कोकण मराठी साहित्य परिषद शाखा शहापूरचा उद्घाटन सोहळा उत्साहात संपन्न कोकण मराठी साहित्य परिषद शाखा शहापूरचा उद्घाटन सोहळा रविवार दिनांक ११ जानेवारी २०२६ रोजी कुणबी समाज संघ सभागृह शहापूर येथे महाराष्ट्रातील सुप्रसिद्ध जेष्ठ कवी व साहित्यिक प्रा.अशोक बागवे सर यांच्या शुभहस्ते संपन्न झाला.कोमसाप जिल्हाध्यक्ष बाळ कांदळकर सर यांच्या अध्यक्षतेखाली पार पडलेल्या या दिमाखदार सोहळ्याला अनेक रसिकांनी उपस्थिती दर्शवली. या सोहळ्यासाठी कुणबी समाज संघाचे अध्यक्ष श्री किशोर कुडव,सा. रानभरारीचे संपादक श्री शंकर खाडे,शहापूर तालुक्याचे गट शिक्षण अधिकारी हिराजी वेखंडे,ज्ञानसाधना महा विद्यालयाचे माजी उपप्राचार्य डॉ. राजेंद्र वेखंडे,कोमसाप शहापूर तालुका अध्यक्ष विजयकुमार देसले तसेच ठाणे,मुरबाड व कळवा शाखेतील विविध पदाधिकारी उपस्थित होते. प्रथमतः प्रा.अशोक बागवे सर व विविध मान्यवरांच्या उपस्थितीत कोमसाप शहापूर शाखा नूतन कार्यकरिणीच्या नामफलकाचे उद्घाटन करण्यात आले.बाळ कांदळकर यांनी २०२६ ते २०२९ या तीन वर्षासाठी अध्यक्ष विजयकुमार देसले,कार्याध्यक्ष सुभाष शिंदे,उपाध्यक्ष नारायण दरोडा, सचिव जयराम मांजरे, सहसचिव राजेंद्र हेंद्रे,जिल्हा प्रतिनिधी रमेश तारमळे, कोषाध्यक्ष चंदन फुलपगार, सह कोषाध्यक्ष अर्जुन बांबेरे,अं.हिशोब तपासनीस स्वागत विशे, कार्य.सदस्य म्हणून सुजाता धानके,निखिल मोंडूळा, मुकेश विशे,सल्लागार प्रेरणा शेलवले,मुकेश दामोदरे यांची निवड घोषित केली. नवनिर्वाचित कोमसाप शहापूर तालुका अध्यक्ष विजयकुमार देसले यांनी प्रास्ताविक सादर करताना आतापर्यंत सहकाऱ्यांसोबत केलेल्या साहित्यिक कार्याचा सर्वांना परिचय करुन दिला.भविष्यात शहापुरात एखादे साहित्य संमेलन करण्याची इच्छा व्यक्त केली.वाचन संस्कृती टिकली पाहिजे यासाठी भविष्यात तालुक्यामध्ये नानाविध उपक्रम राबविणार असल्याचे सांगितले.सर्वांना सोबत घेऊन मराठी भाषा संवर्धनासाठी व साहित्य क्षेत्रात विशेष योगदान देणार असल्याची भावना व्यक्त केली. कवी अर्जुन बांबे सर यांनी काव्यसंमेलनाचे बहारदार सूत्रसंचालन केले.काव्य संमेलनात 'मराठी असे आमची मायबोली' या विषयावर १५ कवींचे सादरीकरण झाले. सर्व कवींना मान्यवरांच्या शुभहस्ते सन्मानपत्र व बुके देऊन सन्मानित करण्यात आले.ज्ञानसाधना महाविद्यालयाचे मा. उपप्राचार्य डॉ.राजेश वेखंडे सर,साप्ता.रानभरारीचे संपादक शंकर खाडे यांनी विजयकुमार देसले सरांवर मोठी जबाबदारी पडली आहे व ते यशस्वीपणे पार पाडतील अशी भावना व्यक्त करत सर्वतोपरी सहकार्य करण्याचे आश्वासन दिले. तालुक्याचे गट शिक्षण अधिकारी हिराजी वेखंडे यांनी कोमसापच्या माध्यमातून लावलेले हे छोटेसे रोपटे भविष्यात वटवृक्ष होईल असा आशावाद व्यक्त करत विजयकुमार देसले व संपूर्ण टीमच्या नियोजनाचे कौतुक केले.