బద్వేలు మున్సిపల్ కమిషనర్ కృష్ణ మాట్లాడుతూ, ఒక్క ప్లాస్టిక్ అనేక జీవరాశులకు తీవ్ర ముప్పుగా మారుతోందని అన్నారు. నిర్లక్ష్యంగా పారవేసే ప్లాస్టిక్ వ్యర్థాలు జంతువుల ప్రాణాలకు ప్రమాదకరంగా పరిణమిస్తున్నాయని ఆయన స్పష్టం చేశారు. ప్లాస్టిక్ వినియోగాన్ని తగ్గించి, వ్యర్థాలను బాధ్యతగా నిర్వహించడం ద్వారా జీవరాశులను, పర్యావరణాన్ని కాపాడవచ్చని కమిషనర్ నొక్కి చెప్పారు. ప్లాస్టిక్ వాడకాన్ని తగ్గించడం, ప్రకృతిని రక్షించుకోవడం ఎంతో ముఖ్యమని పేర్కొంటూ, 'ప్లాస్టిక్ వాడకం తగ్గిద్దాం... ప్రకృతిని కాపాడుకుందాం' అని ప్రజలకు పిలుపునిచ్చారు.

వైయస్ఆర్ సీపీ రాష్ట్ర అధికార ప్రతినిధి వంగవీటి నరేంద్ర మాట్లాడుతూ, రాష్ట్రంలో శాంతి భద్రతల పరిస్థితి రోజురోజుకూ దిగజారుతోందని ఆందోళన వ్యక్తం చేశారు. గత నెల రోజుల క్రితం పోలీసులు అరెస్టు చేసిన సాయికృష్ణ అనే యువకుడి ఆచూకీ ఇప్పటికీ లేదని, అతని తల్లి విజయవాడ కృష్ణలంక పోలీసు స్టేషన్‌లో ఫిర్యాదు చేసిందని ఆయన తెలిపారు. ఈ విషయం ఆమె హెబియస్ కార్పస్ పిటిషన్ దాఖలు చేసిన తర్వాత, హైకోర్టు స్పందించిన తర్వాత, సామాజిక మాధ్యమాల ద్వారా బయటపడిన తర్వాతే ప్రజలకు తెలిసిందని పేర్కొన్నారు. ఈ వ్యవహారంలో వెలుగుచూస్తున్న విషయాలు విభ్రాంతికరంగా ఉన్నాయని వంగవీటి నరేంద్ర అన్నారు. సాయికృష్ణ కుటుంబం జనసేన పార్టీకి చురుకుగా పనిచేసిందని, రాధా-రంగా మిత్రమండలిలో సభ్యులు కూడా అని ఆయన వివరించారు. ఈ కేసులో రోజురోజుకూ 'రేటు' కూడా పెంచుకుంటూ వెళ్తున్నారని తనకు తెలిసిందని ఆయన వ్యాఖ్యానించారు. ఇంత జరుగుతుంటే హోంమంత్రి ఏం చేస్తున్నారో అర్థం కావట్లేదని నరేంద్ర గారు ప్రశ్నించారు. ప్రజల రక్షణకు కూటమి పార్టీలు ఇచ్చిన వాగ్దానాలన్నీ ఏమయ్యాయని ఆయన నిలదీశారు. నాలుగు నెలల క్రితం నూజివీడు నియోజకవర్గం, చాట్రాయి మండలంలో అంబటి ఫణిబాబు అనే వ్యక్తిని కూడా ఇదే విధంగా చంపేశారని ఆయన గుర్తుచేశారు.

అనంతపురం జిల్లా, బుక్కరాయసముద్రం మండలం సంజీవపురం గ్రామంలో గొర్రెలు తమ వాహనాలకు అడ్డు వచ్చాయనే కారణంతో కొందరు పోరంబోకులు తండ్రి కొడుకులైన కాపరులను తీవ్రంగా చితకబాదారు. ఈ దాడిలో తీవ్ర గాయాలపాలైన ఆ కాపరులను కొందరు స్థానికులు 108 అంబులెన్స్ సహాయంతో అనంతపురం ప్రభుత్వ ఆసుపత్రికి తరలించారు.

కేంద్రమంత్రి కిషన్ రెడ్డి హైదరాబాద్ మెట్రో ఫేజ్-1 విలీనంపై స్పందించారు. ఈ సందర్భంగా ఆయన మాట్లాడుతూ, రాష్ట్ర ప్రభుత్వం IRFC నుంచి రూ.13 వేల కోట్ల రుణానికి ఒప్పందం కుదుర్చుకుందని తెలిపారు. మెట్రో నష్టాల్లో కూరుకుపోకుండా ఉండటానికి రుణ చెల్లింపులపై కేంద్రం కొన్ని కీలక సూచనలు చేసిందని కిషన్ రెడ్డి పేర్కొన్నారు. అయితే, రాష్ట్ర ప్రభుత్వం ఆ సూచనలను తిరస్కరించడంతోనే సమస్యలు తలెత్తాయని ఆయన స్పష్టం చేశారు.

