची योग्य दखल घेऊन प्रत्यक्ष कामांना सुरुवात केल्याबद्दल त्यांनी आभार मानले असून, पावसाळा पूर्णपणे सक्रिय होण्यापूर्वी उर्वरित कामेही

लवकरात लवकर पूर्ण करून नागरिकांना कायमस्वरूपी दिलासा देण्याची अपेक्षा व्यक्त केली. प्रभाग क्रमांक ११ मधील रखडलेल्या प्रश्नांवर तत्परतेने कारवाई केल्याबद्दल स्थानिक नागरिकांनी पिंपरी-चिंचवड महानगरपालिका प्रशासन, 'फ' क्षेत्रीय कार्यालयातील अधिकारी आणि संबंधित विभागाचे मनःपूर्वक आभार मानले. नागरिकांच्या हितासाठी अशीच सकारात्मक आणि तत्पर कार्यवाही पुढेही सुरू राहील, असा विश्वास यावेळी व्यक्त करण्यात आला.