आंतरराष्ट्रीय योग दिनानिमित्त राज्यपाल जिष्णु देव वर्मा यांनी महाराष्ट्र लोकभवन येथे भारतीय तटरक्षक दलातील अधिकाऱ्यांसह योगसत्रात सहभाग घेतला. यावर्षी लोकभवनातील योग दिवस भारतीय तटरक्षक दलाच्या सहकार्याने साजरा करण्यात आला, ज्यामध्ये तटरक्षक दलाचे अधिकारी, त्यांचे कुटुंबीय आणि महाराष्ट्र लोकभवनातील अधिकारी उपस्थित होते. यावेळी बोलताना राज्यपालांनी नमूद केले की, आज योगाला जागतिक स्तरावर मान्यता मिळाली आहे. त्यांनी सांगितले की, शतकानुशतके योगाचा अभ्यास केवळ घरांमध्ये, आश्रम आणि योग संस्थांमध्ये केला जात असे. मात्र, प्रधानमंत्री नरेंद्र मोदी यांनी संयुक्त राष्ट्रसंघाकडे २१ जून हा आंतरराष्ट्रीय योग दिन म्हणून घोषित करण्याचे आवाहन केल्यानंतर, आज जगातील १५० हून अधिक देशांमध्ये आंतरराष्ट्रीय योग दिन साजरा केला जात आहे, ही अभिमानाची बाब आहे. राज्यपालांनी राज्यातील सार्वजनिक विद्यापीठांना योगाचा प्रचार-प्रसार करण्याचे तसेच जगासाठी उत्तम योग शिक्षक व प्रशिक्षक घडवण्याचे आवाहनही केले. राज्यपालांनी सन १९७७ मध्ये स्थापनेपासून राष्ट्रसेवेत कार्यरत असलेल्या आणि यंदा सुवर्ण महोत्सवी वर्षात पदार्पण करीत असलेल्या भारतीय तटरक्षक दलाच्या योगदानाचे कौतुक केले. त्यांनी पुढे नमूद केले की, तटरक्षक दलाचे अधिकारी आणि जवान कठीण परिस्थितीतही अथक परिश्रम करून भारताचे समुद्र सुरक्षित, संरक्षित आणि समृद्ध ठेवत आहेत.

EXPRESS NEWS

Press advisory मिरज, सांगली, महाराष्ट्र•

1 hr ago

आंतरराष्ट्रीय योग दिनानिमित्त राज्यपाल जिष्णु देव वर्मा यांनी महाराष्ट्र लोकभवन येथे भारतीय तटरक्षक दलातील अधिकाऱ्यांसह योगसत्रात सहभाग घेतला. यावर्षी लोकभवनातील योग दिवस भारतीय तटरक्षक दलाच्या सहकार्याने साजरा करण्यात आला, ज्यामध्ये तटरक्षक दलाचे अधिकारी, त्यांचे कुटुंबीय आणि महाराष्ट्र लोकभवनातील अधिकारी उपस्थित होते. यावेळी बोलताना राज्यपालांनी नमूद केले की, आज योगाला जागतिक स्तरावर मान्यता मिळाली आहे. त्यांनी सांगितले की, शतकानुशतके योगाचा अभ्यास केवळ घरांमध्ये, आश्रम आणि योग संस्थांमध्ये केला जात असे. मात्र, प्रधानमंत्री नरेंद्र मोदी यांनी संयुक्त राष्ट्रसंघाकडे २१ जून हा आंतरराष्ट्रीय योग दिन म्हणून

घोषित करण्याचे आवाहन केल्यानंतर, आज जगातील १५० हून अधिक देशांमध्ये आंतरराष्ट्रीय योग दिन साजरा केला जात आहे, ही अभिमानाची बाब आहे. राज्यपालांनी राज्यातील सार्वजनिक विद्यापीठांना योगाचा प्रचार-प्रसार करण्याचे तसेच जगासाठी उत्तम योग शिक्षक व प्रशिक्षक घडवण्याचे आवाहनही केले. राज्यपालांनी सन १९७७ मध्ये स्थापनेपासून राष्ट्रसेवेत कार्यरत असलेल्या आणि यंदा सुवर्ण महोत्सवी वर्षात पदार्पण करीत असलेल्या भारतीय तटरक्षक दलाच्या योगदानाचे कौतुक केले. त्यांनी पुढे नमूद केले की, तटरक्षक दलाचे अधिकारी आणि जवान कठीण परिस्थितीतही अथक परिश्रम करून भारताचे समुद्र सुरक्षित, संरक्षित आणि समृद्ध ठेवत आहेत.