प्रेक्षकांच्या आग्रहास्तव ‘अंजनी दस्तक २’ लवकरच प्रेक्षकांच्या भेटीला! लातूर | प्रतिनिधी आर.जे. फिल्म प्रोडक्शन, लातूरच्या बॅनरखाली निर्मित गाजलेल्या ‘अंजनी दस्तक’ या हॉरर वेब सीरिजच्या पहिल्या भागाला प्रेक्षकांचा अभूतपूर्व प्रतिसाद मिळाल्यानंतर आता ‘अंजनी दस्तक २ : द घोस्ट ऑफ पास्ट’ या दुसऱ्या भागाची अधिकृत घोषणा करण्यात आली आहे. पहिल्या भागाने आपल्या रहस्यमय कथानक, भयावह वातावरण आणि प्रभावी सादरीकरणामुळे प्रेक्षकांची मने जिंकली. लातूरमध्ये झालेल्या प्रदर्शनावेळी या वेब सीरिजला उत्स्फूर्त प्रतिसाद मिळाला होता. त्यानंतर सोशल मीडियासह विविध माध्यमांतून दुसऱ्या भागाची सातत्याने मागणी होत होती. अखेर प्रेक्षकांच्या प्रेमाचा मान राखत निर्मात्यांनी दुसऱ्या भागाची घोषणा केली आहे. या वेब सीरिजचे निर्माते रतनराज जवळगेकर आणि रोहिणी जवळगेकर असून, कथा, पटकथा व दिग्दर्शनाची धुरा मिथिलेश जवळगेकर यांनी सांभाळली आहे. पहिल्या भागाचे छायाचित्रण विशाल कांबळे यांनी केले होते. या वेब सीरिजमध्ये मिथिलेश जवळगेकर, आसिन जवळगेकर, पश्मिना जवळगेकर, प्रतीक्षा, नील, सायली कसबे आणि विशाल यांनी महत्त्वपूर्ण भूमिका साकारल्या आहेत. तसेच संपूर्ण प्रकल्पासाठी अतिश कांबळे मायकल यांचे विशेष मार्गदर्शन लाभले आहे. विशेष म्हणजे, आर.जे. फिल्म प्रोडक्शनने यापूर्वी साकारलेला ‘रक्षक’ हा लघुपट ‘माझी कुटुंब, माझी जबाबदारी’ या स्पर्धेत लातूर जिल्ह्यात विजेता ठरला होता. त्यामुळे या निर्मिती संस्थेच्या प्रत्येक नव्या प्रकल्पाकडे प्रेक्षकांचे विशेष लक्ष असते. पोस्टरमधील "The Past Is Calling Again..." ही टॅगलाईन आणि भयावह दृश्यरचना पाहता ‘अंजनी दस्तक २’ हा भाग पहिल्यापेक्षाही अधिक थरारक, रहस्यमय आणि रोमांचकारी असणार असल्याची चर्चा चाहत्यांमध्ये रंगली आहे. ‘अंजनी दस्तक २ : द घोस्ट ऑफ पास्ट’ ही वेब सीरिज लवकरच प्रेक्षकांच्या भेटीला येणार असून, तिच्या प्रदर्शनाची उत्सुकता आता शिगेला पोहोचली आहे.

अतिश कांबळे

Local News Reporter Latur, Maharashtra•

4 hrs ago

प्रेक्षकांच्या आग्रहास्तव ‘अंजनी दस्तक २’ लवकरच प्रेक्षकांच्या भेटीला! लातूर | प्रतिनिधी आर.जे. फिल्म प्रोडक्शन, लातूरच्या बॅनरखाली निर्मित गाजलेल्या ‘अंजनी दस्तक’ या हॉरर वेब सीरिजच्या पहिल्या भागाला प्रेक्षकांचा अभूतपूर्व प्रतिसाद मिळाल्यानंतर आता ‘अंजनी दस्तक २ : द घोस्ट ऑफ पास्ट’ या दुसऱ्या भागाची अधिकृत घोषणा करण्यात आली आहे. पहिल्या भागाने आपल्या रहस्यमय कथानक, भयावह वातावरण आणि प्रभावी सादरीकरणामुळे प्रेक्षकांची मने जिंकली. लातूरमध्ये झालेल्या प्रदर्शनावेळी या वेब सीरिजला उत्स्फूर्त प्रतिसाद मिळाला होता. त्यानंतर सोशल मीडियासह विविध माध्यमांतून दुसऱ्या भागाची सातत्याने मागणी होत होती. अखेर प्रेक्षकांच्या प्रेमाचा मान राखत निर्मात्यांनी दुसऱ्या भागाची घोषणा केली आहे. या वेब सीरिजचे निर्माते रतनराज जवळगेकर आणि रोहिणी जवळगेकर असून, कथा, पटकथा व दिग्दर्शनाची धुरा मिथिलेश जवळगेकर यांनी सांभाळली आहे. पहिल्या भागाचे छायाचित्रण विशाल कांबळे यांनी केले होते. या वेब सीरिजमध्ये मिथिलेश जवळगेकर, आसिन जवळगेकर, पश्मिना जवळगेकर, प्रतीक्षा, नील, सायली कसबे आणि विशाल यांनी महत्त्वपूर्ण भूमिका साकारल्या आहेत. तसेच संपूर्ण प्रकल्पासाठी अतिश कांबळे मायकल यांचे विशेष मार्गदर्शन लाभले आहे. विशेष म्हणजे, आर.जे. फिल्म प्रोडक्शनने यापूर्वी साकारलेला ‘रक्षक’ हा लघुपट ‘माझी कुटुंब, माझी जबाबदारी’ या स्पर्धेत लातूर जिल्ह्यात विजेता ठरला होता. त्यामुळे या निर्मिती संस्थेच्या प्रत्येक नव्या प्रकल्पाकडे प्रेक्षकांचे विशेष लक्ष असते. पोस्टरमधील "The Past Is Calling Again..." ही टॅगलाईन आणि भयावह दृश्यरचना पाहता ‘अंजनी दस्तक २’ हा भाग पहिल्यापेक्षाही अधिक थरारक, रहस्यमय आणि रोमांचकारी असणार असल्याची चर्चा चाहत्यांमध्ये रंगली आहे. ‘अंजनी दस्तक २ : द घोस्ट ऑफ पास्ट’ ही वेब सीरिज लवकरच प्रेक्षकांच्या भेटीला येणार असून, तिच्या प्रदर्शनाची उत्सुकता आता शिगेला पोहोचली आहे.