ध्वनी प्रदूषण करणाऱ्या सायलेन्सर वर कारवाई करून गुन्हे दाखल करण्यात आले. फटाका सायलेन्सर लावून बुलेटचा कर्णकर्कश आवाज करणाऱ्यांवर लातूर वाहतूक शाखेची कारवाई; सात बुलेटस्वारांवर दंडात्मक कार्यवाही. लातूर (प्रतिनिधी) शहरातील वाढत्या ध्वनीप्रदूषणाला आळा घालण्यासाठी तसेच फटाक्या सारखा मोठा आवाज करणारे सायलेन्सर वापरणाऱ्या दुचाकी स्वारांविरुद्ध लातूर शहर वाहतूक शाखेकडून विशेष कारवाई सुरू करण्यात आली आहे. शहरातील काही बुलेटस्वार आपल्या वाहनांमध्ये नियमबाह्य पद्धतीने फटाका सायलेन्सर बसवून वाहन चालवत असल्याने मोठ्या आवाजाचे ध्वनीप्रदूषण होत आहे. या कर्णकर्कश आवाजा मुळे लहान मुले, ज्येष्ठ नागरिक, रुग्ण तसेच सर्वसामान्य नागरिकांना मोठ्या प्रमाणात त्रास सहन करावा लागत आहे. नागरिकांच्या तक्रारी व या बाबीचे गांभीर्य लक्षात घेऊन लातूर शहर वाहतूक शाखेने काल विशेष मोहीम राबवून फटाका सायलेन्सर वापरणाऱ्या सात बुलेट चालकांवर कारवाई करून 7000 /- दंड आकारला आहे. यापुढे अशा वाहनांवर कारवाई अधिक तीव्र करण्यात येणार असून, आवश्यकतेनुसार नॉईज लेव्हल मीटरच्या सहाय्याने वाहनाच्या आवाजाची पातळी तपासून संबंधित वाहनचालकां विरुद्ध कायदेशीर कारवाई करण्यात येणार आहे. नियमबाह्य सायलेन्सर बसवून वाहन चालविणाऱ्या वाहनधारकांनी तत्काळ असे सायलेन्सर काढून नियमानुसार सायलेन्सर बसवून घ्यावेत. लातूर जिल्हा पोलीस दलाकडून सर्व बुलेटस्वार व वाहनचालकांना आवाहन करण्यात येते की, आपल्या वाहनामुळे इतर नागरिकांना त्रास होणार नाही, याची प्रत्येकाने काळजी घ्यावी. फटाका सायलेन्सरचा वापर करून विनाकारण कर्णकर्कश आवाज करणाऱ्या वाहनचालकांची गय केली जाणार नाही. अशा प्रकारचे वाहन निदर्शनास आल्यास संबंधितांविरुद्ध नियमानुसार कठोर कायदेशीर व दंडात्मक कारवाई करण्यात येईल. “वाहनाचा आवाज स्टाईल नाही, तर इतरांच्या त्रासाचे कारण आहे; नियम पाळा आणि ध्वनीप्रदूषण टाळा.” असे आवाहन पोलीस प्रशासनाकडून करण्यात आले आहे.

Laxman Ugile

उदगीर, लातूर, महाराष्ट्र•

1 day ago

ध्वनी प्रदूषण करणाऱ्या सायलेन्सर वर कारवाई करून गुन्हे दाखल करण्यात आले. फटाका सायलेन्सर लावून बुलेटचा कर्णकर्कश आवाज करणाऱ्यांवर लातूर वाहतूक शाखेची कारवाई; सात बुलेटस्वारांवर दंडात्मक कार्यवाही. लातूर (प्रतिनिधी) शहरातील वाढत्या ध्वनीप्रदूषणाला आळा घालण्यासाठी तसेच फटाक्या सारखा मोठा आवाज करणारे सायलेन्सर वापरणाऱ्या दुचाकी स्वारांविरुद्ध लातूर शहर वाहतूक शाखेकडून विशेष कारवाई सुरू करण्यात आली आहे. शहरातील काही बुलेटस्वार आपल्या वाहनांमध्ये नियमबाह्य पद्धतीने फटाका सायलेन्सर बसवून वाहन चालवत असल्याने मोठ्या आवाजाचे ध्वनीप्रदूषण होत आहे. या कर्णकर्कश आवाजा मुळे लहान मुले, ज्येष्ठ नागरिक, रुग्ण तसेच सर्वसामान्य नागरिकांना मोठ्या प्रमाणात त्रास सहन करावा लागत आहे. नागरिकांच्या तक्रारी व या बाबीचे गांभीर्य लक्षात घेऊन लातूर शहर वाहतूक शाखेने काल विशेष मोहीम राबवून फटाका सायलेन्सर वापरणाऱ्या सात बुलेट चालकांवर कारवाई करून 7000

/- दंड आकारला आहे. यापुढे अशा वाहनांवर कारवाई अधिक तीव्र करण्यात येणार असून, आवश्यकतेनुसार नॉईज लेव्हल मीटरच्या सहाय्याने वाहनाच्या आवाजाची पातळी तपासून संबंधित वाहनचालकां विरुद्ध कायदेशीर कारवाई करण्यात येणार आहे. नियमबाह्य सायलेन्सर बसवून वाहन चालविणाऱ्या वाहनधारकांनी तत्काळ असे सायलेन्सर काढून नियमानुसार सायलेन्सर बसवून घ्यावेत. लातूर जिल्हा पोलीस दलाकडून सर्व बुलेटस्वार व वाहनचालकांना आवाहन करण्यात येते की, आपल्या वाहनामुळे इतर नागरिकांना त्रास होणार नाही, याची प्रत्येकाने काळजी घ्यावी. फटाका सायलेन्सरचा वापर करून विनाकारण कर्णकर्कश आवाज करणाऱ्या वाहनचालकांची गय केली जाणार नाही. अशा प्रकारचे वाहन निदर्शनास आल्यास संबंधितांविरुद्ध नियमानुसार कठोर कायदेशीर व दंडात्मक कारवाई करण्यात येईल. “वाहनाचा आवाज स्टाईल नाही, तर इतरांच्या त्रासाचे कारण आहे; नियम पाळा आणि ध्वनीप्रदूषण टाळा.” असे आवाहन पोलीस प्रशासनाकडून करण्यात आले आहे.