लातूर जिल्ह्यातील रेनापूर पोलीस ठाण्याच्या हद्दीतील मौजे खारोळा येथे शेतातील कॉपर वायर चोरी करण्याचा प्रयत्न करणाऱ्या अल्पवयीन मुलांना पकडून मारहाण केल्याची घटना समोर आली आहे. या प्रकरणी पोलिसांनी कायदा हातात घेणाऱ्यांवर आणि चोरी करणाऱ्यांवर अशा दोन्ही बाजूंवर स्वतंत्र गुन्हे दाखल केले आहेत. शेतातून चोरी करण्याचा प्रयत्न केल्याप्रकरणी तीन विधी संघर्ष ग्रस्त बालकांवर भारतीय न्याय संहितेच्या कलम ३०३ (२) आणि गु. र. न. २४०/२६ अन्वये गुन्हा नोंदवण्यात आला आहे. दुसरीकडे, संबंधित मुलांना मारहाण करून कायदा हातात घेतल्याप्रकरणी एका बालकाच्या फिर्यादीवरून सचिन नारायण राऊतराव (वय ४० वर्षे) आणि नितीन गोविंद शिंदे (वय ३८ वर्षे) यांच्याविरुद्ध भारतीय न्याय संहितेच्या कलम ११८ (१), १२६ व गु. र. न. ३४१/२०२६ अन्वये स्वतंत्र गुन्हा दाखल करण्यात आला आहे. घटनेची माहिती मिळताच उपविभागीय पोलीस अधिकारी राजेंद्र मायने आणि रेनापूरचे पोलीस निरीक्षक सुधाकर देडे यांनी तातडीने घटनास्थळाला भेट देऊन परिस्थितीची पाहणी केली. त्यांनी स्थानिक नागरिक, ग्रामस्थ आणि संबंधित कुटुंबांशी संवाद साधून गावात शांतता व सलोखा राखण्याचे आवाहन केले आहे. या घटनेचे काही व्हिडिओ सोशल मीडियावर प्रसारित झाल्याचे समोर आले असून त्याबाबत तांत्रिक तपास सुरू आहे. कोणत्याही प्रकारच्या अफवा, दिशाभूल करणारे संदेश किंवा समाजात तेढ निर्माण करणारी माहिती पसरवणाऱ्यांवर कडक कायदेशीर कारवाई केली जाणार आहे. लातूर जिल्हा पोलीस दलाने नागरिकांना आवाहन केले आहे की, चोरी किंवा कोणताही गुन्हा घडल्यास कायदा स्वतःच्या हातात न घेता तात्काळ डायल ११२ किंवा जवळच्या पोलीस ठाण्याशी संपर्क साधावा. "कायद्यापेक्षा कोणीही मोठे नाही; गुन्हा करणाऱ्यावर आणि कायदा हातात घेणाऱ्यावरही कठोर कारवाई केली जाईल," असा स्पष्ट संदेश पोलीस प्रशासनाने दिला आहे.

Laxman Ugile

उदगीर, लातूर, महाराष्ट्र•

1 hr ago

लातूर जिल्ह्यातील रेनापूर पोलीस ठाण्याच्या हद्दीतील मौजे खारोळा येथे शेतातील कॉपर वायर चोरी करण्याचा प्रयत्न करणाऱ्या अल्पवयीन मुलांना पकडून मारहाण केल्याची घटना समोर आली आहे. या प्रकरणी पोलिसांनी कायदा हातात घेणाऱ्यांवर आणि चोरी करणाऱ्यांवर अशा दोन्ही बाजूंवर स्वतंत्र गुन्हे दाखल केले आहेत. शेतातून चोरी करण्याचा प्रयत्न केल्याप्रकरणी तीन विधी संघर्ष ग्रस्त बालकांवर भारतीय न्याय संहितेच्या कलम ३०३ (२) आणि गु. र. न. २४०/२६ अन्वये गुन्हा नोंदवण्यात आला आहे. दुसरीकडे, संबंधित मुलांना मारहाण करून कायदा हातात घेतल्याप्रकरणी एका बालकाच्या फिर्यादीवरून सचिन नारायण राऊतराव (वय ४० वर्षे) आणि नितीन गोविंद शिंदे (वय ३८ वर्षे) यांच्याविरुद्ध भारतीय न्याय संहितेच्या कलम ११८ (१), १२६ व गु. र. न. ३४१/२०२६ अन्वये स्वतंत्र गुन्हा दाखल करण्यात आला आहे. घटनेची माहिती मिळताच उपविभागीय पोलीस अधिकारी राजेंद्र मायने आणि रेनापूरचे पोलीस निरीक्षक सुधाकर देडे यांनी तातडीने घटनास्थळाला भेट देऊन परिस्थितीची पाहणी केली. त्यांनी स्थानिक नागरिक, ग्रामस्थ आणि संबंधित कुटुंबांशी संवाद साधून गावात शांतता व सलोखा राखण्याचे आवाहन केले आहे. या घटनेचे काही व्हिडिओ सोशल मीडियावर प्रसारित झाल्याचे समोर आले असून त्याबाबत तांत्रिक तपास सुरू आहे. कोणत्याही प्रकारच्या अफवा, दिशाभूल करणारे संदेश किंवा समाजात तेढ निर्माण करणारी माहिती पसरवणाऱ्यांवर कडक कायदेशीर कारवाई केली जाणार आहे. लातूर जिल्हा पोलीस दलाने नागरिकांना आवाहन केले आहे की, चोरी किंवा कोणताही गुन्हा घडल्यास कायदा स्वतःच्या हातात न घेता तात्काळ डायल ११२ किंवा जवळच्या पोलीस ठाण्याशी संपर्क साधावा. "कायद्यापेक्षा कोणीही मोठे नाही; गुन्हा करणाऱ्यावर आणि कायदा हातात घेणाऱ्यावरही कठोर कारवाई केली जाईल," असा स्पष्ट संदेश पोलीस प्रशासनाने दिला आहे.