దీపావళి నాటికి వరంగల్‌లో సీజీహెచ్‌ఎస్ వెల్‌నెస్ సెంటర్ * 12 వేల మంది కేంద్ర ప్రభుత్వ ఉద్యోగులు, పెన్షనర్లకు వైద్య సేవలు... వరంగల్ : వరంగల్‌ నగరంలో సెంట్రల్ గవర్నమెంట్ హెల్త్ స్కీమ్ (CGHS) వెల్‌నెస్ సెంటర్ ఏర్పాటు ప్రక్రియ వేగవంతమైంది. దీపావళి నాటికి వైద్య సేవలు అందుబాటులోకి తీసుకురావాలని ఎంపీ అదేశాలతో అధికారులు లక్ష్యంగా పెట్టుకున్నారు. వరంగల్ పార్లమెంట్ సభ్యురాలు డాక్టర్ కడియం కావ్య చొరవతో ఈ వెల్‌నెస్ సెంటర్ పనులు వేగం పుంజుకున్నాయి. కేంద్ర ప్రభుత్వ ఉద్యోగులు, పెన్షనర్లు, రిటైర్డ్ ఉద్యోగులు వారి కుటుంబ సభ్యులకు మెరుగైన వైద్య సేవలు అందించాలనే లక్ష్యంతో ఎంపీ నిరంతరం కృషి చేస్తున్నారు. ఇందులో భాగంగా CGHS, కేంద్ర ఆరోగ్య-కుటుంబ సంక్షేమ శాఖ అదనపు డైరెక్టర్ జనరల్ డాక్టర్ పర్వీన్ బాలా, CGHS వైద్య బృందంతో కలిసి ఎంపీ డాక్టర్ కడియం కావ్య కేయూ క్రాస్ సమీపంలోని ఆకాశవాణి రేడియో స్టేషన్ ప్రాంగణంలోని ప్రతిపాదిత భవనాలను పరిశీలించారు. వెల్‌నెస్ సెంటర్ ఏర్పాటుకు అనువైన వసతులు, భవన పరిస్థితి, అవసరమైన మౌలిక సదుపాయాలను పరిశీలించారు. వెల్‌నెస్ సెంటర్ ప్రతిపాదన ఆర్థిక అనుమతి కోసం కేంద్ర ఆరోగ్య శాఖ వద్ద పెండింగ్‌లో ఉండటాన్ని గుర్తించిన ఎంపీ, ఇటీవల ఢిల్లీలో కేంద్ర ఆరోగ్య శాఖ కార్యదర్శిని కలిసి ఆర్థిక అనుమతిని త్వరితగతిన మంజూరు చేయాలని విజ్ఞప్తి చేశారు. దీంతో కేంద్ర బృందం వరంగల్‌కు వచ్చి పరిశీలన చేపట్టారు. ఈ సందర్భంగా ఎంపీ డాక్టర్ కడియం కావ్య మాట్లాడుతూ, దీపావళి నాటికి CGHS వెల్‌నెస్ సెంటర్ వైద్య సేవలు అందుబాటులోకి వచ్చేలా చర్యలు చేపట్టాలని అధికారులను కోరారు. అవసరమైన మౌలిక వసతులు, వైద్య సదుపాయాలను వేగంగా పూర్తి చేయాలని సూచించారు. వెల్‌నెస్ సెంటర్ ఏర్పాటుకు తన ఎంపీ నిధుల నుంచి రూ.10 లక్షలు అందించేందుకు సిద్ధంగా ఉన్నట్లు తెలిపారు. వరంగల్‌లో ఏర్పాటు కానున్న ఈ వెల్‌నెస్ సెంటర్‌ను కేవలం ప్రాథమిక వైద్య సేవలకే పరిమితం చేయకుండా కార్పొరేట్ స్థాయి వైద్య సేవలు అందించేలా అభివృద్ధి చేయడమే తన లక్ష్యమని ఎంపీ పేర్కొన్నారు. ఇక్కడ ఓపీ సేవలతో పాటు అవసరమైన వైద్య పరీక్షలు, మందులు, వివిధ రకాల చికిత్సలు, శస్త్రచికిత్సలకు సంబంధించి రిఫరల్ సదుపాయాలు అందుబాటులో ఉంటాయని తెలిపారు. ఇప్పటికే మెడికవర్, లెనోవా ఆసుపత్రులతో ఎంప్యానల్‌మెంట్ ప్రక్రియ జరిగిందని తెలిపారు. ఈ వెల్‌నెస్ సెంటర్ అందుబాటులోకి వస్తే వరంగల్, హనుమకొండతో పాటు పరిసర ప్రాంతాల్లోని సుమారు 12 వేల మంది కేంద్ర ప్రభుత్వ ఉద్యోగులు, పెన్షనర్లు, రిటైర్డ్ ఉద్యోగులు, వారి ఆధారిత కుటుంబ సభ్యులకు నాణ్యమైన వైద్యం అందుబాటులోకి వస్తుందని ఎంపీ స్పష్టం చేశారు.

