ଭକ୍ତି ଓ ନିଷ୍ଠାରେ ଶ୍ରୀକ୍ଷେତ୍ର ପୁରୀରେ ବୁଧେଇ ଓଷା ପାଳିତ। ପୁରୀ: ବୁଧେଇ ଓଷାକୁ ନେଇ ଚଳଚଞ୍ଚଳ ଶ୍ରୀକ୍ଷେତ୍ର। ଓଡ଼ିଶାର ଗାଁଠୁ ସହର ସବୁଠି ଭକ୍ତି ଓ ନିଷ୍ଠାର ସହ ପାଳିତ ହେଉଛି ବୁଧେଇ ଓଷା। ଭାଦ୍ରବ ମାସର ବୁଧବାରଗୁଡ଼ିକରେ ମହିଳାମାନେ ସନ୍ତାନଙ୍କ ମଙ୍ଗଳ ଓ ପରିବାରର ସୁଖଶାନ୍ତି କାମନା କରି ଏହି ଓଷା ପାଳନ କରିଥାନ୍ତି। ପରମ୍ପରା ଅନୁଯାୟୀ ପୂଜାସ୍ଥଳୀକୁ ଗୋବରରେ ଲିପି ଶୁଦ୍ଧ କରାଯାଇଥିଲା। ଏହାପରେ ଶିଳ ଓ ଶିଳପୁଆଙ୍କୁ ଦେବଦେବୀ ଭାବେ ପୂଜା କରାଯାଏ। ଗଙ୍ଗାଜଳରେ ସ୍ନାନ କରାଇ ହଳଦୀକନା ଓ ସୂତାରେ ନାରୀବେଶ ଦିଆଯାଇଥାଏ। ମଥାରେ ସିନ୍ଦୂର ଓ ଆଖିରେ କଜ୍ୱଳ ଲଗାଇ ଫୁଲ, ଫଳ ଓ ବିଭିନ୍ନ ପ୍ରକାର ଭୋଗ ଅର୍ପଣ କରାଯାଏ। ପ୍ରଥମ ପାଳିରେ ନଡ଼ିଆ ବସାଇବାର ପରମ୍ପରା ଥିବାବେଳେ ଶେଷ ପାଳିରେ ନଡ଼ିଆ ଭାଙ୍ଗି ଠାକୁରଙ୍କୁ ସମର୍ପଣ କରାଯାଏ। ଏଥିସହ ଶେଷ ପାଳିରେ ପାଞ୍ଚ ପ୍ରକାର ପିଠାପଣା ଭୋଗ କରାଯାଇଥାଏ। ଭକ୍ତି, ନିଷ୍ଠା ଓ ପରମ୍ପରାର ଏହି ପବିତ୍ର ଓଷା ପରିବାରର ମଙ୍ଗଳ କାମନାରେ ଓଡ଼ିଆ ଘରେ ଦୀର୍ଘଦିନ ଧରି ପାଳିତ ହୋଇଆସୁଛି।

Dr.Manoj kumar baliarsingh

ପୁରୀ (M), ପୁରୀ, ଓଡ଼ିଶା•

3 hrs ago

ଭକ୍ତି ଓ ନିଷ୍ଠାରେ ଶ୍ରୀକ୍ଷେତ୍ର ପୁରୀରେ ବୁଧେଇ ଓଷା ପାଳିତ। ପୁରୀ: ବୁଧେଇ ଓଷାକୁ ନେଇ ଚଳଚଞ୍ଚଳ ଶ୍ରୀକ୍ଷେତ୍ର। ଓଡ଼ିଶାର ଗାଁଠୁ ସହର ସବୁଠି ଭକ୍ତି ଓ ନିଷ୍ଠାର ସହ ପାଳିତ ହେଉଛି ବୁଧେଇ ଓଷା। ଭାଦ୍ରବ ମାସର ବୁଧବାରଗୁଡ଼ିକରେ ମହିଳାମାନେ ସନ୍ତାନଙ୍କ ମଙ୍ଗଳ ଓ ପରିବାରର ସୁଖଶାନ୍ତି କାମନା କରି ଏହି ଓଷା ପାଳନ କରିଥାନ୍ତି। ପରମ୍ପରା ଅନୁଯାୟୀ ପୂଜାସ୍ଥଳୀକୁ ଗୋବରରେ ଲିପି ଶୁଦ୍ଧ କରାଯାଇଥିଲା। ଏହାପରେ ଶିଳ ଓ ଶିଳପୁଆଙ୍କୁ ଦେବଦେବୀ ଭାବେ ପୂଜା କରାଯାଏ। ଗଙ୍ଗାଜଳରେ ସ୍ନାନ କରାଇ ହଳଦୀକନା ଓ ସୂତାରେ ନାରୀବେଶ ଦିଆଯାଇଥାଏ। ମଥାରେ ସିନ୍ଦୂର ଓ ଆଖିରେ କଜ୍ୱଳ ଲଗାଇ ଫୁଲ, ଫଳ ଓ ବିଭିନ୍ନ ପ୍ରକାର ଭୋଗ ଅର୍ପଣ କରାଯାଏ। ପ୍ରଥମ ପାଳିରେ ନଡ଼ିଆ ବସାଇବାର ପରମ୍ପରା ଥିବାବେଳେ ଶେଷ ପାଳିରେ ନଡ଼ିଆ ଭାଙ୍ଗି ଠାକୁରଙ୍କୁ ସମର୍ପଣ କରାଯାଏ। ଏଥିସହ ଶେଷ ପାଳିରେ ପାଞ୍ଚ ପ୍ରକାର ପିଠାପଣା ଭୋଗ କରାଯାଇଥାଏ। ଭକ୍ତି, ନିଷ୍ଠା ଓ ପରମ୍ପରାର ଏହି ପବିତ୍ର ଓଷା ପରିବାରର ମଙ୍ଗଳ କାମନାରେ ଓଡ଼ିଆ ଘରେ ଦୀର୍ଘଦିନ ଧରି ପାଳିତ ହୋଇଆସୁଛି।