ସୁବର୍ଣ୍ଣପୁର ଜିଲ୍ଲାର ଡୁଙ୍ଗୁରିପାଲି ଥାନା ଅନ୍ତର୍ଗତ କାପାସିରା ଗ୍ରାମରେ ବିଦ୍ୟୁତ ବିଭାଗର ଜଣେ କର୍ମଚାରୀଙ୍କ ବିଦ୍ୟୁତ ଆଘାତରେ ମୃତ୍ୟୁ ଘଟିଛି।

ପୁରୀରେ ଶ୍ରୀମନ୍ଦିର ପ୍ରବେଶ ଓ ଦର୍ଶନ ଅଧିକାର ପାଇଁ ପୁରୀ ସହର ଓ ସଦରବାସୀଙ୍କ ସଚେତନତା ପଦଯାତ୍ରା ଆଜି ୮୪ ଦିନରେ ପହଞ୍ଚିଛି। ଗତ ଏପ୍ରିଲ ୧ ଉତ୍କଳ ଦିବସରୁ ବଳଗଣ୍ଡି ଛକ ଭକ୍ତ ସାଲବେଗ ପୀଠରୁ ଆରମ୍ଭ ହୋଇଥିବା ଏହି ପଦଯାତ୍ରା ପ୍ରତିଦିନ ସିଂହଦ୍ୱାର ନିକଟରେ ପହଞ୍ଚି ଭକ୍ତଙ୍କ ମଧ୍ୟରେ ଭେଦଭାବକୁ ନେଇ ଏକ ନିରବ ପ୍ରଶ୍ନ କରୁଛି। ଆନ୍ଦୋଳନକାରୀମାନେ ଜୋର ଦେଉଛନ୍ତି ଯେ, ଜଗନ୍ନାଥଙ୍କ ଦ୍ୱାର ସମସ୍ତଙ୍କ ପାଇଁ ଖୋଲା ଅଛି ଏବଂ ଭକ୍ତିରେ କୌଣସି ଭିଆଇପି କିମ୍ବା ଆସ୍ଥାରେ କୌଣସି ପ୍ରୋଟୋକଲ ନାହିଁ, ପ୍ରଭୁଙ୍କ ସମ୍ମୁଖରେ ସମସ୍ତେ ସମାନ। ଏହା କେବଳ ଏକ ଆନ୍ଦୋଳନ ନୁହେଁ, ବରଂ ଭକ୍ତ ହୃଦୟର ଅକୁହା କଷ୍ଟ, ଆତ୍ମାର ଆର୍ତ୍ତନାଦ ଏବଂ ଶ୍ରୀଜଗନ୍ନାଥଙ୍କ ପ୍ରତି ଅତ୍ୟୁଟ ପ୍ରେମର ଏକ ଜୀବନ୍ତ ପ୍ରତୀକ।

