સાબરકાંઠા જિલ્લાના હિંમતનગર તાલુકાના અદાપુરમાં વાવાઝોડા સાથે વરસાદ શરૂ થઈ ગયો છે.

પાટણ પોલીસે “તેરા તુજકો અર્પણ” અભિયાન અંતર્ગત એક જનસહાર કેમ્પનું આયોજન કરીને આશરે 40 લાખ રૂપિયાનો મુદ્દામાલ તેના મૂળ માલિકોને પરત કર્યો છે.

બનાસકાંઠા LCB ટીમે એક સફળ કાર્યવાહી હાથ ધરીને ડુંગરાસણ ગામના એક શખ્સને વિદેશી દારૂના જથ્થા સાથે ઝડપી પાડ્યો છે. પકડાયેલા શખ્સ પાસેથી ₹2.85 લાખની કિંમતનો વિદેશી દારૂ મળી આવ્યો છે, જેને પોલીસે તાત્કાલિક કબજે લીધો હતો. આ મામલે પોલીસે આરોપીની અટકાયત કરીને વધુ તપાસ હાથ ધરી છે.

Post by Pooja patel

નેશનલ હાઈવે માટે જમીન સંબંધિત મામલે વિરોધ પ્રદર્શન ચાલી રહ્યું છે. આ વિરોધનું મુખ્ય કારણ એ છે કે જમીનના બદલામાં પૂરતા પૈસા (વળતર) મળ્યા નથી.

સુરત જિલ્લા પંચાયતના ખેતીવાડી વિભાગમાં ફરજ બજાવતા સિનિયર એકાઉન્ટ ક્લાર્ક વિરુદ્ધ લાંચ લેવાનો ગંભીર કિસ્સો સામે આવ્યો છે, જેમાં સુરત ACBની ટીમે ટ્રેપ ગોઠવી કાર્યવાહી કરતાં મહિલા કર્મચારી અને તેના કોલેજિયન પુત્રને ઝડપી પાડ્યા છે. ખેતીવાડી શાખામાં સિનિયર એકાઉન્ટ ક્લાર્ક તરીકે ફરજ બજાવતી રૂપલ પરેશકુમાર ટેલરે સહકર્મચારીઓના પ્રવાસ ભથ્થાં (TA) અને એલ.ટી.સી. (LTC)ના બિલો પાસ કરવા બદલ રૂ. 62,500ની લાંચની માંગણી કરી હતી. આ ફરિયાદના આધારે સુરત ACBએ ટ્રેપ ગોઠવ્યો હતો. ટ્રેપ દરમિયાન રૂ. 30,000ની લાંચ સ્વીકારવામાં આવતા મહિલા કર્મચારીના કોલેજિયન પુત્રને રકમ લેતા રંગે હાથે ઝડપી પાડવામાં આવ્યો હતો. તપાસ દરમિયાન માતા રૂપલ ટેલરની પણ સંડોવણી સામે આવતાં તેની પણ ધરપકડ કરવામાં આવી હતી. ACB અધિકારીઓના જણાવ્યા મુજબ, સરકારી ફરજનો દુરુપયોગ કરીને લાંચની માંગણી કરવામાં આવી હતી. માતાની લાંચની લાલચમાં પુત્ર પણ કાયદાના સકંજામાં આવી જતાં તેનું ભવિષ્ય જોખમમાં મુકાયું છે. આ મામલે ACB દ્વારા વધુ તપાસ હાથ ધરવામાં આવી છે અને લાંચ પ્રકરણ સાથે સંકળાયેલા અન્ય પાસાઓની પણ તપાસ ચાલી રહી છે. લાંચની લાલચે માતા-પુત્રને જેલના દરવાજે પહોંચાડ્યા, આ સુરત ACBનો સફળ ટ્રેપ રહ્યો છે.

ગાંધીનગર જિલ્લાના દહેગામ-ગાંધીનગર હાઈવે પર પસાર થઈ રહેલી એક બલેનો કારમાં અચાનક આગ લાગી ગઈ હતી. આ ઘટનામાં જોતજોતામાં જ આખી કાર બળીને સંપૂર્ણપણે ખાખ થઈ ગઈ હતી.