कुणबी समाज संघाचे अध्यक्ष किशोर कुडव यांनी विजयकुमार देसले यांची निवड म्हणजे योग्य साहित्यिकाची निवड केली आहे अशी भावना व्यक्त करत नेहमीच या मंडळाला सहकार्य करण्याचे जाहीर केले. कोमसाप ठाणे जिल्हा अध्यक्ष बाळ कांदळकर सर यांनी नवोदितांना व्यासपीठ मिळावे यासाठी या शाखा काढल्या जातात.रसिकांनी बिनधास्त दाद देऊन या मंडळींच्या पाठीशी ठामपणे उभे राहिले पाहिजे असे आवाहन केले. शाखा उद्घाटन सोहळा भव्य दिव्य झाल्याबद्दल सर्व पदाधिकारी व सदस्यांचे अभिनंदन करत पुढील कार्यास शुभेच्छा दिल्या. महाराष्ट्रातील प्रसिद्ध ज्येष्ठ कवी व साहित्यिक प्रा.अशोक बागवे सर यांनी कवितेतील अनेक गंमती जमती सांगत रसिकांना पोट धरुन हसवले. कविता नावाची गोष्ट हृदयात गेली पाहिजे. आशय महत्वाचा आहे. विषयावर कविता नसते.कवी अंतरीचे बघतो. सल,वेदना सलत असेल तर अस्सल निर्माण होतं.शल्य असेल तर कौशल्य निर्माण होते.उघडं सौंदर्य मादक असतं तर आतलं सौंदर्य मोहक असतं असे कवितेबद्दल मार्मिक विचार सर्वांच्या मनाला भिडले."धनी चालला पुढे,सजनी त्याच्या मागे मागं मागं" ही कविता सादर करत रसिकांची दाद मिळवली. नवनिर्वाचित अध्यक्ष व पदाधिकारी यांना पुढील कार्यास शुभेच्छा दिल्या. या कार्यक्रमाचे मुकेश दामोदरे सर व जयराम मांजरे सर यांनी आपल्या खुमासदार शैलीत सूत्रसंचालन करत कार्यक्रमात रंगत भरली. प्रेरणा शेलवले यांनी सर्वांचे आभार व्यक्त करत अध्यक्षांच्या परवानगीने कार्यक्रम संपल्याचे जाहीर केले.या संपूर्ण कार्यक्रमासाठी कोमसापच्या सर्व सदस्यांनी खूप मेहनत घेऊन कार्यक्रम यशस्वी केला.

लोक हिंद चॅनल

Journalist शहापूर, ठाणे, महाराष्ट्र•

2 hrs ago

कोकण मराठी साहित्य परिषद शाखा शहापूरचा उद्घाटन सोहळा उत्साहात संपन्न कोकण मराठी साहित्य परिषद शाखा शहापूरचा उद्घाटन सोहळा रविवार दिनांक ११ जानेवारी २०२६ रोजी कुणबी समाज संघ सभागृह शहापूर येथे महाराष्ट्रातील सुप्रसिद्ध जेष्ठ कवी व साहित्यिक प्रा.अशोक बागवे सर यांच्या शुभहस्ते संपन्न झाला.कोमसाप जिल्हाध्यक्ष बाळ कांदळकर सर यांच्या अध्यक्षतेखाली पार पडलेल्या या दिमाखदार सोहळ्याला अनेक रसिकांनी उपस्थिती दर्शवली. या सोहळ्यासाठी कुणबी समाज संघाचे अध्यक्ष श्री किशोर कुडव,सा. रानभरारीचे संपादक श्री शंकर खाडे,शहापूर तालुक्याचे गट शिक्षण अधिकारी हिराजी वेखंडे,ज्ञानसाधना महा विद्यालयाचे माजी उपप्राचार्य डॉ. राजेंद्र वेखंडे,कोमसाप शहापूर तालुका अध्यक्ष विजयकुमार देसले तसेच ठाणे,मुरबाड व कळवा शाखेतील विविध पदाधिकारी उपस्थित होते. प्रथमतः प्रा.अशोक बागवे सर व विविध मान्यवरांच्या उपस्थितीत कोमसाप शहापूर शाखा नूतन कार्यकरिणीच्या नामफलकाचे उद्घाटन करण्यात आले.बाळ कांदळकर यांनी २०२६ ते २०२९ या तीन वर्षासाठी अध्यक्ष विजयकुमार देसले,कार्याध्यक्ष सुभाष शिंदे,उपाध्यक्ष नारायण दरोडा, सचिव जयराम मांजरे, सहसचिव राजेंद्र हेंद्रे,जिल्हा प्रतिनिधी रमेश तारमळे, कोषाध्यक्ष चंदन फुलपगार, सह कोषाध्यक्ष अर्जुन बांबेरे,अं.हिशोब तपासनीस स्वागत विशे, कार्य.