लेखी आश्वासनानंतर स्वराज्यक्रांती जनआंदोलनचे लाक्षणिक उपोषण स्थगित जयसिंगपूर / प्रतिनिधी जयसिंगपूर शहरातील नागरिकांवरील घरफाळ्यावरील २ टक्के शास्ती (दंड) रद्द करण्याच्या मागणीसाठी स्वराज्यक्रांती जनआंदोलनच्या वतीने सुरू करण्यात आलेले लाक्षणिक उपोषण मंगळवार, दि. १० मार्च रोजी नगरपरिषदेच्या लेखी आश्वासनानंतर तात्पुरते स्थगित करण्यात आले असल्याची माहिती सामाजिक कार्यकर्ते आदमभाई मुजावर यांनी पत्रकारांशी बोलताना दिली.जयसिंगपूर शहरातील नागरिकांना घरफाळ्यावरील २ टक्के शास्ती रद्द करावी या मागणीसाठी दि. ३ डिसेंबर २०२४ पासून आंदोलन सुरू करण्यात आले होते. सुरुवातीला उपोषण सुरू करण्यात आले होते. मात्र प्रकृती खालावल्यानंतर हे आंदोलन धरणे आंदोलनाच्या स्वरूपात तब्बल १०० दिवस सुरू ठेवण्यात आले होते. या जनआंदोलनाची दखल घेत शासनाने दि. १९ मे २०२५ रोजीच्या परिपत्रकानुसार प्रोत्साहनात्मक अभय योजना लागू केली. मात्र या योजनेचा जयसिंगपूर शहरातील नागरिकांना अपेक्षित आणि मोठ्या प्रमाणात फायदा झालेला नसल्याची भूमिका आंदोलकांनी मांडली होती.या पार्श्वभूमीवर मंगळवार, दि. १० मार्च रोजी पुन्हा लाक्षणिक उपोषण सुरू करण्यात आले.यावेळी जयसिंगपूर नगरपरिषदेच्या मुख्याधिकारी श्रीमती टीना गवळी यांच्यासोबत आंदोलकांची बैठक झाली.या बैठकीत नगरपरिषद क्षेत्रातील थकित मालमत्ता करावरील शास्ती माफ करून कर वसुलीसाठी प्रोत्साहनात्मक अभय योजना राबविण्यात येत असल्याची माहिती देण्यात आली. तसेच या योजनेबाबत जनजागृती करण्यासाठी वृत्तपत्रे आणि विविध माध्यमांद्वारे प्रयत्न सुरू असल्याचे नगरपरिषदेकडून तोंडी व लेखी आश्वासन देण्यात आले. नगरपरिषदेच्या या लेखी आश्वासनानंतर स्वराज्यक्रांती जनआंदोलनचे मंगळवार, दि. १० मार्चपासून सुरू असलेले लाक्षणिक उपोषण तात्पुरते स्थगित करण्यात आले असल्याचे आदमभाई मुजावर यांनी सांगितले.या बैठकीस शिरोळ विकास आघाडीचे नगरपरिषद पक्षप्रतोद संजय पाटील कोथळीकर, मुख्याधिकारी श्रीमती टीना गवळी तसेच नगरपरिषदेचे कर्मचारी उपस्थित होते. आंदोलकांच्या वतीने निवेदक आदमभाई मुजावर आणि स्वराज्यक्रांती जनआंदोलनचे शिरोळ तालुकाध्यक्ष गजानन पवार यांनी नगरपरिषदेचे पत्र स्वीकारले.दरम्यान, जयसिंगपूर शहरातील नागरिकांनी घरफाळ्यावरील दंडमाफीसाठी नगरपरिषदेकडे अर्ज दाखल करावेत, असे आवाहनही आदमभाई मुजावर यांनी केले आहे.

आमची मराठी.com

शिरोळ, कोल्हापूर, महाराष्ट्र•

7 hrs ago

लेखी आश्वासनानंतर स्वराज्यक्रांती जनआंदोलनचे लाक्षणिक उपोषण स्थगित जयसिंगपूर / प्रतिनिधी जयसिंगपूर शहरातील नागरिकांवरील घरफाळ्यावरील २ टक्के शास्ती (दंड) रद्द करण्याच्या मागणीसाठी स्वराज्यक्रांती जनआंदोलनच्या वतीने सुरू करण्यात आलेले लाक्षणिक उपोषण मंगळवार, दि. १० मार्च रोजी नगरपरिषदेच्या लेखी आश्वासनानंतर तात्पुरते स्थगित करण्यात आले असल्याची माहिती सामाजिक कार्यकर्ते आदमभाई मुजावर यांनी पत्रकारांशी बोलताना दिली.जयसिंगपूर शहरातील नागरिकांना घरफाळ्यावरील २ टक्के शास्ती रद्द करावी या मागणीसाठी दि. ३ डिसेंबर २०२४ पासून आंदोलन सुरू करण्यात आले होते. सुरुवातीला उपोषण सुरू करण्यात आले होते. मात्र प्रकृती खालावल्यानंतर हे आंदोलन धरणे आंदोलनाच्या स्वरूपात तब्बल १०० दिवस सुरू ठेवण्यात आले होते. या जनआंदोलनाची दखल घेत शासनाने दि. १९ मे २०२५ रोजीच्या परिपत्रकानुसार प्रोत्साहनात्मक अभय योजना लागू केली. मात्र या योजनेचा जयसिंगपूर शहरातील नागरिकांना अपेक्षित आणि मोठ्या प्रमाणात फायदा झालेला नसल्याची भूमिका आंदोलकांनी मांडली होती.या पार्श्वभूमीवर मंगळवार, दि. १० मार्च रोजी पुन्हा लाक्षणिक उपोषण सुरू करण्यात आले.यावेळी जयसिंगपूर नगरपरिषदेच्या मुख्याधिकारी श्रीमती टीना गवळी यांच्यासोबत आंदोलकांची बैठक झाली.या बैठकीत नगरपरिषद क्षेत्रातील थकित मालमत्ता करावरील शास्ती माफ करून कर वसुलीसाठी प्रोत्साहनात्मक अभय योजना राबविण्यात येत असल्याची माहिती देण्यात आली. तसेच या योजनेबाबत जनजागृती करण्यासाठी वृत्तपत्रे आणि विविध माध्यमांद्वारे प्रयत्न सुरू असल्याचे नगरपरिषदेकडून तोंडी व लेखी आश्वासन देण्यात आले. नगरपरिषदेच्या या लेखी आश्वासनानंतर स्वराज्यक्रांती जनआंदोलनचे मंगळवार, दि. १० मार्चपासून सुरू असलेले लाक्षणिक उपोषण तात्पुरते स्थगित करण्यात आले असल्याचे आदमभाई मुजावर यांनी सांगितले.या बैठकीस शिरोळ विकास आघाडीचे नगरपरिषद पक्षप्रतोद संजय पाटील कोथळीकर, मुख्याधिकारी श्रीमती टीना गवळी तसेच नगरपरिषदेचे कर्मचारी उपस्थित होते. आंदोलकांच्या वतीने निवेदक आदमभाई मुजावर आणि स्वराज्यक्रांती जनआंदोलनचे शिरोळ तालुकाध्यक्ष गजानन पवार यांनी नगरपरिषदेचे पत्र स्वीकारले.दरम्यान, जयसिंगपूर शहरातील नागरिकांनी घरफाळ्यावरील दंडमाफीसाठी नगरपरिषदेकडे अर्ज दाखल करावेत, असे आवाहनही आदमभाई मुजावर यांनी केले आहे.