മുൻ ലോക്‌സഭാംഗവും മുതിർന്ന കോൺഗ്രസ് നേതാവുമായ കെ.പി. ധനപാലൻ (76) അന്തരിച്ചു. വാർദ്ധക്യസഹജമായ അസുഖങ്ങളെ തുടർന്ന് പറവൂരിലെ ഒരു സ്വകാര്യ ആശുപത്രിയിൽ ചികിത്സയിലിരിക്കെയാണ് അദ്ദേഹത്തിന്റെ അന്ത്യം. ശാരീരിക ബുദ്ധിമുട്ടുകൾ അവഗണിച്ചുകൊണ്ട് ഞായറാഴ്ച പറവൂരിൽ വി.ഡി.സതീശന് നൽകിയ സ്വീകരണ പരിപാടിയിലാണ് ധനപാലൻ അവസാനമായി പങ്കെടുത്തത്. എറണാകുളം ജില്ലയിലെ കോൺഗ്രസ് രാഷ്ട്രീയത്തിന്റെ ശക്തമായ ശബ്ദമായിരുന്ന കെ.പി. ധനപാലൻ ദീർഘകാലം ജില്ലാ കോൺഗ്രസ് കമ്മിറ്റി (ഡി.സി.സി) പ്രസിഡന്റായി സേവനമനുഷ്ഠിച്ചു. സംഘടനാ രംഗത്തും തെരഞ്ഞെടുപ്പ് രാഷ്ട്രീയത്തിലും അദ്ദേഹം സജീവ സാന്നിധ്യമായിരുന്നു. 2009-ലെ ലോക്‌സഭാ തിരഞ്ഞെടുപ്പിൽ ചാലക്കുടി മണ്ഡലത്തിൽ നിന്ന് വിജയിച്ച് പാർലമെന്റിലെത്തിയ അദ്ദേഹം, 2014-ൽ തൃശ്ശൂർ മണ്ഡലത്തിൽ നിന്ന് ലോക്‌സഭയിലേക്ക് മത്സരിച്ചെങ്കിലും വിജയിക്കാനായില്ല. പറവൂർ നഗരസഭാംഗം, മിൽമ ചെയർമാൻ, നോർത്ത് മലബാർ ഗ്രാമീൺ ബാങ്ക് ഡയറക്ടർ ബോർഡ് അംഗം തുടങ്ങി നിരവധി സുപ്രധാന സ്ഥാനങ്ങൾ വഹിച്ചിട്ടുള്ള കെ.പി. ധനപാലൻ വികസന-സഹകരണ മേഖലകളിലും ശ്രദ്ധേയമായ സംഭാവനകൾ നൽകിയിട്ടുണ്ട്. 2001-ലെ നിയമസഭാ തിരഞ്ഞെടുപ്പിൽ വടക്കേക്കര മണ്ഡലത്തിലെ കോൺഗ്രസ് സ്ഥാനാർഥിയായി പ്രഖ്യാപിക്കപ്പെട്ടെങ്കിലും, പാർട്ടി തീരുമാനത്തെ തുടർന്ന് പിന്നീട് സ്ഥാനാർഥിത്വത്തിൽ നിന്ന് പിന്മാറേണ്ടി വന്നിരുന്നു. ലാളിത്യവും സംഘടനാ മികവും കൊണ്ട് ശ്രദ്ധ നേടിയ നേതാവായിരുന്ന അദ്ദേഹം പാർട്ടി പ്രവർത്തകരുമായും ജനങ്ങളുമായും അടുത്ത ബന്ധം പുലർത്തി. കെ.പി. ധനപാലന്റെ നിര്യാണത്തിൽ വിവിധ രാഷ്ട്രീയ-സാമൂഹിക നേതാക്കൾ അനുശോചനം രേഖപ്പെടുത്തി. മുഖ്യമന്ത്രിയുടെ അനുശോചന സന്ദേശത്തിൽ, സൗമ്യമായ ഇടപെടൽ, ശാന്തമായ പെരുമാറ്റം, ഏത് പ്രതിസന്ധിയിലും തളരാത്ത പോരാട്ട വീര്യം, അടിയുറച്ച കോൺഗ്രസുകാരൻ എന്നീ വിശേഷണങ്ങളാൽ കെ.