पिंपरी-चिंचवड शहरातील वाहन स्पेअर पार्ट्सच्या बाजारात मोठ्या प्रमाणावर बनावटी मालाचा सुळसुळाट झाल्याचे धक्कादायक वास्तव समोर आले आहे. पिंपरी, भोसरी, चिंचवड, दापोडी आणि काळेवाडी परिसरातील बाजारपेठांमध्ये हे बनावटी स्पेअर पार्ट्स खुलेआम विकले जात आहेत. विशेष म्हणजे, काही भागांमध्ये या स्पेअर पार्ट्सचे असेंबलिंग करून नामांकित कंपन्यांच्या नावाने त्यांची पॅकेजिंग केली जात असल्याची माहिती उघड झाली आहे. बाजारात इंजिन ऑइल फिल्टर, ब्रेक पॅड, क्लच प्लेट, शॉक अॅब्जॉर्बर, स्पार्क प्लग, बॉल बेअरिंग आणि हेडलाइट यांसारख्या अनेक महत्त्वाच्या पार्ट्सची बनावट उत्पादने उपलब्ध आहेत. मूळ कंपनीच्या उत्पादनांसारखेच पॅकेजिंग आणि लोगो वापरले जात असल्याने ग्राहकांची सहज फसवणूक होत आहे. या बनावटी पार्ट्समध्ये आवश्यक दर्जा आणि मजबुती नसल्यामुळे वाहन चालवताना गंभीर अपघात होण्याचा धोका वाढतो, असे तज्ज्ञांचे म्हणणे आहे. यामुळे ब्रेक निकामी होणे, सस्पेन्शन तुटणे किंवा इंजिनचे नुकसान होणे यांसारख्या घटना घडू शकतात. स्वस्त दरांच्या मोहात ग्राहक नकळत हे बनावटी पार्ट्स खरेदी करत असले तरी, हा प्रकार केवळ आर्थिक फसवणूक नसून वाहनचालकांच्या जीवाशी खेळ असल्याचे सांगत चिंता व्यक्त केली जात आहे. संबंधित यंत्रणांनी या काळ्या बाजारावर तातडीने कारवाई करावी अशी मागणी वाहनधारकांकडून केली जात आहे.

न्यूज पीसीएमसी

पिंपरी चिंचवड, पुणे, महाराष्ट्र•

3 hrs ago

पिंपरी-चिंचवड शहरातील वाहन स्पेअर पार्ट्सच्या बाजारात मोठ्या प्रमाणावर बनावटी मालाचा सुळसुळाट झाल्याचे धक्कादायक वास्तव समोर आले आहे. पिंपरी, भोसरी, चिंचवड, दापोडी आणि काळेवाडी परिसरातील बाजारपेठांमध्ये हे बनावटी स्पेअर पार्ट्स खुलेआम विकले जात आहेत. विशेष म्हणजे, काही भागांमध्ये या स्पेअर पार्ट्सचे असेंबलिंग करून नामांकित कंपन्यांच्या नावाने त्यांची पॅकेजिंग केली जात असल्याची माहिती उघड झाली आहे. बाजारात इंजिन ऑइल फिल्टर, ब्रेक पॅड, क्लच प्लेट, शॉक अॅब्जॉर्बर, स्पार्क प्लग, बॉल बेअरिंग आणि हेडलाइट यांसारख्या अनेक महत्त्वाच्या पार्ट्सची बनावट उत्पादने उपलब्ध आहेत. मूळ कंपनीच्या उत्पादनांसारखेच पॅकेजिंग आणि लोगो वापरले जात असल्याने ग्राहकांची सहज फसवणूक होत आहे. या बनावटी पार्ट्समध्ये आवश्यक दर्जा आणि मजबुती नसल्यामुळे वाहन चालवताना गंभीर अपघात होण्याचा धोका वाढतो, असे तज्ज्ञांचे म्हणणे आहे. यामुळे ब्रेक निकामी होणे, सस्पेन्शन तुटणे किंवा इंजिनचे नुकसान होणे यांसारख्या घटना घडू शकतात. स्वस्त दरांच्या मोहात ग्राहक नकळत हे बनावटी पार्ट्स खरेदी करत असले तरी, हा प्रकार केवळ आर्थिक फसवणूक नसून वाहनचालकांच्या जीवाशी खेळ असल्याचे सांगत चिंता व्यक्त केली जात आहे. संबंधित यंत्रणांनी या काळ्या बाजारावर तातडीने कारवाई करावी अशी मागणी वाहनधारकांकडून केली जात आहे.