जालना चंदनझिरा पोलीस ठाण्याच्या हद्दीतील एमआयडीसी परिसरात दहशत निर्माण करण्याच्या उद्देशाने बेकायदेशीरपणे शस्त्रे बाळगणाऱ्या दोन तरुणांना पोलिसांनी रंगेहात पकडले आहे. २७ मे रोजी दुपारी केलेल्या या कारवाईत पोलिसांनी त्यांच्याकडून दोन धारदार खंजर जप्त केले आहेत. मिळालेल्या गुप्त माहितीनुसार, एमआयडीसी भागातील स्वराज पार्किंगसमोरील रस्त्यावर दोन युवक धारदार शस्त्रे घेऊन दहशत माजवत असल्याची खबर पोलीस निरीक्षक बाळासाहेब पवार यांना मिळाली होती. या माहितीची गंभीर दखल घेऊन, त्यांच्या सूचनेनुसार पोलीस पथकाने तात्काळ घटनास्थळी धाव घेतली आणि संशयित ओमकार शामधन सिंघल (वय २२, रा. संतोषीमाता नगर, मुकुंदवाडी, छत्रपती संभाजीनगर) आणि ओमकार गिरीजाशंकर शेळके (वय १९, रा. धनगर पिंपरी, ता. अंबड, जि. जालना) या दोघांना ताब्यात घेऊन अटक केली. त्यांच्या अंगझडतीत दोन धारदार खंजर सापडले. याप्रकरणी पोलीस कर्मचारी प्रशांत देशमुख आणि कृष्णा तंगे यांच्या फिर्यादीवरून आरोपींविरुद्ध भारतीय हत्यार कायद्याच्या कलम ४/२५ अन्वये स्वतंत्र गुन्हे दाखल करण्यात आले आहेत. या प्रकरणाचा पुढील तपास सहाय्यक पोलीस उपनिरीक्षक मनसुब वेताळ आणि रवी देशमुख करत आहेत. पोलीस अधीक्षक तेगबीर सिंह संधू, अप्पर पोलीस अधीक्षक विक्रम साळी, आणि उपविभागीय पोलीस अधिकारी अनंत कुलकर्णी यांच्या मार्गदर्शनाखाली पोलीस निरीक्षक बाळासाहेब पवार, सपोउपनि मनसुब वेताळ, प्रशांत देशमुख, कृष्णा तंगे आणि रवींद्र देशमुख यांच्या पथकाने ही यशस्वी कारवाई पार पाडली.

विशेष तपास न्युज

पिंपरी चिंचवड, पुणे, महाराष्ट्र•

9 hrs ago

जालना चंदनझिरा पोलीस ठाण्याच्या हद्दीतील एमआयडीसी परिसरात दहशत निर्माण करण्याच्या उद्देशाने बेकायदेशीरपणे शस्त्रे बाळगणाऱ्या दोन तरुणांना पोलिसांनी रंगेहात पकडले आहे. २७ मे रोजी दुपारी केलेल्या या कारवाईत पोलिसांनी त्यांच्याकडून दोन धारदार खंजर जप्त केले आहेत. मिळालेल्या गुप्त माहितीनुसार, एमआयडीसी भागातील स्वराज पार्किंगसमोरील रस्त्यावर दोन युवक धारदार शस्त्रे घेऊन दहशत माजवत असल्याची खबर पोलीस निरीक्षक बाळासाहेब पवार यांना मिळाली होती. या माहितीची गंभीर दखल घेऊन, त्यांच्या सूचनेनुसार पोलीस पथकाने तात्काळ घटनास्थळी धाव घेतली आणि संशयित ओमकार शामधन सिंघल (वय २२, रा. संतोषीमाता नगर, मुकुंदवाडी, छत्रपती संभाजीनगर) आणि ओमकार गिरीजाशंकर शेळके (वय १९, रा. धनगर पिंपरी, ता. अंबड, जि. जालना) या दोघांना ताब्यात घेऊन अटक केली. त्यांच्या अंगझडतीत दोन धारदार खंजर सापडले. याप्रकरणी पोलीस कर्मचारी प्रशांत देशमुख आणि कृष्णा तंगे यांच्या फिर्यादीवरून आरोपींविरुद्ध भारतीय हत्यार कायद्याच्या कलम ४/२५ अन्वये स्वतंत्र गुन्हे दाखल करण्यात आले आहेत. या प्रकरणाचा पुढील तपास सहाय्यक पोलीस उपनिरीक्षक मनसुब वेताळ आणि रवी देशमुख करत आहेत. पोलीस अधीक्षक तेगबीर सिंह संधू, अप्पर पोलीस अधीक्षक विक्रम साळी, आणि उपविभागीय पोलीस अधिकारी अनंत कुलकर्णी यांच्या मार्गदर्शनाखाली पोलीस निरीक्षक बाळासाहेब पवार, सपोउपनि मनसुब वेताळ, प्रशांत देशमुख, कृष्णा तंगे आणि रवींद्र देशमुख यांच्या पथकाने ही यशस्वी कारवाई पार पाडली.