एका रात्रीत 08 दुकाने फोडणारी चोरीची टोळी मिरजगाव पोलिसांकडून 12 तासांत जेरबंद; 1,15,000 रुपयांचा मुद्देमाल जप्त मिरजगाव अहिल्या नगर (प्रतिनिधी) : मिरजगाव पोलीस स्टेशन हद्दीत एका रात्रीत सलग 08 दुकाने फोडून चोरी करणाऱ्या टोळीचा मिरजगाव पोलिसांनी अवघ्या 12 तासांत पर्दाफाश करत सर्व आरोपींना अटक केली असून त्यांच्याकडून एकूण 1,15,000 रुपये किंमतीचा मुद्देमाल जप्त करण्यात आला आहे. दिनांक 04 मार्च 2026 रोजी सायंकाळी 08.00 वाजेपासून ते 05 मार्च 2026 रोजी सकाळी 09.00 वाजेच्या दरम्यान मिरजगाव ते कडा रोडवरील वीर पाटील कॉम्प्लेक्स येथील 8 दुकानांच्या पाठीमागील पत्रे उचकावून अज्ञात आरोपींनी दुकानात प्रवेश केला. आरोपींनी सोलर किटचे 13 कंट्रोलर, सीसीटीव्ही कॅमेराचा डीव्हीआर, ड्रिल मशीन, स्पॅनर सेट, ट्रॅक्टर टेप, स्पीकर वायर, कटर तसेच रोख रक्कम असा मुद्देमाल चोरी करून नेला होता. याप्रकरणी फिर्यादी अभय बाळासाहेब दळवी (रा. तिखी, ता. कर्जत, जि. अहिल्यानगर) यांनी दिलेल्या तक्रारीवरून मिरजगाव पोलीस स्टेशन येथे गुन्हा रजिस्टर नं. 74/2026 दाखल करण्यात आला असून भारतीय न्याय संहिता (BNS) कलम 331(4), 334(1), 305, 324(4), 3(5) अन्वये गुन्हा नोंद करण्यात आला आहे. एका रात्रीत झालेल्या सलग चोरीच्या घटनांमुळे व्यापाऱ्यांमध्ये भीतीचे वातावरण निर्माण झाले होते. घटनेचे गांभीर्य लक्षात घेऊन जिल्हा पोलीस अधीक्षक मा. श्री. सोमनाथ घार्गे यांनी तात्काळ गुन्हा उघडकीस आणण्याच्या सूचना दिल्या. अपर पोलीस अधीक्षक मा. श्री. वैभव कलबुर्गे व उपविभागीय पोलीस अधिकारी कर्जत मा. श्री. प्रविणचंद्र लोखंडे यांच्या मार्गदर्शनाखाली मिरजगाव पोलीस स्टेशनचे प्रभारी सहायक पोलीस निरीक्षक विजय झंजाड व तपास पथकाने गुप्त माहितीच्या आधारे आरोपीचा शोध घेत मनोहर भीमराव पवार (रा. बीडसांगवी, ता. आष्टी, जि. बीड) यास ताब्यात घेतले. सखोल चौकशीत त्याने आपल्या साथीदारांसह गुन्हा केल्याची कबुली दिली. त्यानुसार खालील आरोपींना अटक करण्यात आली : मनोहर भीमराव पवार अरुण रघुनाथ बर्डे काळुराम चंदु माळी ज्ञानेश्वर गंगाराम साळुंखे सुरेश बाळु माळी भास्कर बबन गांगर्डे (सर्व रा. देवीनिमगाव, ता. आष्टी, जि. बीड) अटक आरोपींकडून चोरीतील 1,15,000 रुपये किंमतीचा मुद्देमाल जप्त करण्यात आला आहे. आरोपी मनोहर पवार याच्याविरुद्ध यापूर्वी आष्टी पोलीस स्टेशन येथे चोरीचा गुन्हा दाखल असल्याची माहिती समोर आली आहे. ही कारवाई पोलीस अधीक्षक अहिल्यानगर यांच्या मार्गदर्शनाखाली प्रभारी सहा. पोलीस निरीक्षक विजय झंजाड, सफौ शंकर रोकडे, पोहेकॉ गणेश ठोंबरे, पोकॉ सुनील खैरे, गोकुळ पळसे, राजेंद्र गाडे, अक्षय गार्डे, बळीराम काकडे तसेच होमगार्ड प्रशांत माने, अजय फुलमाळी, अक्षय पवार, दीपक काळे व बिभीषण रणदिवे यांच्या पथकाने केली. सदर गुन्ह्याचा पुढील तपास सफौ शंकर रोकडे हे वरिष्ठांच्या मार्गदर्शनाखाली करीत आहेत.