ప్రజలకు మెరుగైన తాగునీటి సేవలను అందించడమే ప్రధాన లక్ష్యంగా కమిషనర్ ఎన్. గంగిరెడ్డి గాంధీనగర్‌లో నీటి సరఫరా వ్యవస్థను క్షుణ్ణంగా పరిశీలించారు.

భారతదేశ చరిత్రలో ముస్లిమేతరులపై విధించిన జిజియా పన్ను నుండి నేటితో హిందువులకు విముక్తి లభించిందని రజకులు (చాకలి) సంఘం జములమ్మ ఆలయం వద్ద జయజయ నినాదాలు చేసింది. క్రీ.శ. 712లో సింధు ప్రాంతాన్ని జయించిన మహ్మద్-బిన్-కాసిమ్ ఈ పన్నును మొదటిసారిగా ప్రవేశపెట్టగా, ఢిల్లీ సుల్తానేట్ కాలంలో కుతుబుద్దీన్ ఐబక్ దీనిని అధికారిక పన్నుగా విధించాడు. కాలక్రమేణా మార్పులు చేసి ఫిరోజ్ షా తుగ్లక్ బ్రాహ్మణులపై కూడా ఈ పన్నును విధించినట్లు పేర్కొన్నారు. 16వ శతాబ్దంలో అక్బర్ ఈ పన్నును రద్దు చేయగా, 1679లో ఔరంగజేబు జిజియా పన్నును తిరిగి ప్రవేశపెట్టాడు. సుమారు 900 సంవత్సరాల క్రితం ముస్లిం రాజులు హిందువులపై విధించిన ముస్లింల హలాల్ పద్ధతి, హిందు దేవాలయాల దగ్గర బలవంతంగా విధించిన బానిసత్వ జిజియా పన్ను నుండి నేడు విముక్తి లభించిందని ఈ సందర్భంగా గుర్తుచేసుకున్నారు. జోగులాంబ గద్వాల జిల్లాలోని జములమ్మ దేవాలయం దగ్గర జరిగిన ఈ కార్యక్రమంలో, హిందువులలో ఇంటి ఆడబిడ్డలుగా పిలవబడే రజకులు (చాకలి) వృత్తిని చేసే కులస్థులు జిజియా పన్ను బానిసత్వం నుండి, తరతరాల బానిసత్వ పన్ను నుండి విముక్తి పొందినట్లు జయజయ నినాదాలు చేశారు. ఈ కార్యక్రమంలో రజకులు ఐలమ్మ కులస్థులు, హిందూ బంధువులు కూడా పెద్ద సంఖ్యలో పాల్గొన్నారు. భారతదేశంలోని ముస్లిమేతరులపై విధించిన జిజియా పన్ను నుండి నేటితో హిందువులకు సంపూర్ణ విముక్తి లభించినట్లు ప్రకటించారు.

గుంటూరులో మంగళవారం మాజీమంత్రి గుడివాడ అమర్నాథ్ చిత్రపటంపై కోడిగుడ్లు విసిరిన టీడీపీ మహిళలు తీవ్ర నిరసన వ్యక్తం చేశారు. రాష్ట్ర హోంమంత్రి వంగలపూడి అనితపై గుడివాడ అమర్నాథ్ చేసిన వ్యాఖ్యలను వారు తీవ్రంగా ఖండించారు. ఈ సందర్భంగా 'అమర్నాథ్ సంస్కారం లేకుండా మాట్లాడారు' అని ఆగ్రహం వ్యక్తం చేశారు. గుడివాడ అమర్నాథ్ తక్షణమే హోంమంత్రికి క్షమాపణ చెప్పాలని మాజీ డిప్యూటీ మేయర్ సజీల ఈ సందర్భంగా డిమాండ్ చేశారు.

ఒక రాష్ట్ర మాజీ ముఖ్యమంత్రి ఇచ్చిన హెచ్చరిక ప్రభావం దేశవ్యాప్తంగా స్పష్టంగా కనిపించింది. ఈ తీవ్రమైన వార్నింగ్ కారణంగా, దేశంలో ఉన్న ఏ ఒక్క కాంట్రాక్టర్ కూడా టెండర్లు వేయడానికి ముందుకు రాలేదు, ఇది ఒక అసాధారణ పరిణామంగా నిలిచింది.

దిల్‌సుఖ్‌నగర్‌లో నిరుద్యోగులు మరోసారి రోడ్లపైకి వచ్చి పోలీస్ ఉద్యోగాల భర్తీ విషయంలో ప్రభుత్వానికి వ్యతిరేకంగా తీవ్ర నిరసన తెలిపారు. కేవలం 5 వేల పోస్టులు కాకుండా, 20 వేల కానిస్టేబుల్ ఉద్యోగాలను భర్తీ చేయాలని వారు డిమాండ్ చేశారు. డప్పు చప్పుళ్లతో ఆందోళన చేపట్టిన నిరుద్యోగులకు, పోలీసులకు మధ్య ఉద్రిక్త వాతావరణం ఏర్పడింది. తమ డిమాండ్లు నెరవేర్చకపోతే రాష్ట్రవ్యాప్తంగా ఆందోళనలు చేపడతామని నిరుద్యోగులు ప్రభుత్వాన్ని హెచ్చరించారు.