പി. ധനപാലനെ ഓർമ്മിച്ചു. ഒരു വാക്കു കൊണ്ടുപോലും പാർട്ടിയെ വേദനിപ്പിക്കാത്ത രാഷ്ട്രീയ വ്യക്തിത്വമായിരുന്നു അദ്ദേഹമെന്നും, എറണാകുളം ജില്ലയിൽ കോൺഗ്രസിന്റെ പ്രധാന മുഖമായിരുന്നു കെ.പി. എന്നും അനുസ്മരിച്ചു. ആറ് വർഷം എറണാകുളം ജില്ലാ കോൺഗ്രസ് കമ്മിറ്റിയുടെ അധ്യക്ഷനായിരുന്നപ്പോഴും സാധാരണ പ്രവർത്തകരുടെ വികാരങ്ങൾ ഉൾക്കൊണ്ടാണ് കെ.പി. ധനപാലൻ പ്രവർത്തിച്ചിരുന്നത്. പാർലമെന്ററി രാഷ്ട്രീയത്തിലും അദ്ദേഹം വ്യക്തിമുദ്ര പതിപ്പിച്ചു. അദ്ദേഹത്തിന്റെ വിയോഗം വ്യക്തിപരമായി വലിയ നഷ്ടമാണെന്നും, ഒരു ജ്യേഷ്ഠ സഹോദരനെയാണ് നഷ്ടപ്പെട്ടതെന്നും, പ്രതിസന്ധി ഘട്ടങ്ങളിലെല്ലാം കരുത്തായി ഒപ്പമുണ്ടായിരുന്ന പ്രിയപ്പെട്ട കെ.പിക്ക് വിടയെന്നും ചില നേതാക്കൾ അനുസ്മരിച്ചു. അദ്ദേഹത്തിന്റെ ഭൗതികശരീരം പറവൂർ മുനിസിപ്പൽ ടൗൺ ഹാളിൽ പൊതുദർശനത്തിനുശേഷം, വൈകിട്ട് എഞ്ചിന് തോന്ന്യകാവ് ശ്മശാനത്തിൽ സംസ്കരിക്കും.

സന്തോഷ് ആലുവ

Local News Reporter ആലുവ, എറണാകുളം, കേരളം•

13 hrs ago

മുൻ ലോക്‌സഭാംഗവും മുതിർന്ന കോൺഗ്രസ് നേതാവുമായ കെ.പി. ധനപാലൻ (76) അന്തരിച്ചു. വാർദ്ധക്യസഹജമായ അസുഖങ്ങളെ തുടർന്ന് പറവൂരിലെ ഒരു സ്വകാര്യ ആശുപത്രിയിൽ ചികിത്സയിലിരിക്കെയാണ് അദ്ദേഹത്തിന്റെ അന്ത്യം. ശാരീരിക ബുദ്ധിമുട്ടുകൾ അവഗണിച്ചുകൊണ്ട് ഞായറാഴ്ച പറവൂരിൽ വി.ഡി.സതീശന് നൽകിയ സ്വീകരണ പരിപാടിയിലാണ് ധനപാലൻ അവസാനമായി പങ്കെടുത്തത്. എറണാകുളം ജില്ലയിലെ കോൺഗ്രസ് രാഷ്ട്രീയത്തിന്റെ ശക്തമായ ശബ്ദമായിരുന്ന കെ.പി. ധനപാലൻ ദീർഘകാലം ജില്ലാ കോൺഗ്രസ് കമ്മിറ്റി (ഡി.സി.സി) പ്രസിഡന്റായി സേവനമനുഷ്ഠിച്ചു. സംഘടനാ രംഗത്തും തെരഞ്ഞെടുപ്പ് രാഷ്ട്രീയത്തിലും അദ്ദേഹം സജീവ സാന്നിധ്യമായിരുന്നു. 2009-ലെ ലോക്‌സഭാ തിരഞ്ഞെടുപ്പിൽ ചാലക്കുടി മണ്ഡലത്തിൽ നിന്ന് വിജയിച്ച് പാർലമെന്റിലെത്തിയ അദ്ദേഹം, 2014-ൽ തൃശ്ശൂർ മണ്ഡലത്തിൽ നിന്ന് ലോക്‌സഭയിലേക്ക് മത്സരിച്ചെങ്കിലും വിജയിക്കാനായില്ല. പറവൂർ നഗരസഭാംഗം, മിൽമ ചെയർമാൻ, നോർത്ത് മലബാർ ഗ്രാമീൺ ബാങ്ക് ഡയറക്ടർ ബോർഡ് അംഗം തുടങ്ങി നിരവധി സുപ്രധാന സ്ഥാനങ്ങൾ വഹിച്ചിട്ടുള്ള കെ.