പറവൂർ വടക്കേക്കര പഞ്ചായത്തിലെ വെള്ളക്കെട്ട് ഒഴിവാക്കുന്നതിനുള്ള നടപടികൾക്കായി ദേശീയപാത അതോറിറ്റി അനുവദിച്ച കോടികൾ പാഴാക്കിയ വടക്കേക്കര പഞ്ചായത്ത് ഭരണസമിതിക്കെതിരെ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ പഞ്ചായത്ത് ഓഫീസിനു മുന്നിൽ ധർണ നടത്തി. ദേശീയപാത നിർമാണവുമായി ബന്ധപ്പെട്ട് വെള്ളക്കെട്ട് ഒഴിവാക്കുന്നതിനായി നാല് പഞ്ചായത്തുകൾക്കും പറവൂർ നഗരസഭക്കുമായി ദേശീയപാത അതോറിറ്റി 24 കോടിയോളം രൂപ വിതരണം ചെയ്തിട്ടും വടക്കേക്കര പഞ്ചായത്തിന് ഈ തുക ലഭിച്ചില്ല. വെള്ളക്കെട്ട് ഒഴിവാക്കാൻ പഞ്ചായത്ത് സ്വീകരിച്ച നടപടികളെ കുറിച്ചും അതിനാവശ്യമായി വരുന്ന തുകകളെ കുറിച്ചും വിശദവിവരങ്ങൾ ദേശീയപാത അതോറിറ്റിയെ വടക്കേക്കര പഞ്ചായത്തിലെ എൽഡിഎഫ് ഭരണസമിതി അറിയിക്കാതിരുന്നതാണ് പഞ്ചായത്തിന് ലഭിക്കേണ്ട 7 കോടി രൂപയോളം നഷ്ടപ്പെടാൻ കാരണമായതെന്ന് നേതാക്കൾ ചൂണ്ടിക്കാട്ടി. ധർണ ഉദ്ഘാടനം ചെയ്ത ഡിസിസി ജനറൽ സെക്രട്ടറി എം ടി ജയൻ, കഴിവുകെട്ട പഞ്ചായത്ത് പ്രസിഡന്റ് ജനങ്ങളോട് മാപ്പ് പറയണമെന്ന് ആവശ്യപ്പെട്ടു. മണ്ഡലം പ്രസിഡന്റ് എം ഡി മധുലാൽ അധ്യക്ഷത വഹിച്ച പ്രതിഷേധത്തിൽ കോൺഗ്രസ് നേതാക്കളായ ജോർജ് തച്ചിലകത്ത്, ടി കെ ബാബു, ജോജോ മനക്കിൽ, എം കെ ബാബു തുടങ്ങിയ നേതാക്കൾ നേതൃത്വം നൽകി.

Bijoy Antu Srambical

Newsagent പറവൂർ, എറണാകുളം, കേരളം•

2 hrs ago

പറവൂർ വടക്കേക്കര പഞ്ചായത്തിലെ വെള്ളക്കെട്ട് ഒഴിവാക്കുന്നതിനുള്ള നടപടികൾക്കായി ദേശീയപാത അതോറിറ്റി അനുവദിച്ച കോടികൾ പാഴാക്കിയ വടക്കേക്കര പഞ്ചായത്ത് ഭരണസമിതിക്കെതിരെ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ പഞ്ചായത്ത് ഓഫീസിനു മുന്നിൽ ധർണ നടത്തി. ദേശീയപാത നിർമാണവുമായി ബന്ധപ്പെട്ട് വെള്ളക്കെട്ട് ഒഴിവാക്കുന്നതിനായി നാല് പഞ്ചായത്തുകൾക്കും പറവൂർ നഗരസഭക്കുമായി ദേശീയപാത അതോറിറ്റി 24 കോടിയോളം രൂപ വിതരണം ചെയ്തിട്ടും വടക്കേക്കര പഞ്ചായത്തിന് ഈ തുക ലഭിച്ചില്ല. വെള്ളക്കെട്ട് ഒഴിവാക്കാൻ പഞ്ചായത്ത് സ്വീകരിച്ച നടപടികളെ കുറിച്ചും അതിനാവശ്യമായി വരുന്ന തുകകളെ കുറിച്ചും വിശദവിവരങ്ങൾ ദേശീയപാത അതോറിറ്റിയെ വടക്കേക്കര പഞ്ചായത്തിലെ എൽഡിഎഫ് ഭരണസമിതി അറിയിക്കാതിരുന്നതാണ് പഞ്ചായത്തിന് ലഭിക്കേണ്ട 7 കോടി രൂപയോളം നഷ്ടപ്പെടാൻ കാരണമായതെന്ന് നേതാക്കൾ ചൂണ്ടിക്കാട്ടി. ധർണ ഉദ്ഘാടനം ചെയ്ത ഡിസിസി ജനറൽ സെക്രട്ടറി എം ടി ജയൻ, കഴിവുകെട്ട പഞ്ചായത്ത് പ്രസിഡന്റ് ജനങ്ങളോട് മാപ്പ് പറയണമെന്ന് ആവശ്യപ്പെട്ടു. മണ്ഡലം പ്രസിഡന്റ് എം ഡി മധുലാൽ അധ്യക്ഷത വഹിച്ച പ്രതിഷേധത്തിൽ കോൺഗ്രസ് നേതാക്കളായ ജോർജ് തച്ചിലകത്ത്, ടി കെ ബാബു, ജോജോ മനക്കിൽ, എം കെ ബാബു തുടങ്ങിയ നേതാക്കൾ നേതൃത്വം നൽകി.