कार कालव्यात कोसळली; जावई बचावला, पत्नी व सासू-सासऱ्यांचा बुडून मृत्यू ! सोलापूर जिल्ह्यातील माळशिरस तालुक्यात नातेपुते जवळील जुन्या पालखी महामार्गावर आज शुक्रवारी पहाटे भीषण अपघात झाला. मुंबईहून फोंडशिरसकडे निघालेली इर्टिगा कार निरा उजवा कालव्याच्या पुलावरून थेट पाण्यात कोसळल्याने गाडीत अडकून तीन जणांचा बुडून दुर्दैवी मृत्यू झाला. या अपघातात चालक सुनील मोहन टिळेकर हे बचावले आहेत. मृतांमध्ये प्रीती सुनील टिळेकर (पत्नी), हनुमंत जठार (सासरे) व मंजू हनुमंत जठार (सासू) यांचा समावेश आहे. तिघेही सातारा जिल्ह्यातील फलटण तालुक्यातील दुधबावी येथील मूळ रहिवासी असून, नोकरीनिमित्त मुंबईत वास्तव्यास होते. प्राथमिक माहितीनुसार, पहाटे सुमारे पाचच्या सुमारास कार पुलावरून जात असताना चालकाचे नियंत्रण सुटल्याने वाहन थेट कालव्यात कोसळले. अपघातानंतर स्थानिक तरुणांनी तत्काळ घटनास्थळी धाव घेत पाण्यात उतरून मदतकार्य सुरू केले. पोलिस निरीक्षक विशाल वायकर व त्यांच्या पथकासह पाटबंधारे विभागाचे अधिकारीही घटनास्थळी दाखल झाले. पोकलेन व इतर यंत्रसामग्रीच्या साहाय्याने कालव्यात अडकलेल्या गाडीचा शोध घेण्यात आला. मात्र, गाडीत अडकलेल्या तिघांचा मृत्यू झाल्याचे स्पष्ट झाले. घटनेनंतर परिसरात शोककळा पसरली असून, मृतांच्या नातेवाईकांना माहिती देण्यात आली आहे. दरम्यान, हा अपघात नेमका कशामुळे झाला याचा तपास पोलिसांकडून सुरू असून, पुढील कार्यवाही करण्यात येत आहे. देवदर्शन आटोपून परतताना ही दुर्घटना घडल्याची प्राथमिक माहिती समोर येत आहे.

पत्रकार ओमप्रकाश उढाण

घनसावंगी, जालना, महाराष्ट्र•

2 hrs ago

कार कालव्यात कोसळली; जावई बचावला, पत्नी व सासू-सासऱ्यांचा बुडून मृत्यू ! सोलापूर जिल्ह्यातील माळशिरस तालुक्यात नातेपुते जवळील जुन्या पालखी महामार्गावर आज शुक्रवारी पहाटे भीषण अपघात झाला. मुंबईहून फोंडशिरसकडे निघालेली इर्टिगा कार निरा उजवा कालव्याच्या पुलावरून थेट पाण्यात कोसळल्याने गाडीत अडकून तीन जणांचा बुडून दुर्दैवी मृत्यू झाला. या अपघातात चालक सुनील मोहन टिळेकर हे बचावले आहेत. मृतांमध्ये प्रीती सुनील टिळेकर (पत्नी), हनुमंत जठार (सासरे) व मंजू हनुमंत जठार (सासू) यांचा समावेश आहे. तिघेही सातारा जिल्ह्यातील फलटण तालुक्यातील दुधबावी येथील मूळ रहिवासी असून, नोकरीनिमित्त मुंबईत वास्तव्यास होते. प्राथमिक माहितीनुसार, पहाटे सुमारे पाचच्या सुमारास कार पुलावरून जात असताना चालकाचे नियंत्रण सुटल्याने वाहन थेट कालव्यात कोसळले. अपघातानंतर स्थानिक तरुणांनी तत्काळ घटनास्थळी धाव घेत पाण्यात उतरून मदतकार्य सुरू केले. पोलिस निरीक्षक विशाल वायकर व त्यांच्या पथकासह पाटबंधारे विभागाचे अधिकारीही घटनास्थळी दाखल झाले. पोकलेन व इतर यंत्रसामग्रीच्या साहाय्याने कालव्यात अडकलेल्या गाडीचा शोध घेण्यात आला. मात्र, गाडीत अडकलेल्या तिघांचा मृत्यू झाल्याचे स्पष्ट झाले. घटनेनंतर परिसरात शोककळा पसरली असून, मृतांच्या नातेवाईकांना माहिती देण्यात आली आहे. दरम्यान, हा अपघात नेमका कशामुळे झाला याचा तपास पोलिसांकडून सुरू असून, पुढील कार्यवाही करण्यात येत आहे. देवदर्शन आटोपून परतताना ही दुर्घटना घडल्याची प्राथमिक माहिती समोर येत आहे.