ବରଗଡ଼ ଜିଲ୍ଲା ବରପାଲି ବ୍ଲକ ଅନ୍ତର୍ଗତ ବାରଗୁଡ଼ା ପଞ୍ଚାୟତରେ ରାଜ୍ୟ ସରକାରଙ୍କ ବିଭିନ୍ନ ଯୋଜନାକୁ ନେଇ ଏକ ଜନକଲ୍ୟାଣ ସଚେତନତା ଶିବିର ଅନୁଷ୍ଠିତ ହୋଇଯାଇଛି। ମୋହନ ସରକାରଙ୍କ ଦୁଇ ବର୍ଷ ପୂର୍ତ୍ତି ଅବସରରେ ଆୟୋଜିତ ଏହି ଶିବିରରେ 'ବିକାଶ ଧାରା ଓଡ଼ିଶା ସାରା', 'ସୁଭଦ୍ରା ମେଳା', ଏବଂ 'ମୁଖ୍ୟମନ୍ତ୍ରୀ ଅନ୍ନପୂର୍ଣ୍ଣା ଯୋଜନା' ସମ୍ପର୍କରେ ହିତାଧିକାରୀମାନଙ୍କୁ ସଚେତନ କରାଯାଇଥିଲା। ଆଗଲପୁର ବିଜେପି ମଣ୍ଡଳ ସଭାପତି ପ୍ରଦୀପ ପଧାନ ଏହି କାର୍ଯ୍ୟକ୍ରମରେ ସଭାପତିତ୍ୱ କରିଥିଲେ। କମ୍ୟୁନିଟି ସ୍ୱାସ୍ଥ୍ୟ ଅଧିକାରୀ ଦେବସ୍ମିତା ପ୍ରିୟଦର୍ଶିନୀ, ପିଇଓ ଗୋପାଳ ସାହୁ, ସରପଞ୍ଚ ପ୍ରତିନିଧି ଶିବ ଛତର, ସିଏସ୍ଓ ରଶ୍ମୀ ଏବଂ ଇସି ମେମ୍ବର ପଦ୍ମିନୀ ପାଧାନ ସମ୍ମାନିତ ଅତିଥି ଭାବରେ ଯୋଗଦାନ କରିଥିଲେ। ସେମାନେ ରାଜ୍ୟ ସରକାରଙ୍କ ବିକାଶମୂଳକ ଯୋଜନାଗୁଡ଼ିକ ଉପରେ ହିତାଧିକାରୀମାନଙ୍କୁ ବିସ୍ତୃତ ଭାବରେ ବୁଝାଇଥିଲେ। ଏଡିଇଓ ଅଜିତ କୁମାର ପାଣିଗ୍ରାହୀ କାର୍ଯ୍ୟକ୍ରମକୁ ସଂଯୋଜନା କରିଥିବା ବେଳେ ପ୍ରିୟଦର୍ଶିନୀ ଧନ୍ୟବାଦ ଅର୍ପଣ କରିଥିଲେ। ମାନସ ବାରିକ, ପତିତ ପାଣ୍ଡେ, ମନୋଜ ବରିହା, ଦାଶ ପଧାନ ଏବଂ ମାଳତୀ ପଧାନ ପ୍ରମୁଖ ଏହି ଜନକଲ୍ୟାଣ ସଚେତନତା ଶିବିରକୁ ସହଯୋଗ କରିଥିଲେ।

ଶତାଧିକ ମହିଳା ମଦ ବନ୍ଦ କରିବା ଦାବିରେ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଘେରାଉ କରିଛନ୍ତି। ସେମାନେ ମଦ ବିରୋଧରେ ସ୍ୱର ଉତ୍ତୋଳନ କରି ଜିଲ୍ଲାପାଳଙ୍କ ଅଫିସ ସମ୍ମୁଖରେ ପ୍ରଦର୍ଶନ କରିଛନ୍ତି।

ସୋନପୁର ଜିଲ୍ଲାର ବିରମହାରାଜପୁର ବ୍ଲକ ଅନ୍ତର୍ଗତ ଯୁବରାଜପୁର ଠାରେ ଏକ ଜନ ସମ୍ପର୍କ ଅଭିଯାନ ଆୟୋଜିତ ହୋଇଛି। ଏହି ଅଭିଯାନ ଭୀମ ଆର୍ମୀ ସୋନପୁରର ତତ୍ୱାବଧାନରେ ଏବଂ ବି ଆର୍ ଆମ୍ବେଦକର ସେବାସଂଘ ସୁବଳୟା ଓ ବୀରମହାରାଜପୁରର ମିଳିତ ଉଦ୍ୟମରେ କରାଯାଇଛି।

ସୁବର୍ଣ୍ଣପୁର ଜିଲ୍ଲାର ଉଲଣ୍ଡା ବ୍ଲକ ଅନ୍ତର୍ଗତ ଖେମାଲୋଇ ପଞ୍ଚାୟତ ଗ୍ରିଭେନ୍ସଠାରେ ନାରୀ ଶକ୍ତି ଓ ସୁରକ୍ଷା ବାହିନୀ ଏବଂ ମହିଳା ସଂଘ ପକ୍ଷରୁ ମଦ ବନ୍ଦ କରିବା ପାଇଁ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। ଏହି ଅବସରରେ ମହିଳା ସଂଘ ପକ୍ଷରୁ ଏକ ଚେତାବନୀ ମଧ୍ୟ ଦିଆଯାଇଥିବା ସୂଚନା ମିଳିଛି।

