சென்னை: ஒன்றிய பாஜக அரசின் நீட் தேர்வு முறைகேடுகளை கண்டித்தும், தமிழகத்தில் தொடரும் நீட் தேர்வு தற்கொலைகளுக்கு முற்றுப்புள்ளி வைக்கும் வகையிலும் நீட் தேர்வை ரத்து செய்ய வலியுறுத்தி இந்திய மாணவர் சங்கம் சார்பில் நடைபெற்ற போராட்டத்தில் ஈடுபட்ட மாணவர்கள் மீது காவல்துறை அராஜக தாக்குதல் நடத்தியதாக மார்க்சிஸ்ட் கம்யூனிஸ்ட் கட்சியின் மாநிலச் செயலாளர் பெ.சண்முகம் தெரிவித்துள்ளார். ஜனநாயக ரீதியிலான போராட்டங்களுக்கு உரிய முறையில் அனுமதி வழங்கிட வேண்டும் என்றும் அவர் வலியுறுத்தினார். இதுகுறித்து அவர் வெளியிட்டுள்ள அறிக்கையில், போராட்டத்தில் ஈடுபட முயன்ற மாணவர்களை காவல்துறையினர் ஒன்றுசேர விடாமல் கைது செய்ததோடு, காட்டுமிராண்டித்தனமாக தாக்கியதாகவும் குறிப்பிட்டுள்ளார். இந்த கொடூர தாக்குதலில் ஒரு மாணவரின் தோள்பட்டை இறங்கியுள்ளது. மேலும், அநாகரீகமாக மாணவிகளை ஆண் காவலர்கள் ஆடையைப் பிடித்து இழுத்தும், தள்ளியும், அடித்தும் கைது செய்துள்ளனர். சட்டத்திற்குப் புறம்பாக, காவலர்கள் தங்களது சீருடையில் பெயர் வில்லைகளை அணியாமல் அடையாளத்தை மறைத்துக்கொண்டு அராஜகத்தில் ஈடுபட்டதாகவும் அந்த அறிக்கை குற்றம்சாட்டுகிறது. காவல்துறையினரின் இந்த நடவடிக்கைகள் ஜனநாயக உரிமைகளை காலில் போட்டு மிதிப்பதாகவும், இவை இந்திய சட்டங்கள் (பி.என்.எஸ்.) மற்றும் தேசிய மனித உரிமை ஆணைய வழிகாட்டுதல்களின்படி குற்றங்கள் என்றும், அரசமைப்பு சட்ட உரிமைகள் மற்றும் கண்ணியத்துக்கு எதிரானது என்றும் மார்க்சிஸ்ட் கம்யூனிஸ்ட் கட்சியின் தமிழ்நாடு மாநில செயற்குழு வன்மையாக கண்டனம் தெரிவித்துள்ளது. நியாயமான கோரிக்கைகளுக்காக போராடிய மாணவர்கள் மீது வன்முறையை ஏவி தாக்குதல் நடத்திய காவலர்கள் மீது உரிய நடவடிக்கை எடுக்க வேண்டும் என்றும், மாணவிகளை தகாத முறையில் நடத்திய ஆண் காவலர்கள் மீது உடனடியாக வழக்குப் பதிவு செய்து சட்ட ரீதியான நடவடிக்கைகளை மேற்கொள்ள வேண்டும் என்றும், ஜனநாயக ரீதியிலான போராட்டங்களுக்கு உரிய முறையில் அனுமதி வழங்கிட வேண்டும் என்றும் மார்க்சிஸ்ட் கம்யூனிஸ்ட் கட்சியின் தமிழ்நாடு மாநில செயற்குழு தமிழக அரசை வலியுறுத்தியுள்ளது.

N-KIPSRA

Madurai North, Tamil Nadu•

8 hrs ago

சென்னை: ஒன்றிய பாஜக அரசின் நீட் தேர்வு முறைகேடுகளை கண்டித்தும், தமிழகத்தில் தொடரும் நீட் தேர்வு தற்கொலைகளுக்கு முற்றுப்புள்ளி வைக்கும் வகையிலும் நீட் தேர்வை ரத்து செய்ய வலியுறுத்தி இந்திய மாணவர் சங்கம் சார்பில் நடைபெற்ற போராட்டத்தில் ஈடுபட்ட மாணவர்கள் மீது காவல்துறை அராஜக தாக்குதல் நடத்தியதாக மார்க்சிஸ்ட் கம்யூனிஸ்ட் கட்சியின் மாநிலச் செயலாளர் பெ.சண்முகம் தெரிவித்துள்ளார். ஜனநாயக ரீதியிலான போராட்டங்களுக்கு உரிய முறையில் அனுமதி வழங்கிட வேண்டும் என்றும் அவர் வலியுறுத்தினார். இதுகுறித்து அவர் வெளியிட்டுள்ள அறிக்கையில், போராட்டத்தில் ஈடுபட முயன்ற மாணவர்களை காவல்துறையினர் ஒன்றுசேர விடாமல் கைது செய்ததோடு, காட்டுமிராண்டித்தனமாக தாக்கியதாகவும் குறிப்பிட்டுள்ளார். இந்த கொடூர தாக்குதலில் ஒரு மாணவரின் தோள்பட்டை இறங்கியுள்ளது. மேலும், அநாகரீகமாக மாணவிகளை ஆண் காவலர்கள் ஆடையைப் பிடித்து இழுத்தும், தள்ளியும், அடித்தும் கைது செய்துள்ளனர். சட்டத்திற்குப் புறம்பாக, காவலர்கள் தங்களது சீருடையில் பெயர் வில்லைகளை அணியாமல்

அடையாளத்தை மறைத்துக்கொண்டு அராஜகத்தில் ஈடுபட்டதாகவும் அந்த அறிக்கை குற்றம்சாட்டுகிறது. காவல்துறையினரின் இந்த நடவடிக்கைகள் ஜனநாயக உரிமைகளை காலில் போட்டு மிதிப்பதாகவும், இவை இந்திய சட்டங்கள் (பி.என்.எஸ்.) மற்றும் தேசிய மனித உரிமை ஆணைய வழிகாட்டுதல்களின்படி குற்றங்கள் என்றும், அரசமைப்பு சட்ட உரிமைகள் மற்றும் கண்ணியத்துக்கு எதிரானது என்றும் மார்க்சிஸ்ட் கம்யூனிஸ்ட் கட்சியின் தமிழ்நாடு மாநில செயற்குழு வன்மையாக கண்டனம் தெரிவித்துள்ளது. நியாயமான கோரிக்கைகளுக்காக போராடிய மாணவர்கள் மீது வன்முறையை ஏவி தாக்குதல் நடத்திய காவலர்கள் மீது உரிய நடவடிக்கை எடுக்க வேண்டும் என்றும், மாணவிகளை தகாத முறையில் நடத்திய ஆண் காவலர்கள் மீது உடனடியாக வழக்குப் பதிவு செய்து சட்ட ரீதியான நடவடிக்கைகளை மேற்கொள்ள வேண்டும் என்றும், ஜனநாயக ரீதியிலான போராட்டங்களுக்கு உரிய முறையில் அனுமதி வழங்கிட வேண்டும் என்றும் மார்க்சிஸ்ட் கம்யூனிஸ்ட் கட்சியின் தமிழ்நாடு மாநில செயற்குழு தமிழக அரசை வலியுறுத்தியுள்ளது.