राविराज शिंदे

Farmer नगर, अहमदनगर, महाराष्ट्र•

8 hrs ago

एका रात्रीत 08 दुकाने फोडणारी चोरीची टोळी मिरजगाव पोलिसांकडून 12 तासांत जेरबंद; 1,15,000 रुपयांचा मुद्देमाल जप्त मिरजगाव अहिल्या नगर (प्रतिनिधी) : मिरजगाव पोलीस स्टेशन हद्दीत एका रात्रीत सलग 08 दुकाने फोडून चोरी करणाऱ्या टोळीचा मिरजगाव पोलिसांनी अवघ्या 12 तासांत पर्दाफाश करत सर्व आरोपींना अटक केली असून त्यांच्याकडून एकूण 1,15,000 रुपये किंमतीचा मुद्देमाल जप्त करण्यात आला आहे. दिनांक 04 मार्च 2026 रोजी सायंकाळी 08.00 वाजेपासून ते 05 मार्च 2026 रोजी सकाळी 09.00 वाजेच्या दरम्यान मिरजगाव ते कडा रोडवरील वीर पाटील कॉम्प्लेक्स येथील 8 दुकानांच्या पाठीमागील पत्रे उचकावून अज्ञात आरोपींनी दुकानात प्रवेश केला. आरोपींनी सोलर किटचे 13 कंट्रोलर, सीसीटीव्ही कॅमेराचा डीव्हीआर, ड्रिल मशीन, स्पॅनर सेट, ट्रॅक्टर टेप, स्पीकर वायर, कटर तसेच रोख रक्कम असा मुद्देमाल चोरी करून नेला होता. याप्रकरणी फिर्यादी अभय बाळासाहेब दळवी (रा. तिखी, ता. कर्जत, जि. अहिल्यानगर) यांनी दिलेल्या तक्रारीवरून मिरजगाव पोलीस स्टेशन येथे गुन्हा रजिस्टर नं. 74/2026 दाखल करण्यात आला असून भारतीय न्याय संहिता (BNS) कलम 331(4), 334(1), 305, 324(4), 3(5) अन्वये गुन्हा नोंद करण्यात आला आहे. एका रात्रीत झालेल्या सलग चोरीच्या घटनांमुळे व्यापाऱ्यांमध्ये भीतीचे वातावरण निर्माण झाले होते. घटनेचे गांभीर्य लक्षात घेऊन जिल्हा पोलीस अधीक्षक मा. श्री. सोमनाथ घार्गे यांनी तात्काळ गुन्हा उघडकीस आणण्याच्या सूचना दिल्या. अपर पोलीस अधीक्षक मा. श्री. वैभव कलबुर्गे व उपविभागीय पोलीस अधिकारी कर्जत मा. श्री. प्रविणचंद्र लोखंडे यांच्या मार्गदर्शनाखाली मिरजगाव पोलीस स्टेशनचे प्रभारी सहायक पोलीस निरीक्षक विजय झंजाड व तपास पथकाने गुप्त माहितीच्या आधारे आरोपीचा शोध घेत मनोहर भीमराव पवार (रा. बीडसांगवी, ता. आष्टी, जि. बीड) यास ताब्यात घेतले. सखोल चौकशीत त्याने आपल्या साथीदारांसह गुन्हा केल्याची कबुली दिली. त्यानुसार खालील आरोपींना अटक करण्यात आली : मनोहर भीमराव पवार अरुण रघुनाथ बर्डे काळुराम चंदु माळी ज्ञानेश्वर गंगाराम साळुंखे सुरेश बाळु माळी भास्कर बबन गांगर्डे (सर्व रा. देवीनिमगाव, ता. आष्टी, जि. बीड) अटक आरोपींकडून चोरीतील 1,15,000 रुपये किंमतीचा मुद्देमाल जप्त करण्यात आला आहे. आरोपी मनोहर पवार याच्याविरुद्ध यापूर्वी आष्टी पोलीस स्टेशन येथे चोरीचा गुन्हा दाखल असल्याची माहिती समोर आली आहे. ही कारवाई पोलीस अधीक्षक अहिल्यानगर यांच्या मार्गदर्शनाखाली प्रभारी सहा. पोलीस निरीक्षक विजय झंजाड, सफौ शंकर रोकडे, पोहेकॉ गणेश ठोंबरे, पोकॉ सुनील खैरे, गोकुळ पळसे, राजेंद्र गाडे, अक्षय गार्डे, बळीराम काकडे तसेच होमगार्ड प्रशांत माने, अजय फुलमाळी, अक्षय पवार, दीपक काळे व बिभीषण रणदिवे यांच्या पथकाने केली. सदर गुन्ह्याचा पुढील तपास सफौ शंकर रोकडे हे वरिष्ठांच्या मार्गदर्शनाखाली करीत आहेत.