పీఓపీ విగ్రహాల తయారీ... అడ్డుకునే వారేరీ..! - పర్యావరణానికి పెనుముప్పు! - మదనపల్లెలో విచ్చలవిడిగా తయారీపై నిఘా ఏదీ? - మున్సిపాలిటీ, పంచాయతీల్లో ముందస్తు తనిఖీలు చేపట్టాలి - నిబంధనలు పాటించని తయారీదారులపై చర్యలు ఏవి? మదనపల్లె: వినాయక చవితి పర్వదినం సమీపిస్తున్న వేళ మదనపల్లె పట్టణంతో పాటు పరిసర గ్రామీణ ప్రాంతాల్లో ప్లాస్టర్‌ ఆఫ్‌ పారిస్‌ (పీఓపీ) వినాయక విగ్రహాల తయారీ విచ్చలవిడిగా జరుగుతోంది. అధికారుల తనిఖీ ఊసే లేకపోవడంతో తయారీదారులు నిబంధనలు పాటించకుండా పర్యావరణానికి తీవ్ర ముప్పు తెచ్చేలా విగ్రహాలను తయారు చేస్తున్నారు. అనుమతులు పొందే సమయంలో పర్యావరణహితంగా విగ్రహాలు తయారు చేస్తామంటూ చెబుతున్న తయారీదారులు తర్వాత వాటిని పెడచెవిన పెడుతున్నారు. ఏటా విచ్చలవిడిగా పిఓపి విగ్రహాల తయారీ, నిమజ్జనంతో పర్యావరణానికి తీరని నష్టం జరుగుతోంది. మట్టి విగ్రహాల వినియోగం ఉపయోగాలు, పర్యావరణ హితం పై అవగాహన కల్పిస్తూ, పిఓపి విగ్రహాల తయారీపై తనిఖీలు చేపట్టి, నిబంధనలు పాటించని వారిపై చర్యలు తీసుకోవాల్సిన పరిస్థితి, ప్రత్యేక దృష్టి సారించాల్సిన అవసరం ఉందని ప్రజలు కోరుతున్నారు. పీఓపీ విగ్రహాల తయారీ, వినియోగం, నిమజ్జనం వల్ల పర్యావరణంపై ప్రతికూల ప్రభావం పడే అవకాశం ఉన్నందున తయారీ దశ నుంచే అధికారులు నిఘా ఉంచాలంటున్నారు. పట్టణం, పరిసర ప్రాంతాల్లో తట్టివారిపల్లె సమీపంలోని తిరుపతి రోడ్డులోను, సానిటోరియం ( ఆరోగ్యవరం ), ఐదవ మైలు, సిటిఎం, తదితర ప్రాంతాల్లో పీఓపీతో విగ్రహాల తయారీ చేస్తున్నారు. గత కొన్ని ఏళ్లుగా ఈ ప్రాంతాల్లో విగ్రహాల తయారీ కొనసాగుతోంది. ఇప్పటివరకు ఒక్కసారైనా అధికారులు తనిఖీ చేసిన దాఖలాలు లేవు. నేపథ్యంలో మున్సిపల్‌, పంచాయతీ, కాలుష్య నియంత్రణ శాఖ అధికారులు క్షేత్రస్థాయిలో తనిఖీలు నిర్వహించి వాస్తవ పరిస్థితులను నిర్ధారించాల్సిన అవసరం ఉంది. :-పీఓపీతో పర్యావరణానికి ముప్పు పీఓపీతో తయారు చేసిన విగ్రహాలు నీటిలో సులభంగా కరగకపోవడం, నిమజ్జనం అనంతరం అవశేషాలు నీటి వనరుల్లో పేరుకుపోవడం వంటి సమస్యలు తలెత్తే అవకాశం ఉందని పర్యావరణ నిపుణులు చెబుతున్నారు. దీనికి తోడు విగ్రహాలపై ఉపయోగించే రంగులు, ఇతర అలంకరణ సామగ్రి నీటి వనరులపై ప్రభావం చూపే అవకాశం ఉండటంతో ముందస్తు పర్యవేక్షణ కచ్చితంగా ఉండాలి. :- భారీగా తయారీ.. అధికారుల నిఘా ఏదీ? వినాయక చవితి సందర్భంగా విగ్రహాలకు డిమాండ్‌ పెరగడంతో మదనపల్లె, పరిసర ప్రాంతాల్లో