सिस्टीमचा 'करेक्ट कार्यक्रम'! खोट्या दिव्यांगांना नागडे करणाऱ्या मुढेंना अखेर 'वनात' धाडले ​मुंबई। प्रशासकीय व्यवस्थेतील गंज साफ करण्याचा प्रयत्न करणाऱ्या आयएएस अधिकारी तुकाराम मुंढे यांना पुन्हा एकदा सत्तेच्या वर्तुळाने 'दे धक्का' दिला आहे. ज्या हातांनी दिव्यांग कल्याण विभागात खोट्या प्रमाणपत्रांच्या आधारे नोकऱ्या लाटणाऱ्यांचे रॅकेट उध्वस्त करायला सुरुवात केली होती, त्याच हातांतून आता 'मदत व पुनर्वसन' (आपत्ती व्यवस्थापन) विभागाची धुरा सोपवून त्यांना मुख्य प्रवाहातून एकप्रकारे 'वनात' (वनवासात) पाठवल्याची चर्चा मंत्रालयाच्या कॉरिडॉरमध्ये रंगली आहे. ​अधिवेशनात खुद्द मुख्यमंत्री देवेंद्र फडणवीस यांनी ज्यांच्या कामाचे तोंडभरून कौतुक केले, त्याच अधिकाऱ्याची अवघ्या काही दिवसांत झालेली ही बदली प्रशासकीय वर्तुळात आश्चर्याचा धक्का मानली जात आहे. तुकाराम मुंढे यांनी दिव्यांग कल्याण विभागात रुजू होताच भ्रष्टाचाराचे अनेक धागेदोरे हाती घेतले होते. बनावट प्रमाणपत्रे सादर करून सरकारी तिजोरीवर दरोडा टाकणाऱ्या 'पांढरपेशा' टोळीचे धाबे दणाणले होते. हे रॅकेट उघड झाले असते तर अनेक बड्या अधिकाऱ्यांचे मुखवटे गळून पडले असते. हीच भीती अधिकारी लॉबीला सतावत होती आणि त्यातूनच मंत्रालयातील 'शक्तीशाली' गटाने फिल्डिंग लावून मुंढेंचा पत्ता कट केल्याचे बोलले जात आहे. ​२००५ च्या बॅचचे अधिकारी असलेल्या तुकाराम मुंढे यांच्या २१ वर्षांच्या कारकिर्दीतील ही २४ वी बदली आहे. दरवर्षी सरासरी एक बदली होण्याचा विक्रम त्यांच्या नावावर जमा झाला आहे. प्रामाणिक आणि कर्तव्यकठोर अधिकारी कोणत्याही सरकारला किंवा प्रस्थापित व्यवस्थेला मानवत नाहीत, हे या बदलीने पुन्हा एकदा अधोरेखित केले आहे. ​एकीकडे भ्रष्टाचारावर प्रहार करण्याच्या गप्पा मारल्या जात असताना, दुसरीकडे भ्रष्टाचार उघड करणाऱ्या अधिकाऱ्यालाच साईड ट्रॅकवर टाकून व्यवस्थेने आपले 'खरे' स्वरूप दाखवून दिले आहे. आता मदत व पुनर्वसन विभागात गेल्यानंतर मुंढे तिथल्या 'आपत्ती' कशा रोखतात, की तिथेही व्यवस्थेला नवीन 'धक्के' देतात, याकडे सर्वांचे लक्ष लागले आहे.

Amit Omprakash tiwari

मुंबई, मुंबई, महाराष्ट्र•

4 hrs ago

सिस्टीमचा 'करेक्ट कार्यक्रम'! खोट्या दिव्यांगांना नागडे करणाऱ्या मुढेंना अखेर 'वनात' धाडले ​मुंबई। प्रशासकीय व्यवस्थेतील गंज साफ करण्याचा प्रयत्न करणाऱ्या आयएएस अधिकारी तुकाराम मुंढे यांना पुन्हा एकदा सत्तेच्या वर्तुळाने 'दे धक्का' दिला आहे. ज्या हातांनी दिव्यांग कल्याण विभागात खोट्या प्रमाणपत्रांच्या आधारे नोकऱ्या लाटणाऱ्यांचे रॅकेट उध्वस्त करायला सुरुवात केली होती, त्याच हातांतून आता 'मदत व पुनर्वसन' (आपत्ती व्यवस्थापन) विभागाची धुरा सोपवून त्यांना मुख्य प्रवाहातून एकप्रकारे 'वनात' (वनवासात) पाठवल्याची चर्चा मंत्रालयाच्या कॉरिडॉरमध्ये रंगली आहे. ​अधिवेशनात खुद्द मुख्यमंत्री देवेंद्र फडणवीस यांनी ज्यांच्या कामाचे तोंडभरून कौतुक केले, त्याच अधिकाऱ्याची अवघ्या काही दिवसांत झालेली ही बदली प्रशासकीय वर्तुळात आश्चर्याचा धक्का मानली जात आहे. तुकाराम मुंढे यांनी दिव्यांग कल्याण विभागात रुजू होताच भ्रष्टाचाराचे अनेक धागेदोरे हाती घेतले होते. बनावट प्रमाणपत्रे सादर करून सरकारी तिजोरीवर दरोडा टाकणाऱ्या 'पांढरपेशा' टोळीचे धाबे दणाणले होते. हे रॅकेट उघड झाले असते तर अनेक बड्या अधिकाऱ्यांचे मुखवटे गळून पडले असते. हीच भीती अधिकारी लॉबीला सतावत होती आणि त्यातूनच मंत्रालयातील 'शक्तीशाली' गटाने फिल्डिंग लावून मुंढेंचा पत्ता कट केल्याचे बोलले जात आहे. ​२००५ च्या बॅचचे अधिकारी असलेल्या तुकाराम मुंढे यांच्या २१ वर्षांच्या कारकिर्दीतील ही २४ वी बदली आहे. दरवर्षी सरासरी एक बदली होण्याचा विक्रम त्यांच्या नावावर जमा झाला आहे. प्रामाणिक आणि कर्तव्यकठोर अधिकारी कोणत्याही सरकारला किंवा प्रस्थापित व्यवस्थेला मानवत नाहीत, हे या बदलीने पुन्हा एकदा अधोरेखित केले आहे. ​एकीकडे भ्रष्टाचारावर प्रहार करण्याच्या गप्पा मारल्या जात असताना, दुसरीकडे भ्रष्टाचार उघड करणाऱ्या अधिकाऱ्यालाच साईड ट्रॅकवर टाकून व्यवस्थेने आपले 'खरे' स्वरूप दाखवून दिले आहे. आता मदत व पुनर्वसन विभागात गेल्यानंतर मुंढे तिथल्या 'आपत्ती' कशा रोखतात, की तिथेही व्यवस्थेला नवीन 'धक्के' देतात, याकडे सर्वांचे लक्ष लागले आहे.