ସୋନପୁର ଜିଲ୍ଲା ଅନ୍ତର୍ଗତ ଖେମାଲୋଏ ପଞ୍ଚାୟତରେ ହୋଇଥିବା ଦୁର୍ନୀତିର ଉଚ୍ଚ ସ୍ତରୀୟ ତଦନ୍ତ କରିବା ଏବଂ ମଦ ବିକ୍ରିକୁ ସମ୍ପୂର୍ଣ୍ଣ ବନ୍ଦ କରିବା ପାଇଁ ଏକ ଜୋରଦାର ଦାବି ଉଠିଛି। ଏହି ପ୍ରସଙ୍ଗରେ ନାରୀ କଲ୍ୟାଣ ଓ ସୁରକ୍ଷା ବାହିନୀ ପକ୍ଷରୁ ଆଜି ଜିଲ୍ଲାପାଳଙ୍କ ଅଭିଯୋଗ ଶୁଣାଣି କାର୍ଯ୍ୟକ୍ରମରେ ଜିଲ୍ଲାପାଳଙ୍କୁ ଭେଟି ଏକ ଲିଖିତ ଅଭିଯୋଗ ପତ୍ର ପ୍ରଦାନ କରାଯାଇଛି।

ସମସ୍ତଙ୍କୁ ସୂଚିତ ରହିବା ଏବଂ ସତର୍କତା ଅବଲମ୍ବନ କରିବାକୁ ନିବେଦନ କରାଯାଇଛି।

ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡର ଗାଇସିଲେଟ ଥାନା ଅଞ୍ଚଳରେ ଜଣେ ବାପା ନିଜ ନାବାଳିକା ଝିଅ ସହିତ ଦୁଷ୍କର୍ମ କରିଥିବା ଅଭିଯୋଗ ହୋଇଛି, ଯାହା ପରେ ପୁଲିସ ଅଭିଯୁକ୍ତ ବାପାକୁ ଅଟକ ରଖି ଗିରଫ କରିଛି। ଏହି ଘଟଣା ସମଗ୍ର ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି। ସୂଚନାନୁଯାୟୀ, ଗାଇସିଲେଟ ଥାନା ଅନ୍ତର୍ଗତ ବ୍ରାହ୍ମଣମାଲ ଅଞ୍ଚଳର ଜଣେ ମହିଳା ନିଜ ସ୍ୱାମୀଙ୍କ ବିରୁଦ୍ଧରେ ତାଙ୍କ ନାବାଳିକା ଝିଅ ସହିତ ଅସଦାଚରଣ ଏବଂ ଦୁଷ୍କର୍ମ କରିଥିବା ନେଇ ଗାଇସିଲେଟ ଥାନାରେ ଅଭିଯୋଗ କରିଥିଲେ। ଘଟଣାର ଗୁରୁତ୍ୱକୁ ଦୃଷ୍ଟିରେ ରଖି ଗାଇସିଲେଟ ପୋଲିସ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ଅଭିଯୁକ୍ତ ବାପାକୁ ଗିରଫ କରିଛି। ପୁଲିସ ଗାଇସିଲେଟ ଥାନା କେସ୍ ନଂ-୧୪୦, ତାରିଖ ୨୦/୦୬/୨୦୨୬ ଅନୁଯାୟୀ ଭାରତୀୟ ନ୍ୟାୟ ସଂହିତା ଏବଂ ପୋକ୍ସୋ ଆଇନର ସମ୍ପୃକ୍ତ ଧାରାରେ ଏକ ମାମଲା ରୁଜୁ କରି ଅଭିଯୁକ୍ତକୁ ଡାକ୍ତରୀ ମୁଆଇନା ପାଇଁ ପଠାଇଥିବା ଜଣାପଡ଼ିଛି।

କଣ୍ଟାମାଳ ବ୍ଲକ୍ ସହର ଅଞ୍ଚଳରେ ଥିବା ଶ୍ରୀଲକ୍ଷ୍ମୀ ମୋବାଇଲ ଦୋକାନରୁ ପ୍ରାୟ ୧୦ରୁ ୨୦ ଲକ୍ଷ ଟଙ୍କାର ମୋବାଇଲ ଚୋରି ହୋଇଥିବା ଅଭିଯୋଗ ହୋଇଛି। ଏହି ଘଟଣାକୁ ନେଇ କଣ୍ଟାମାଳ ପୋଲିସ ତନାଘନା ଚଳାଇଛି।