తయారీ, విక్రయాలు పెద్దఎత్తున జరుగుతాయి. ఈ రంగంపై ఆధారపడి అనేక కుటుంబాలు జీవిస్తున్నందున వారి ఉపాధికి ఇబ్బంది కలగకుండా, పర్యావరణ నిబంధనలు పాటించేలా అధికారులు అవగాహన కల్పించాలి. కొన్ని ప్రాంతాల్లో అవసరమైన అనుమతులు లేకుండా లేదా పర్యావరణ మార్గదర్శకాలను పాటించకుండా పీఓపీ విగ్రహాల తయారీ జరుగుతోందనే సమాచారం వస్తున్న నేపథ్యంలో అధికారిక తనిఖీల ద్వారా వాస్తవాలను తేల్చాలని విజ్ఞప్తి చేస్తున్నారు. :- సి పి సి బి మార్గదర్శకాలు అమలు కావాలి కేంద్ర కాలుష్య నియంత్రణ మండలి (సీపీసీబి) జారీ చేసిన విగ్రహాల నిమజ్జన మార్గదర్శకాల్లో పర్యావరణహిత సహజ మట్టితో విగ్రహాల తయారీని ప్రోత్సహించాలని సూచనలు ఉన్నాయి. పీఓపీ, పర్యావరణానికి హాని కలిగించే పదార్థాల వినియోగాన్ని నివారించడంతో పాటు పర్యావరణహిత రంగులు, అలంకరణ సామగ్రికి ప్రాధాన్యం ఇవ్వాలని మార్గదర్శకాలు పేర్కొంటున్నాయి. ఈ మార్గదర్శకాలు కేవలం కాగితాలకే పరిమితం కాకుండా మదనపల్లె పట్టణం, పరిసర గ్రామాల్లోనూ అమలయ్యేలా సంబంధిత అధికారులు చర్యలు తీసుకోవాలని ప్రజలు కోరుతున్నారు. :- పట్టణంతో పాటు పల్లెల్లోనూ తనిఖీలు మదనపల్లె మున్సిపాలిటీ పరిధిలోని విగ్రహాల తయారీ కేంద్రాలను ముందుగానే గుర్తించి తనిఖీలు చేపట్టాలని ప్రజలు కోరుతున్నారు. తయారీకి అనుమతులు ఉన్నాయా? పీఓపీ లేదా ఇతర పర్యావరణహితంకాని పదార్థాలను వినియోగిస్తున్నారా? ఎలాంటి రంగులు వాడుతున్నారు? ప్లాస్టిక్‌, థర్మాకోల్‌ వినియోగం ఎలా ఉంది? వ్యర్థాలను ఎలా నిర్వహిస్తున్నారు? వంటి అంశాలను పరిశీలించాలని విజ్ఞప్తి చేస్తున్నారు. అదేవిధంగా పరిసర గ్రామ పంచాయతీల పరిధిలోని తయారీ కేంద్రాలపైనా నిఘా పెట్టాలని కోరుతున్నారు. పంచాయతీ అధికారులు అవసరమైన చోట మండల స్థాయి అధికారులు, కాలుష్య నియంత్రణ శాఖతో సమన్వయం చేసుకుని తనిఖీలు నిర్వహించాలని విజ్ఞప్తి చేస్తున్నారు. : నిబంధనలు పాటించని వారిపై చర్యలు ఏవి? పిఓపి విగ్రహాల తయారీలో నిబంధనలు పాటించడం లేదని స్థానికుల నుంచి ఆరోపణలు వస్తున్నాయి. పర్యావరణానికి హాని కలిగించేలా రసాయనాలు వాడుతున్నట్లు తెలుస్తోంది. అయినా అధికారులు తనిఖీలు చేసి చర్యలు తీసుకున్న జాడ కనిపించడం లేదు. :-మట్టి విగ్రహాలకే ప్రాధాన్యం సహజ మట్టితో తయారు చేసిన వినాయక విగ్రహాలను వినియోగించడం పర్యావరణ పరిరక్షణకు మేలు చేయడంతో పాటు స్థానిక కుమ్మరి కళాకారులకు ఉపాధి కల్పిస్తుందని ప్రజలు పేర్కొంటున్నారు. పర్యావరణహిత మట్టి విగ్రహాల