പി. ധനപാലൻ വികസന-സഹകരണ മേഖലകളിലും ശ്രദ്ധേയമായ സംഭാവനകൾ നൽകിയിട്ടുണ്ട്. 2001-ലെ നിയമസഭാ തിരഞ്ഞെടുപ്പിൽ വടക്കേക്കര മണ്ഡലത്തിലെ കോൺഗ്രസ് സ്ഥാനാർഥിയായി പ്രഖ്യാപിക്കപ്പെട്ടെങ്കിലും, പാർട്ടി തീരുമാനത്തെ തുടർന്ന് പിന്നീട് സ്ഥാനാർഥിത്വത്തിൽ നിന്ന് പിന്മാറേണ്ടി വന്നിരുന്നു. ലാളിത്യവും സംഘടനാ മികവും കൊണ്ട് ശ്രദ്ധ നേടിയ നേതാവായിരുന്ന അദ്ദേഹം പാർട്ടി പ്രവർത്തകരുമായും ജനങ്ങളുമായും അടുത്ത ബന്ധം പുലർത്തി. കെ.പി. ധനപാലന്റെ നിര്യാണത്തിൽ വിവിധ രാഷ്ട്രീയ-സാമൂഹിക നേതാക്കൾ അനുശോചനം രേഖപ്പെടുത്തി. മുഖ്യമന്ത്രിയുടെ അനുശോചന സന്ദേശത്തിൽ, സൗമ്യമായ ഇടപെടൽ, ശാന്തമായ പെരുമാറ്റം, ഏത് പ്രതിസന്ധിയിലും തളരാത്ത പോരാട്ട വീര്യം, അടിയുറച്ച കോൺഗ്രസുകാരൻ എന്നീ വിശേഷണങ്ങളാൽ കെ.പി. ധനപാലനെ ഓർമ്മിച്ചു. ഒരു വാക്കു കൊണ്ടുപോലും പാർട്ടിയെ വേദനിപ്പിക്കാത്ത രാഷ്ട്രീയ വ്യക്തിത്വമായിരുന്നു അദ്ദേഹമെന്നും, എറണാകുളം ജില്ലയിൽ കോൺഗ്രസിന്റെ പ്രധാന മുഖമായിരുന്നു കെ.പി. എന്നും അനുസ്മരിച്ചു. ആറ് വർഷം എറണാകുളം ജില്ലാ കോൺഗ്രസ് കമ്മിറ്റിയുടെ അധ്യക്ഷനായിരുന്നപ്പോഴും സാധാരണ പ്രവർത്തകരുടെ വികാരങ്ങൾ ഉൾക്കൊണ്ടാണ് കെ.പി. ധനപാലൻ പ്രവർത്തിച്ചിരുന്നത്. പാർലമെന്ററി രാഷ്ട്രീയത്തിലും അദ്ദേഹം വ്യക്തിമുദ്ര പതിപ്പിച്ചു. അദ്ദേഹത്തിന്റെ വിയോഗം വ്യക്തിപരമായി വലിയ നഷ്ടമാണെന്നും, ഒരു ജ്യേഷ്ഠ സഹോദരനെയാണ് നഷ്ടപ്പെട്ടതെന്നും, പ്രതിസന്ധി ഘട്ടങ്ങളിലെല്ലാം കരുത്തായി ഒപ്പമുണ്ടായിരുന്ന പ്രിയപ്പെട്ട കെ.പിക്ക് വിടയെന്നും ചില നേതാക്കൾ അനുസ്മരിച്ചു. അദ്ദേഹത്തിന്റെ ഭൗതികശരീരം പറവൂർ മുനിസിപ്പൽ ടൗൺ ഹാളിൽ പൊതുദർശനത്തിനുശേഷം, വൈകിട്ട് എഞ്ചിന് തോന്ന്യകാവ് ശ്മശാനത്തിൽ സംസ്കരിക്കും.