छत्रपती शिवाजी महाराजांच्या जीवनकार्यावर आधारित 'स्टोरी शिवराज्याभिषेकाची' हे भव्य ऐतिहासिक महानाट्य मंगळवार, १४ जुलै रोजी सायंकाळी ६ वाजता नागपूर येथील सुरेशभट सभागृहात सादर केले जाणार आहे. शिवश्री किरण माने आणि त्यांचे ५० सहकारी लाईट अँड साऊंडच्या माध्यमातून शिवकालीन इतिहासाचे जिवंत दर्शन घडवणार आहेत. भव्य नेपथ्य, आकर्षक प्रकाशयोजना, दमदार संगीत आणि प्रभावी सादरीकरण असलेल्या या महानाट्यात शिवाजी महाराजांनी सर्व जाती-धर्मातील लोकांना सोबत घेऊन केलेली स्वराज्याची स्थापना, तसेच त्यांचे न्याय, प्रेम, बंधुता आणि शेतकऱ्यांप्रती असलेली बांधिलकी याचे प्रभावी चित्रण पाहायला मिळणार आहे. हे महानाट्य संपूर्ण महाराष्ट्रात प्रचंड लोकप्रिय ठरले असून विविध शहरांत त्याचे हाऊसफुल्ल प्रयोग झाले आहेत. याच सोहळ्यात शिवश्री किरण माने यांना त्यांच्या मराठी चित्रपट, दूरदर्शन मालिका, रंगभूमीवरील उल्लेखनीय योगदानासह सांस्कृतिक कार्य, संवेदनशील लेखन, सामाजिक विचार आणि प्रभावी प्रबोधनासाठी महासम्राट बळीराजा राष्ट्र सेवा संघ, नागपूर यांच्या वतीने 'महासम्राट बळीराजा सांस्कृतिक प्रबोधनकार गौरव पुरस्कार –२०२६' प्रदान केला जाणार आहे. या पुरस्कारात २५ हजार रुपये रोख आणि सन्मानचिन्ह दिले जाईल. या महानाट्याचा आणि पुरस्कार सोहळ्याचा लाभ घेण्याचे आवाहन आयोजकांनी नागपूरकरांना केले आहे. पत्रकार परिषदेला मुख्य आयोजक खेमराज क्षीरसागर, प्रा. डॉ. अभिजितसिंह नखाते, हर्षदीप धनके, योगेश राजपूत, अनया मेश्राम, सचिन पराते, सुजित मेश्राम, प्रणाली टेंक आणि नीलिमा वालपुडे उपस्थित होते.

राहुल पाटील (मराठीचे शिलेदार)

Co-ed school हिंगणा, नागपूर, महाराष्ट्र•

2 hrs ago

छत्रपती शिवाजी महाराजांच्या जीवनकार्यावर आधारित 'स्टोरी शिवराज्याभिषेकाची' हे भव्य ऐतिहासिक महानाट्य मंगळवार, १४ जुलै रोजी सायंकाळी ६ वाजता नागपूर येथील सुरेशभट सभागृहात सादर केले जाणार आहे. शिवश्री किरण माने आणि त्यांचे ५० सहकारी लाईट अँड साऊंडच्या माध्यमातून शिवकालीन इतिहासाचे जिवंत दर्शन घडवणार आहेत. भव्य नेपथ्य, आकर्षक प्रकाशयोजना, दमदार संगीत आणि प्रभावी सादरीकरण असलेल्या या महानाट्यात शिवाजी महाराजांनी सर्व जाती-धर्मातील लोकांना सोबत घेऊन केलेली स्वराज्याची स्थापना, तसेच त्यांचे न्याय, प्रेम, बंधुता आणि शेतकऱ्यांप्रती असलेली बांधिलकी याचे प्रभावी चित्रण पाहायला मिळणार आहे. हे महानाट्य संपूर्ण महाराष्ट्रात प्रचंड लोकप्रिय ठरले असून विविध शहरांत त्याचे हाऊसफुल्ल प्रयोग झाले आहेत. याच सोहळ्यात शिवश्री किरण माने यांना त्यांच्या मराठी चित्रपट, दूरदर्शन मालिका, रंगभूमीवरील उल्लेखनीय योगदानासह सांस्कृतिक कार्य, संवेदनशील लेखन, सामाजिक विचार आणि प्रभावी प्रबोधनासाठी महासम्राट बळीराजा राष्ट्र सेवा संघ, नागपूर यांच्या वतीने 'महासम्राट बळीराजा सांस्कृतिक प्रबोधनकार गौरव पुरस्कार –२०२६' प्रदान केला जाणार आहे. या पुरस्कारात २५ हजार रुपये रोख आणि सन्मानचिन्ह दिले जाईल. या महानाट्याचा आणि पुरस्कार सोहळ्याचा लाभ घेण्याचे आवाहन आयोजकांनी नागपूरकरांना केले आहे. पत्रकार परिषदेला मुख्य आयोजक खेमराज क्षीरसागर, प्रा. डॉ. अभिजितसिंह नखाते, हर्षदीप धनके, योगेश राजपूत, अनया मेश्राम, सचिन पराते, सुजित मेश्राम, प्रणाली टेंक आणि नीलिमा वालपुडे उपस्थित होते.