తయారీదారులకు అధికారులు ప్రోత్సాహం, అవగాహన, మార్కెట్‌ అవకాశాలు కల్పించాలని కోరుతున్నారు. :-నిమజ్జనానికి ముందే చర్యలు విగ్రహాల తయారీ పూర్తయిన తర్వాత నిమజ్జన సమయంలో సమస్యలను ఎదుర్కొనే కంటే, తయారీ దశలోనే పర్యవేక్షణ చేపట్టడం సమర్థవంతంగా ఉంటుంది. తయారీ కేంద్రాల వివరాలను ముందుగానే సేకరించి తనిఖీలు నిర్వహించాలని కోరుతున్నారు. పండుగ పేరుతో చెరువులు, కుంటలు, ఇతర నీటి వనరులు కలుషితం కాకుండా చూడటం అందరి బాధ్యతని, భక్తితో పూజించే నీటి వనరులను పరిరక్షించుకోవాల్సిన అవసరం ఉంది. :- పర్యావరణహితం మట్టి విగ్రహం “వినాయక చవితి భక్తి, సంప్రదాయాలకు ప్రతీక. పీఓపీ విగ్రహాల వల్ల నీటి వనరులపై పర్యావరణ ప్రభావం పెరిగే అవకాశం ఉన్నందున సహజ మట్టి విగ్రహాలను ప్రోత్సహించడం మంచిది. పండుగతో పాటు ప్రకృతిని కాపాడుకోవాలి.” అబూబకర్ సిద్దిక్ :- మట్టి విగ్రహాలు ఉపయోగిస్తే ఉపాధి లభిస్తుంది “మట్టి వినాయక విగ్రహాలకు ప్రజలు ప్రాధాన్యం ఇస్తే పర్యావరణానికి మేలు చేయడంతో పాటు, సంప్రదాయ కళాకారులకు ఉపాధి లభిస్తుంది. అధికారులు మట్టి విగ్రహాల తయారీని ప్రోత్సహించాలి.” - వెంకట బాలసుబ్రమణ్యం శర్మ.

శ్రీనాధుడు ఎం

Local News Reporter మదనపల్లె, అన్నమయ్య, ఆంధ్రప్రదేశ్•

55 min ago

పీఓపీ విగ్రహాల తయారీ... అడ్డుకునే వారేరీ..! - పర్యావరణానికి పెనుముప్పు! - మదనపల్లెలో విచ్చలవిడిగా తయారీపై నిఘా ఏదీ? - మున్సిపాలిటీ, పంచాయతీల్లో ముందస్తు తనిఖీలు చేపట్టాలి - నిబంధనలు పాటించని తయారీదారులపై చర్యలు ఏవి? మదనపల్లె: వినాయక చవితి పర్వదినం సమీపిస్తున్న వేళ మదనపల్లె పట్టణంతో పాటు పరిసర గ్రామీణ ప్రాంతాల్లో ప్లాస్టర్‌ ఆఫ్‌ పారిస్‌ (పీఓపీ) వినాయక విగ్రహాల తయారీ విచ్చలవిడిగా జరుగుతోంది. అధికారుల తనిఖీ ఊసే లేకపోవడంతో తయారీదారులు నిబంధనలు పాటించకుండా పర్యావరణానికి తీవ్ర ముప్పు తెచ్చేలా విగ్రహాలను తయారు చేస్తున్నారు. అనుమతులు పొందే సమయంలో పర్యావరణహితంగా విగ్రహాలు తయారు చేస్తామంటూ చెబుతున్న తయారీదారులు తర్వాత వాటిని పెడచెవిన పెడుతున్నారు. ఏటా విచ్చలవిడిగా పిఓపి విగ్రహాల తయారీ, నిమజ్జనంతో పర్యావరణానికి తీరని నష్టం జరుగుతోంది. మట్టి విగ్రహాల వినియోగం ఉపయోగాలు, పర్యావరణ హితం పై అవగాహన కల్పిస్తూ, పిఓపి విగ్రహాల తయారీపై తనిఖీలు చేపట్టి, నిబంధనలు పాటించని వారిపై చర్యలు తీసుకోవాల్సిన పరిస్థితి, ప్రత్యేక దృష్టి సారించాల్సిన అవసరం ఉందని ప్రజలు కోరుతున్నారు. పీఓపీ విగ్రహాల తయారీ, వినియోగం, నిమజ్జనం వల్ల పర్యావరణంపై ప్రతికూల ప్రభావం పడే అవకాశం ఉన్నందున తయారీ దశ నుంచే అధికారులు నిఘా ఉంచాలంటున్నారు. పట్టణం, పరిసర ప్రాంతాల్లో తట్టివారిపల్లె సమీపంలోని తిరుపతి రోడ్డులోను, సానిటోరియం ( ఆరోగ్యవరం ), ఐదవ మైలు, సిటిఎం,

