తెలంగాణలో ముదిరాజ్ జాతి దశాబ్దాలుగా సాగిస్తున్న బీసీ 'ఏ' ఉద్యమానికి ఎమ్మార్పీఎస్ రాష్ట్ర అధ్యక్షులు పద్మశ్రీ మంద కృష్ణ మాదిగ సంపూర్ణ మద్దతు ప్రకటించారు. శనివారం హైదరాబాద్‌లోని తన కార్యాలయంలో కామారెడ్డి జిల్లా ముదిరాజ్ ప్రతినిధులు ఆయనను కలిసి మద్దతు కోరారు. ఈ సందర్భంగా మంద కృష్ణ మాదిగ మాట్లాడుతూ, ముదిరాజ్ జాతి గ్రామాల్లో అత్యంత అట్టడుగు స్థాయిలో జీవిస్తోందని, బతుకుదెరువు లేక కుటుంబాలు చిన్నాభిన్నమై దొరికిన పనులు చేసుకుంటూ పొట్టపోసుకుంటున్న స్థితిని తాను స్వయంగా చూశానని ఆవేదన వ్యక్తం చేశారు. రాజ్యాంగబద్ధమైన హక్కులు కల్పించకుండా శాశ్వత పరిష్కారం కోసం ప్రభుత్వం ప్రయత్నించకపోవడం వల్లే కులాలు సామాజిక న్యాయం కోసం కొట్లాడుకోవాల్సి వస్తోందని ఆయన స్పష్టం చేశారు. ఈ సందర్భంగా కామారెడ్డి జిల్లా అధ్యక్షులు డాక్టర్ భట్టు విఠల్ ముదిరాజ్ మాట్లాడుతూ, దశాబ్దాలుగా రాజకీయ నాయకులు ముదిరాజ్ యువతను, మహిళలను మోసం చేస్తున్నారని ఆరోపించారు. మూడు దశాబ్దాల ఉద్యమంతో వర్గీకరణ సాధించిన మంద కృష్ణ మాదిగ తమ సామాజిక న్యాయం, రాజకీయ వాటా, ఆర్థిక విద్య, ఉద్యోగ అవకాశాల పోరాటానికి సంఘ సంస్కర్తగా తోడ్పాటు అందించాలని కోరారు. ఎన్నికల సమయంలో ఇచ్చిన కామారెడ్డి డిక్లరేషన్ హామీలను అమలు చేయడంలో ప్రభుత్వం విఫలమైందని ఉద్యోగ సంఘాల జిల్లా కన్వీనర్ బాలకిషన్ ముదిరాజ్ విమర్శించారు. సోషల్ మీడియాలో తప్పుడు ప్రచారం చేస్తూ ముదిరాజ్ జాతి న్యాయమైన డిమాండ్లను పక్కదారి పట్టిస్తున్నారని, ప్రభుత్వం దీనిని సాకుగా చూపిస్తూ హామీలను అమలు చేయడం లేదని వివరించారు. రాజ్యాంగం ప్రకారమే అన్ని జాతుల సమస్యలకు సామాజిక న్యాయం లభిస్తుందని, ముదిరాజ్ జాతికి రాజ్యాంగబద్ధమైన హక్కులు కల్పించేలా ప్రభుత్వంపై ఒత్తిడి తెస్తామని మంద కృష్ణ మాదిగ హామీ ఇచ్చారు. ఈ కార్యక్రమంలో జిల్లా ఉపాధ్యక్షులు తూర్పు రాజు ముదిరాజ్, రామారెడ్డి మండల కార్యదర్శి ఆంజనేయులు ముదిరాజ్, ఆగం పాండు ముదిరాజ్, జలేందర్ ముదిరాజ్ తదితరులు పాల్గొన్నారు.

Korivi Narsimlu

బీబీపేట్, కామారెడ్డి, తెలంగాణ•

3 hrs ago

తెలంగాణలో ముదిరాజ్ జాతి దశాబ్దాలుగా సాగిస్తున్న బీసీ 'ఏ' ఉద్యమానికి ఎమ్మార్పీఎస్ రాష్ట్ర అధ్యక్షులు పద్మశ్రీ మంద కృష్ణ మాదిగ సంపూర్ణ మద్దతు ప్రకటించారు. శనివారం హైదరాబాద్‌లోని తన కార్యాలయంలో కామారెడ్డి జిల్లా ముదిరాజ్ ప్రతినిధులు ఆయనను కలిసి మద్దతు కోరారు. ఈ సందర్భంగా మంద కృష్ణ మాదిగ మాట్లాడుతూ, ముదిరాజ్ జాతి గ్రామాల్లో అత్యంత అట్టడుగు స్థాయిలో జీవిస్తోందని, బతుకుదెరువు లేక కుటుంబాలు చిన్నాభిన్నమై దొరికిన పనులు చేసుకుంటూ పొట్టపోసుకుంటున్న స్థితిని తాను స్వయంగా చూశానని ఆవేదన వ్యక్తం చేశారు. రాజ్యాంగబద్ధమైన హక్కులు కల్పించకుండా శాశ్వత పరిష్కారం కోసం ప్రభుత్వం ప్రయత్నించకపోవడం వల్లే కులాలు సామాజిక న్యాయం కోసం కొట్లాడుకోవాల్సి వస్తోందని ఆయన స్పష్టం చేశారు. ఈ సందర్భంగా కామారెడ్డి జిల్లా అధ్యక్షులు డాక్టర్ భట్టు విఠల్ ముదిరాజ్ మాట్లాడుతూ, దశాబ్దాలుగా రాజకీయ నాయకులు ముదిరాజ్ యువతను, మహిళలను మోసం చేస్తున్నారని ఆరోపించారు. మూడు దశాబ్దాల ఉద్యమంతో వర్గీకరణ సాధించిన మంద కృష్ణ మాదిగ తమ సామాజిక న్యాయం, రాజకీయ వాటా, ఆర్థిక విద్య, ఉద్యోగ అవకాశాల పోరాటానికి సంఘ సంస్కర్తగా తోడ్పాటు అందించాలని కోరారు. ఎన్నికల సమయంలో ఇచ్చిన కామారెడ్డి డిక్లరేషన్ హామీలను అమలు చేయడంలో ప్రభుత్వం విఫలమైందని ఉద్యోగ సంఘాల జిల్లా కన్వీనర్ బాలకిషన్ ముదిరాజ్ విమర్శించారు. సోషల్ మీడియాలో తప్పుడు ప్రచారం చేస్తూ ముదిరాజ్ జాతి న్యాయమైన డిమాండ్లను పక్కదారి పట్టిస్తున్నారని, ప్రభుత్వం దీనిని సాకుగా చూపిస్తూ హామీలను అమలు చేయడం లేదని వివరించారు. రాజ్యాంగం ప్రకారమే అన్ని జాతుల సమస్యలకు సామాజిక న్యాయం లభిస్తుందని, ముదిరాజ్ జాతికి రాజ్యాంగబద్ధమైన హక్కులు కల్పించేలా ప్రభుత్వంపై ఒత్తిడి తెస్తామని మంద కృష్ణ మాదిగ హామీ ఇచ్చారు. ఈ కార్యక్రమంలో జిల్లా ఉపాధ్యక్షులు తూర్పు రాజు ముదిరాజ్, రామారెడ్డి మండల కార్యదర్శి ఆంజనేయులు ముదిరాజ్, ఆగం పాండు ముదిరాజ్, జలేందర్ ముదిరాజ్ తదితరులు పాల్గొన్నారు.