સુરત ગ્રામીણ એલસીબી દ્વારા નવાગામ ઉદ્યોગનગર ખાતે મોટી કાર્યવાહી કરવામાં આવી છે. 'શુદ્ધ ગાયનું ઘી'ના નામે શંકાસ્પદ ઘી બનાવતી એક યુનિટ પર દરોડા પાડવામાં આવ્યા હતા. હાલ આ મામલે ભેળસેળવાળા ઘી અને નકલી પેકિંગ નેટવર્કની તપાસ ચાલુ છે.

ઈદના તહેવારને અનુલક્ષીને સચિન પોલીસે સુરક્ષા વ્યવસ્થા વધુ સઘન બનાવી છે. આ સંદર્ભમાં, પોલીસે સંવેદનશીલ ગણાતા વિસ્તારોમાં કડક પેટ્રોલિંગ શરૂ કરી દીધું છે.

સુરત મહાનગરપાલિકાને આશરે ₹1.53 કરોડના ખર્ચે 4 નવી શબવાહિની અને 1 વેક્સીન વાન ભેટમાં મળી છે. વર્ષ 2026ની ગ્રાન્ટમાંથી શરૂ કરાયેલી આ સુવિધાઓનું લોકાર્પણ પૂર્વ સાંસદ દર્શના જરદોષના હસ્તે મજુરા ફાયર સ્ટેશન ખાતે યોજાયું હતું, જ્યાં સ્વર્ગવાહિની ગાડીઓનું વિતરણ પણ કરવામાં આવ્યું હતું. આ નવી વ્યવસ્થા શહેરના નાગરિકોને ઝડપી અને વધુ સારી આરોગ્ય સેવાઓ પૂરી પાડવા માટે ઊભી કરવામાં આવી છે. ઈમરજન્સી અને અંતિમવિધિ સેવાઓમાં લોકોને હવે વધુ ઝડપી મદદ મળશે, જ્યારે વેક્સીન વાન શહેરના વિવિધ વિસ્તારોમાં રસીકરણ કામગીરીને ગતિ આપશે. આ કાર્યક્રમમાં અનેક કોર્પોરેટરો અને આગેવાનો ઉપસ્થિત રહ્યા હતા, જેમાં પરેશ પટેલ સહિતના મહાનુભાવોની વિશેષ હાજરી નોંધાઈ હતી. ફાયર વિભાગના અનેક અધિકારીઓ અને કર્મચારીઓએ પણ આ કાર્યક્રમમાં ભાગ લીધો હતો. સુરત મનપાનું આ મહત્વપૂર્ણ પગલું જનસેવા અને આરોગ્ય સુવિધાઓને વધુ મજબૂત બનાવશે, જેથી સામાન્ય નાગરિકોને સમયસર સેવાઓ મળી શકે.

સુરત શહેરમાં “નો ડ્રગ્સ ઇન સુરત સિટી” અભિયાન અંતર્ગત એક મોટી કાર્યવાહી કરવામાં આવી છે, જેમાં ભેસ્તાન પોલીસના NDPS કેસમાં લાંબા સમયથી ફરાર ચાલી રહેલા આરોપી શંભુ ઉર્ફે આકાશ પ્રધાનને ઝડપી પાડવામાં આવ્યો છે. ઝોન-૬ LCB દ્વારા બાતમી અને ટેકનિકલ સર્વેલન્સના આધારે આ આરોપીને ભેસ્તાનના સિદ્ધાર્થ નગર વિસ્તારમાંથી ઝડપી પાડવામાં આવ્યો હતો. આ આરોપી ગાંજાનો જથ્થો સપ્લાય કરવાના ગુનામાં સંડોવાયેલો હતો. પોલીસે આરોપીની ધરપકડ કરીને આગળની કાયદેસરની કાર્યવાહી હાથ ધરી છે.

અમદાવાદના નહેરુનગર વિસ્તારમાં નિવૃત્ત DySP અશોક ચૌહાણની દબંગાઈ સામે આવી છે. જમીન વિવાદના મામલે તેમણે જાહેરમાં બંદૂક કાઢી પાંચ રાઉન્ડ ફાયરિંગ કર્યું હતું. સદનસીબે, ફાયરિંગની આ ઘટનામાં કોઈ જાનહાનિ થઈ ન હતી. ઘટના બાદ પોલીસે નિવૃત્ત DySP અશોક ચૌહાણની અટકાયત કરી લીધી છે.

સુરત જિલ્લામાં ભેળસેળનો એક મોટો પર્દાફાશ થયો છે, જ્યાં ખુલ્લેઆમ નામી બ્રાન્ડના નામે નકલી ઘીનું વેચાણ થઈ રહ્યું હતું. આ સમગ્ર મામલામાં સંડોવાયેલા સંચાલકની ધરપકડ કરવામાં આવી છે.

અમદાવાદ શહેરમાં એક જમીન વિવાદ મામલે નિવૃત્ત DYSP દ્વારા ભડાકા કરવામાં આવ્યા હોવાનો બનાવ સામે આવ્યો છે.

સુરત ગ્રામ્ય SOG દ્વારા બે વર્ષથી ફરાર ચાલી રહેલા એક ગાંજા તસ્કરને સફળતાપૂર્વક પકડી પાડવામાં આવ્યો છે.

સુરત જિલ્લાના પલસાણા તાલુકાના કડોદરામાં સંજીવની હોસ્પિટલના ગેટ સામે એક ભયાનક અકસ્માત બન્યો હતો. આ ઘટનામાં એક આઈશર ગાડીના ચાલકે પાછળથી એક ટુ-વ્હીલરને જોરદાર ટક્કર મારી હતી. અકસ્માત સર્જ્યા બાદ આઈશર ગાડીનો ચાલક તેજ ગતિથી સ્થળ પરથી ભાગી ગયો હતો. ત્યાંથી પસાર થઈ રહેલા લોકોએ તરત જ ઘાયલ ટુ-વ્હીલર ચાલકને સંજીવની હોસ્પિટલમાં દાખલ કર્યો હતો. હાલમાં, ઘાયલ વ્યક્તિની હાલત સામાન્ય હોવાનું જણાવાયું છે.