తదితర ప్రాంతాల్లో పీఓపీతో విగ్రహాల తయారీ చేస్తున్నారు. గత కొన్ని ఏళ్లుగా ఈ ప్రాంతాల్లో విగ్రహాల తయారీ కొనసాగుతోంది. ఇప్పటివరకు ఒక్కసారైనా అధికారులు తనిఖీ చేసిన దాఖలాలు లేవు. నేపథ్యంలో మున్సిపల్‌, పంచాయతీ, కాలుష్య నియంత్రణ శాఖ అధికారులు క్షేత్రస్థాయిలో తనిఖీలు నిర్వహించి వాస్తవ పరిస్థితులను నిర్ధారించాల్సిన అవసరం ఉంది. :-పీఓపీతో పర్యావరణానికి ముప్పు పీఓపీతో తయారు చేసిన విగ్రహాలు నీటిలో సులభంగా కరగకపోవడం, నిమజ్జనం అనంతరం అవశేషాలు నీటి వనరుల్లో పేరుకుపోవడం వంటి సమస్యలు తలెత్తే అవకాశం ఉందని పర్యావరణ నిపుణులు చెబుతున్నారు. దీనికి తోడు విగ్రహాలపై ఉపయోగించే రంగులు, ఇతర అలంకరణ సామగ్రి నీటి వనరులపై ప్రభావం చూపే అవకాశం ఉండటంతో ముందస్తు పర్యవేక్షణ కచ్చితంగా ఉండాలి. :- భారీగా తయారీ.. అధికారుల నిఘా ఏదీ? వినాయక చవితి సందర్భంగా విగ్రహాలకు డిమాండ్‌ పెరగడంతో మదనపల్లె, పరిసర ప్రాంతాల్లో తయారీ, విక్రయాలు పెద్దఎత్తున జరుగుతాయి. ఈ రంగంపై ఆధారపడి అనేక కుటుంబాలు జీవిస్తున్నందున వారి ఉపాధికి ఇబ్బంది కలగకుండా, పర్యావరణ నిబంధనలు పాటించేలా అధికారులు అవగాహన కల్పించాలి. కొన్ని ప్రాంతాల్లో అవసరమైన అనుమతులు లేకుండా లేదా పర్యావరణ మార్గదర్శకాలను పాటించకుండా పీఓపీ విగ్రహాల తయారీ జరుగుతోందనే సమాచారం వస్తున్న నేపథ్యంలో అధికారిక తనిఖీల ద్వారా వాస్తవాలను తేల్చాలని విజ్ఞప్తి చేస్తున్నారు. :- సి పి సి బి మార్గదర్శకాలు అమలు

కావాలి కేంద్ర కాలుష్య నియంత్రణ మండలి (సీపీసీబి) జారీ చేసిన విగ్రహాల నిమజ్జన మార్గదర్శకాల్లో పర్యావరణహిత సహజ మట్టితో విగ్రహాల తయారీని ప్రోత్సహించాలని సూచనలు ఉన్నాయి. పీఓపీ, పర్యావరణానికి హాని కలిగించే పదార్థాల వినియోగాన్ని నివారించడంతో పాటు పర్యావరణహిత రంగులు, అలంకరణ సామగ్రికి ప్రాధాన్యం ఇవ్వాలని మార్గదర్శకాలు పేర్కొంటున్నాయి. ఈ మార్గదర్శకాలు కేవలం కాగితాలకే పరిమితం కాకుండా మదనపల్లె పట్టణం, పరిసర గ్రామాల్లోనూ అమలయ్యేలా సంబంధిత అధికారులు చర్యలు తీసుకోవాలని ప్రజలు కోరుతున్నారు. :- పట్టణంతో పాటు పల్లెల్లోనూ తనిఖీలు మదనపల్లె మున్సిపాలిటీ పరిధిలోని విగ్రహాల తయారీ కేంద్రాలను ముందుగానే గుర్తించి తనిఖీలు చేపట్టాలని ప్రజలు కోరుతున్నారు. తయారీకి అనుమతులు ఉన్నాయా? పీఓపీ లేదా ఇతర పర్యావరణహితంకాని పదార్థాలను వినియోగిస్తున్నారా? ఎలాంటి రంగులు వాడుతున్నారు? ప్లాస్టిక్‌, థర్మాకోల్‌ వినియోగం ఎలా ఉంది? వ్యర్థాలను ఎలా నిర్వహిస్తున్నారు? వంటి అంశాలను పరిశీలించాలని విజ్ఞప్తి చేస్తున్నారు. అదేవిధంగా పరిసర గ్రామ పంచాయతీల పరిధిలోని తయారీ కేంద్రాలపైనా నిఘా పెట్టాలని కోరుతున్నారు. పంచాయతీ అధికారులు అవసరమైన చోట మండల స్థాయి అధికారులు, కాలుష్య నియంత్రణ శాఖతో సమన్వయం చేసుకుని తనిఖీలు నిర్వహించాలని విజ్ఞప్తి చేస్తున్నారు. : నిబంధనలు పాటించని వారిపై చర్యలు ఏవి? పిఓపి విగ్రహాల తయారీలో నిబంధనలు పాటించడం లేదని స్థానికుల నుంచి ఆరోపణలు వస్తున్నాయి. పర్యావరణానికి హాని కలిగించేలా రసాయనాలు వాడుతున్నట్లు తెలుస్తోంది. అయినా అధికారులు తనిఖీలు చేసి

చర్యలు తీసుకున్న జాడ కనిపించడం లేదు. :-మట్టి విగ్రహాలకే ప్రాధాన్యం సహజ మట్టితో తయారు చేసిన వినాయక విగ్రహాలను వినియోగించడం పర్యావరణ పరిరక్షణకు మేలు చేయడంతో పాటు స్థానిక కుమ్మరి కళాకారులకు ఉపాధి కల్పిస్తుందని ప్రజలు పేర్కొంటున్నారు. పర్యావరణహిత మట్టి విగ్రహాల తయారీదారులకు అధికారులు ప్రోత్సాహం, అవగాహన, మార్కెట్‌ అవకాశాలు కల్పించాలని కోరుతున్నారు. :-నిమజ్జనానికి ముందే చర్యలు విగ్రహాల తయారీ పూర్తయిన తర్వాత నిమజ్జన సమయంలో సమస్యలను ఎదుర్కొనే కంటే, తయారీ దశలోనే పర్యవేక్షణ చేపట్టడం సమర్థవంతంగా ఉంటుంది. తయారీ కేంద్రాల వివరాలను ముందుగానే సేకరించి తనిఖీలు నిర్వహించాలని కోరుతున్నారు. పండుగ పేరుతో చెరువులు, కుంటలు, ఇతర నీటి వనరులు కలుషితం కాకుండా చూడటం అందరి బాధ్యతని, భక్తితో పూజించే నీటి వనరులను పరిరక్షించుకోవాల్సిన అవసరం ఉంది. :- పర్యావరణహితం మట్టి విగ్రహం “వినాయక చవితి భక్తి, సంప్రదాయాలకు ప్రతీక. పీఓపీ విగ్రహాల వల్ల నీటి వనరులపై పర్యావరణ ప్రభావం పెరిగే అవకాశం ఉన్నందున సహజ మట్టి విగ్రహాలను ప్రోత్సహించడం మంచిది. పండుగతో పాటు ప్రకృతిని కాపాడుకోవాలి.” అబూబకర్ సిద్దిక్ :- మట్టి విగ్రహాలు ఉపయోగిస్తే ఉపాధి లభిస్తుంది “మట్టి వినాయక విగ్రహాలకు ప్రజలు ప్రాధాన్యం ఇస్తే పర్యావరణానికి మేలు చేయడంతో పాటు, సంప్రదాయ కళాకారులకు ఉపాధి లభిస్తుంది. అధికారులు మట్టి విగ్రహాల తయారీని ప్రోత్సహించాలి.” - వెంకట బాలసుబ్రమణ్యం శర్మ.