सदस्य म्हणून सुजाता धानके,निखिल मोंडूळा, मुकेश विशे,सल्लागार प्रेरणा शेलवले,मुकेश दामोदरे यांची निवड घोषित केली. नवनिर्वाचित कोमसाप शहापूर तालुका अध्यक्ष विजयकुमार देसले यांनी प्रास्ताविक सादर करताना आतापर्यंत सहकाऱ्यांसोबत केलेल्या साहित्यिक कार्याचा सर्वांना परिचय करुन दिला.भविष्यात शहापुरात एखादे साहित्य संमेलन करण्याची इच्छा व्यक्त केली.वाचन संस्कृती टिकली पाहिजे यासाठी भविष्यात तालुक्यामध्ये नानाविध उपक्रम राबविणार असल्याचे सांगितले.सर्वांना सोबत घेऊन मराठी भाषा संवर्धनासाठी व साहित्य क्षेत्रात विशेष योगदान देणार असल्याची भावना व्यक्त केली. कवी अर्जुन बांबे सर यांनी काव्यसंमेलनाचे बहारदार सूत्रसंचालन केले.काव्य संमेलनात 'मराठी असे आमची मायबोली' या विषयावर १५ कवींचे सादरीकरण झाले. सर्व कवींना मान्यवरांच्या शुभहस्ते सन्मानपत्र व बुके देऊन सन्मानित करण्यात आले.ज्ञानसाधना महाविद्यालयाचे मा. उपप्राचार्य डॉ.राजेश वेखंडे सर,साप्ता.रानभरारीचे संपादक शंकर खाडे यांनी विजयकुमार देसले सरांवर मोठी जबाबदारी पडली आहे व ते यशस्वीपणे पार पाडतील अशी भावना व्यक्त करत सर्वतोपरी सहकार्य करण्याचे आश्वासन दिले. तालुक्याचे गट शिक्षण अधिकारी हिराजी वेखंडे यांनी कोमसापच्या माध्यमातून लावलेले हे छोटेसे रोपटे भविष्यात वटवृक्ष होईल असा आशावाद व्यक्त करत विजयकुमार देसले व संपूर्ण टीमच्या नियोजनाचे कौतुक केले.कुणबी समाज संघाचे अध्यक्ष किशोर कुडव यांनी विजयकुमार देसले यांची निवड म्हणजे योग्य साहित्यिकाची निवड केली आहे अशी भावना व्यक्त करत नेहमीच या मंडळाला सहकार्य करण्याचे जाहीर केले. कोमसाप ठाणे जिल्हा अध्यक्ष बाळ कांदळकर सर यांनी नवोदितांना व्यासपीठ मिळावे यासाठी या शाखा काढल्या जातात.रसिकांनी बिनधास्त दाद देऊन या मंडळींच्या पाठीशी ठामपणे उभे राहिले पाहिजे असे आवाहन केले. शाखा उद्घाटन सोहळा भव्य दिव्य झाल्याबद्दल सर्व पदाधिकारी व सदस्यांचे अभिनंदन करत पुढील कार्यास शुभेच्छा दिल्या. महाराष्ट्रातील प्रसिद्ध ज्येष्ठ कवी व साहित्यिक प्रा.अशोक बागवे सर यांनी कवितेतील अनेक गंमती जमती सांगत रसिकांना पोट धरुन हसवले. कविता नावाची गोष्ट हृदयात गेली पाहिजे. आशय महत्वाचा आहे. विषयावर कविता नसते.कवी अंतरीचे बघतो. सल,वेदना सलत असेल तर अस्सल निर्माण होतं.शल्य असेल तर कौशल्य निर्माण होते.उघडं सौंदर्य मादक असतं तर आतलं सौंदर्य मोहक असतं असे कवितेबद्दल मार्मिक विचार सर्वांच्या मनाला भिडले."धनी चालला पुढे,सजनी त्याच्या मागे मागं मागं" ही कविता सादर करत रसिकांची दाद मिळवली. नवनिर्वाचित अध्यक्ष व पदाधिकारी यांना पुढील कार्यास शुभेच्छा दिल्या. या कार्यक्रमाचे मुकेश दामोदरे सर व जयराम मांजरे सर यांनी आपल्या खुमासदार शैलीत सूत्रसंचालन करत कार्यक्रमात रंगत भरली. प्रेरणा शेलवले यांनी सर्वांचे आभार व्यक्त करत अध्यक्षांच्या परवानगीने कार्यक्रम संपल्याचे जाहीर केले.या संपूर्ण कार्यक्रमासाठी कोमसापच्या सर्व सदस्यांनी खूप मेहनत घेऊन कार्यक्रम यशस्वी केला.