Kumar Pasunuri

Local News Reporter Ghanpur (Station), Jangoan•

11 hrs ago

దీపావళి నాటికి వరంగల్‌లో సీజీహెచ్‌ఎస్ వెల్‌నెస్ సెంటర్ * 12 వేల మంది కేంద్ర ప్రభుత్వ ఉద్యోగులు, పెన్షనర్లకు వైద్య సేవలు... వరంగల్ : వరంగల్‌ నగరంలో సెంట్రల్ గవర్నమెంట్ హెల్త్ స్కీమ్ (CGHS) వెల్‌నెస్ సెంటర్ ఏర్పాటు ప్రక్రియ వేగవంతమైంది. దీపావళి నాటికి వైద్య సేవలు అందుబాటులోకి తీసుకురావాలని ఎంపీ అదేశాలతో అధికారులు లక్ష్యంగా పెట్టుకున్నారు. వరంగల్ పార్లమెంట్ సభ్యురాలు డాక్టర్ కడియం కావ్య చొరవతో ఈ వెల్‌నెస్ సెంటర్ పనులు వేగం పుంజుకున్నాయి. కేంద్ర ప్రభుత్వ ఉద్యోగులు, పెన్షనర్లు, రిటైర్డ్ ఉద్యోగులు వారి కుటుంబ సభ్యులకు మెరుగైన వైద్య సేవలు అందించాలనే లక్ష్యంతో ఎంపీ

నిరంతరం కృషి చేస్తున్నారు. ఇందులో భాగంగా CGHS, కేంద్ర ఆరోగ్య-కుటుంబ సంక్షేమ శాఖ అదనపు డైరెక్టర్ జనరల్ డాక్టర్ పర్వీన్ బాలా, CGHS వైద్య బృందంతో కలిసి ఎంపీ డాక్టర్ కడియం కావ్య కేయూ క్రాస్ సమీపంలోని ఆకాశవాణి రేడియో స్టేషన్ ప్రాంగణంలోని ప్రతిపాదిత భవనాలను పరిశీలించారు. వెల్‌నెస్ సెంటర్ ఏర్పాటుకు అనువైన వసతులు, భవన పరిస్థితి, అవసరమైన మౌలిక సదుపాయాలను పరిశీలించారు. వెల్‌నెస్ సెంటర్ ప్రతిపాదన ఆర్థిక అనుమతి కోసం కేంద్ర ఆరోగ్య శాఖ వద్ద పెండింగ్‌లో ఉండటాన్ని గుర్తించిన ఎంపీ, ఇటీవల ఢిల్లీలో కేంద్ర ఆరోగ్య శాఖ కార్యదర్శిని కలిసి ఆర్థిక అనుమతిని

త్వరితగతిన మంజూరు చేయాలని విజ్ఞప్తి చేశారు. దీంతో కేంద్ర బృందం వరంగల్‌కు వచ్చి పరిశీలన చేపట్టారు. ఈ సందర్భంగా ఎంపీ డాక్టర్ కడియం కావ్య మాట్లాడుతూ, దీపావళి నాటికి CGHS వెల్‌నెస్ సెంటర్ వైద్య సేవలు అందుబాటులోకి వచ్చేలా చర్యలు చేపట్టాలని అధికారులను కోరారు. అవసరమైన మౌలిక వసతులు, వైద్య సదుపాయాలను వేగంగా పూర్తి చేయాలని సూచించారు. వెల్‌నెస్ సెంటర్ ఏర్పాటుకు తన ఎంపీ నిధుల నుంచి రూ.10 లక్షలు అందించేందుకు సిద్ధంగా ఉన్నట్లు తెలిపారు. వరంగల్‌లో ఏర్పాటు కానున్న ఈ వెల్‌నెస్ సెంటర్‌ను కేవలం ప్రాథమిక వైద్య సేవలకే పరిమితం చేయకుండా కార్పొరేట్ స్థాయి

వైద్య సేవలు అందించేలా అభివృద్ధి చేయడమే తన లక్ష్యమని ఎంపీ పేర్కొన్నారు. ఇక్కడ ఓపీ సేవలతో పాటు అవసరమైన వైద్య పరీక్షలు, మందులు, వివిధ రకాల చికిత్సలు, శస్త్రచికిత్సలకు సంబంధించి రిఫరల్ సదుపాయాలు అందుబాటులో ఉంటాయని తెలిపారు. ఇప్పటికే మెడికవర్, లెనోవా ఆసుపత్రులతో ఎంప్యానల్‌మెంట్ ప్రక్రియ జరిగిందని తెలిపారు. ఈ వెల్‌నెస్ సెంటర్ అందుబాటులోకి వస్తే వరంగల్, హనుమకొండతో పాటు పరిసర ప్రాంతాల్లోని సుమారు 12 వేల మంది కేంద్ర ప్రభుత్వ ఉద్యోగులు, పెన్షనర్లు, రిటైర్డ్ ఉద్యోగులు, వారి ఆధారిత కుటుంబ సభ్యులకు నాణ్యమైన వైద్యం అందుబాటులోకి వస్తుందని ఎంపీ స్పష్టం చేశారు.