ରାଜ୍ୟରେ ବିଜେଡି ସରକାର ସମୟରେ ଆରମ୍ଭ ହୋଇଥିବା LAccMI ବସ୍ ସେବା ଏବଂ ଆମ ବସଷ୍ଟାଣ୍ଡ ଯୋଜନାରେ ହୋଇଥିବା ଅନିୟମିତତାର ଖୋଳତାଡ଼ କରିବାକୁ ସରକାର ନିଷ୍ପତ୍ତି ନେଇଛନ୍ତି। ଉଭୟ ଯୋଜନାରେ ଟଙ୍କା ଖର୍ଚ୍ଚ, ୟୁସି ଦାଖଲ ଏବଂ ପରାମର୍ଶଦାତା ନିଯୁକ୍ତିକୁ ନେଇ AG ବିଭିନ୍ନ ବିଭାଗକୁ ଚିଠି ଲେଖିବା ପରେ ରାଜ୍ୟ ବାଣିଜ୍ୟ ଓ ପରିବହନ ବିଭାଗ ଏଥିପ୍ରତି ତତ୍ପରତା ପ୍ରକାଶ କରିଛି। AGଙ୍କ ଏହି ଚିଠି ପରେ ରାଜନୀତି ଜୋର୍ ଧରିଛି। AG ଉଭୟ ଯୋଜନାରେ ପ୍ରଦତ୍ତ ପାଣ୍ଠି, ୟୁଟିଲାଇଜେସନ୍ ସାର୍ଟିଫିକେଟ୍, ଅବ୍ୟବହୃତ ଟଙ୍କା, ପରାମର୍ଶଦାତା ନିଯୁକ୍ତି ଏବଂ ମାଗଣା ବସ୍ ଯାତ୍ରା ପରି ବିଷୟରେ ବିଭାଗଠାରୁ ସ୍ପଷ୍ଟୀକରଣ ମାଗିଛନ୍ତି। ୨୦୨୩-୨୪ରୁ ୨୦୨୫-୨୬ ମଧ୍ୟରେ LAccMI ବସ୍ ତଥା ବର୍ତ୍ତମାନର ମୁଖ୍ୟମନ୍ତ୍ରୀ ବସ୍ ସେବା ଯୋଜନା ପାଇଁ ମୋଟ୍ ୨ ହଜାର ୮୦୬ କୋଟି ଟଙ୍କାର ଅନୁଦାନ ରାଶିର ଏକ ବଡ଼ ଅଂଶ ବର୍ଷ ଶେଷ ସୁଦ୍ଧା ଖର୍ଚ୍ଚ ହୋଇନଥିଲେ ମଧ୍ୟ ପୁଣିଥରେ ଅର୍ଥ ଅନୁଦାନ ଦିଆଯିବା ଉପରେ ଅଡିଟ୍ ପ୍ରଶ୍ନ ଉଠାଇଛି। ୨୦୨୩-୨୪ରେ ୧୫୩ କୋଟି ୫୬ ଲକ୍ଷ, ୨୦୨୪-୨୫ରେ ୩୬୯ କୋଟି ୧୮ ଲକ୍ଷ ଏବଂ ୨୦୨୫-୨୬ରେ ୪୭୮ କୋଟି ୩୬ ଲକ୍ଷ ଟଙ୍କା ଖର୍ଚ୍ଚ ହୋଇପାରିନଥିଲା। ଏତେ ଟଙ୍କା କାହିଁକି ଖର୍ଚ୍ଚ ହୋଇପାରିଲା ନାହିଁ ଏବଂ ତାହା ସତ୍ତ୍ୱେ ପୁଣି କିପରି ବିଭାଗ ପକ୍ଷରୁ ଅଧିକ ଅର୍ଥ ଦିଆଯାଇଥିଲା ସେ ନେଇ ସ୍ପଷ୍ଟୀକରଣ ମଗାଯାଇଛି। ଏହା ସହିତ OSRTC ଦ୍ୱାରା ଏକ୍ସପେଣ୍ଡିଚର୍ ଷ୍ଟେଟମେଣ୍ଟ ଓ ୟୁସି ଦାଖଲ କରାନଯିବା, ବିଶେଷକରି ୨୦୨୪-୨୫ ତୃତୀୟ କ୍ୱାର୍ଟର ପରଠାରୁ ଏକ୍ସପେଣ୍ଡିଚର୍ ଷ୍ଟେଟମେଣ୍ଟ ପ୍ରଦାନ କରାନଯିବା ନେଇ ଅଡିଟ୍ ଆପତ୍ତି ଜଣାଇଛନ୍ତି। ସେହିଭଳି LAccMI ଯୋଜନା ପାଇଁ ଦିଲ୍ଲୀ ଇଣ୍ଟିଗ୍ରେଟେଡ୍ ମଲ୍ଟିମୋଡାଲ୍ ଟ୍ରାନ୍ଜିଟ୍ ସିଷ୍ଟମ୍ (DIMTS)କୁ ପରାମର୍ଶଦାତା ଭାବେ ନିଯୁକ୍ତି ଦେବା ପ୍ରକ୍ରିୟା ଉପରେ ମଧ୍ୟ ପ୍ରଶ୍ନ ଉଠାଯାଇଛି। ୨୦୨୩ ଅକ୍ଟୋବରରେ ୬ ମାସ ପାଇଁ ପ୍ରତିମାସ ୨ କୋଟି ୧୪ ଲକ୍ଷ ଟଙ୍କା ଫି'ରେ DIMTSକୁ ନିଯୁକ୍ତ କରାଯାଇଥିଲା, ଯାହା ପରେ ଆଉ ୬ ମାସ ପାଇଁ ବଢ଼ାଯାଇଥିଲା। ଅନ୍ୟପକ୍ଷରେ, ରାଜ୍ୟ ବାଣିଜ୍ୟ ଓ ପରିବହନ ମନ୍ତ୍ରୀ କହିଛନ୍ତି ଯେ ସରକାର ଅର୍ଥକୁ ସଠିକ୍ ଢଙ୍ଗରେ ବ୍ୟବହାର କରିଛନ୍ତି ଏବଂ AGଙ୍କ ରିପୋର୍ଟକୁ ତର୍ଜମା କରି ଖୁବଶୀଘ୍ର ପଦକ୍ଷେପ ନିଆଯିବ।

Santosh Nayak PRESS

Local News Reporter ବଲାଙ୍ଗୀର, ବଲାଙ୍ଗୀର, ଓଡ଼ିଶା•

3 hrs ago

ରାଜ୍ୟରେ ବିଜେଡି ସରକାର ସମୟରେ ଆରମ୍ଭ ହୋଇଥିବା LAccMI ବସ୍ ସେବା ଏବଂ ଆମ ବସଷ୍ଟାଣ୍ଡ ଯୋଜନାରେ ହୋଇଥିବା ଅନିୟମିତତାର ଖୋଳତାଡ଼ କରିବାକୁ ସରକାର ନିଷ୍ପତ୍ତି ନେଇଛନ୍ତି। ଉଭୟ ଯୋଜନାରେ ଟଙ୍କା ଖର୍ଚ୍ଚ, ୟୁସି ଦାଖଲ ଏବଂ ପରାମର୍ଶଦାତା ନିଯୁକ୍ତିକୁ ନେଇ AG ବିଭିନ୍ନ ବିଭାଗକୁ ଚିଠି ଲେଖିବା ପରେ ରାଜ୍ୟ ବାଣିଜ୍ୟ ଓ ପରିବହନ ବିଭାଗ ଏଥିପ୍ରତି ତତ୍ପରତା ପ୍ରକାଶ କରିଛି। AGଙ୍କ ଏହି ଚିଠି ପରେ ରାଜନୀତି ଜୋର୍ ଧରିଛି। AG ଉଭୟ ଯୋଜନାରେ ପ୍ରଦତ୍ତ ପାଣ୍ଠି, ୟୁଟିଲାଇଜେସନ୍ ସାର୍ଟିଫିକେଟ୍, ଅବ୍ୟବହୃତ ଟଙ୍କା, ପରାମର୍ଶଦାତା ନିଯୁକ୍ତି ଏବଂ ମାଗଣା ବସ୍ ଯାତ୍ରା ପରି ବିଷୟରେ ବିଭାଗଠାରୁ ସ୍ପଷ୍ଟୀକରଣ ମାଗିଛନ୍ତି। ୨୦୨୩-୨୪ରୁ ୨୦୨୫-୨୬ ମଧ୍ୟରେ LAccMI ବସ୍ ତଥା ବର୍ତ୍ତମାନର ମୁଖ୍ୟମନ୍ତ୍ରୀ ବସ୍ ସେବା ଯୋଜନା ପାଇଁ ମୋଟ୍ ୨ ହଜାର ୮୦୬ କୋଟି ଟଙ୍କାର ଅନୁଦାନ ରାଶିର ଏକ ବଡ଼ ଅଂଶ ବର୍ଷ ଶେଷ ସୁଦ୍ଧା ଖର୍ଚ୍ଚ ହୋଇନଥିଲେ ମଧ୍ୟ ପୁଣିଥରେ ଅର୍ଥ ଅନୁଦାନ ଦିଆଯିବା ଉପରେ ଅଡିଟ୍ ପ୍ରଶ୍ନ ଉଠାଇଛି। ୨୦୨୩-୨୪ରେ ୧୫୩ କୋଟି ୫୬ ଲକ୍ଷ, ୨୦୨୪-୨୫ରେ ୩୬୯ କୋଟି ୧୮ ଲକ୍ଷ ଏବଂ ୨୦୨୫-୨୬ରେ ୪୭୮ କୋଟି ୩୬ ଲକ୍ଷ ଟଙ୍କା ଖର୍ଚ୍ଚ ହୋଇପାରିନଥିଲା। ଏତେ ଟଙ୍କା କାହିଁକି ଖର୍ଚ୍ଚ ହୋଇପାରିଲା ନାହିଁ ଏବଂ ତାହା ସତ୍ତ୍ୱେ ପୁଣି କିପରି ବିଭାଗ ପକ୍ଷରୁ ଅଧିକ ଅର୍ଥ ଦିଆଯାଇଥିଲା ସେ ନେଇ ସ୍ପଷ୍ଟୀକରଣ ମଗାଯାଇଛି। ଏହା ସହିତ OSRTC ଦ୍ୱାରା ଏକ୍ସପେଣ୍ଡିଚର୍ ଷ୍ଟେଟମେଣ୍ଟ ଓ ୟୁସି ଦାଖଲ କରାନଯିବା, ବିଶେଷକରି ୨୦୨୪-୨୫ ତୃତୀୟ କ୍ୱାର୍ଟର ପରଠାରୁ ଏକ୍ସପେଣ୍ଡିଚର୍ ଷ୍ଟେଟମେଣ୍ଟ ପ୍ରଦାନ କରାନଯିବା ନେଇ ଅଡିଟ୍ ଆପତ୍ତି ଜଣାଇଛନ୍ତି। ସେହିଭଳି LAccMI ଯୋଜନା ପାଇଁ ଦିଲ୍ଲୀ ଇଣ୍ଟିଗ୍ରେଟେଡ୍ ମଲ୍ଟିମୋଡାଲ୍ ଟ୍ରାନ୍ଜିଟ୍ ସିଷ୍ଟମ୍ (DIMTS)କୁ ପରାମର୍ଶଦାତା ଭାବେ ନିଯୁକ୍ତି ଦେବା ପ୍ରକ୍ରିୟା ଉପରେ ମଧ୍ୟ ପ୍ରଶ୍ନ ଉଠାଯାଇଛି। ୨୦୨୩ ଅକ୍ଟୋବରରେ ୬ ମାସ ପାଇଁ ପ୍ରତିମାସ ୨ କୋଟି ୧୪ ଲକ୍ଷ ଟଙ୍କା ଫି'ରେ DIMTSକୁ ନିଯୁକ୍ତ କରାଯାଇଥିଲା, ଯାହା ପରେ ଆଉ ୬ ମାସ ପାଇଁ ବଢ଼ାଯାଇଥିଲା। ଅନ୍ୟପକ୍ଷରେ, ରାଜ୍ୟ ବାଣିଜ୍ୟ ଓ ପରିବହନ ମନ୍ତ୍ରୀ କହିଛନ୍ତି ଯେ ସରକାର ଅର୍ଥକୁ ସଠିକ୍ ଢଙ୍ଗରେ ବ୍ୟବହାର କରିଛନ୍ତି ଏବଂ AGଙ୍କ ରିପୋର୍ଟକୁ ତର୍ଜମା କରି ଖୁବଶୀଘ୍ର ପଦକ୍ଷେପ ନିଆଯିବ।