अनवली येथे सर्व सोयी-सुविधांनी सज्ज शासकीय निवासी शाळा सुरू प्रत्येक वर्गात 40 विद्यार्थ्यांची क्षमता; मागासवर्गीय विद्यार्थ्यांनी संधीचा लाभ घ्यावा सहाय्यक आयुक्त समाज कल्याण सोलापूर यांचे आवाहन सोलापूर, दि. 26 : ग्रामीण भागातील सर्वसामान्य व वंचित घटकातील विद्यार्थ्यांना उच्च दर्जाचे दर्जेदार व मोफत शिक्षण मिळवून देऊन त्यांच्या उज्ज्वल भवितव्याची पायाभरणी करण्यासाठी महाराष्ट्र शासनाचा सामाजिक न्याय व विशेष सहाय्य विभाग सातत्याने कार्यरत आहे. या उद्देशाचा एक भाग म्हणून पंढरपूर तालुक्यातील अनवली येथे अनुसूचित जाती व नवबौद्ध मुलांची शासकीय निवासी शाळा शैक्षणिक वर्ष 2026-27 पासून इयत्ता 6 वी ते 8 वीच्या वर्गांसाठी प्रत्यक्ष सुरू करण्यात आली आहे. शासकीय निवासी शाळांमध्ये विद्यार्थ्यांना मोफत निवास, भोजन, गणवेश, पाठ्यपुस्तके, वह्या, स्टेशनरी तसेच दैनंदिन गरजेच्या वस्तू शासनामार्फत उपलब्ध करून दिल्या जातात. विद्यार्थ्यांच्या शारीरिक व मानसिक आरोग्याची काळजी घेत शाळेत दररोज ताजे, संतुलित व सकस भोजन, सकाळचा नाश्ता, दूध, अंडी, फळे व आठवड्यातून दोन वेळा मिष्टान्न भोजन देण्यात येते. विद्यार्थ्यांसाठी आर.ओ. (RO) प्रणालीद्वारे शुद्ध व स्वच्छ पिण्याच्या पाण्याची सुविधा उपलब्ध करून देण्यात आली आहे. खेळ व शारीरिक सुदृढतेला महत्त्व देत शाळेच्या क्रीडांगणावर विविध क्रीडा साहित्याची व्यवस्था करण्यात आली आहे. प्रत्येक वर्गासाठी 40 विद्यार्थ्यांची प्रवेश क्षमता निश्चित करण्यात आली आहे. शालेय अभ्यासक्रमापुरते मर्यादित न राहता विद्यार्थ्यांच्या सुप्त गुणांना वाव देण्यासाठी विशेष उपक्रम, स्पर्धा परीक्षा मार्गदर्शन तसेच व्यक्तिमत्त्व विकासावरही विशेष भर देण्यात येत आहे. अनवली येथील शासकीय निवासी शाळा ही ग्रामीण व वंचित घटकातील विद्यार्थ्यांच्या स्वप्नांना उंच भरारी देणारे एक सक्षम व्यासपीठ ठरेल, असा विश्वास व्यक्त करून पंढरपूर तालुक्यासह परिसरातील जास्तीत जास्त मागासवर्गीय विद्यार्थ्यांनी या शासकीय निवासी शाळेत प्रवेश घ्यावा, प्रवेशासाठी व अधिक माहितीसाठी संबंधित शाळेचे मुख्याध्यापक किंवा सहाय्यक आयुक्त, समाज कल्याण, सात रस्ता, सोलापूर कार्यालयाशी संपर्क साधावा, असे आवाहन सहाय्यक आयुक्त समाज कल्याण सोलापूर सुलोचना सोनवणे यांनी केले आहे. शाळेचा पत्ता : अनुसूचित जाती व नवबौद्ध मुलांची शासकीय निवासी शाळा, अनवली, ता. पंढरपूर, जि. सोलापूर.

Yasin Shikilkar

माळशिरस, सोलापूर, महाराष्ट्र•

3 hrs ago

अनवली येथे सर्व सोयी-सुविधांनी सज्ज शासकीय निवासी शाळा सुरू प्रत्येक वर्गात 40 विद्यार्थ्यांची क्षमता; मागासवर्गीय विद्यार्थ्यांनी संधीचा लाभ घ्यावा सहाय्यक आयुक्त समाज कल्याण सोलापूर यांचे आवाहन सोलापूर, दि. 26 : ग्रामीण भागातील सर्वसामान्य व वंचित घटकातील विद्यार्थ्यांना उच्च दर्जाचे दर्जेदार व मोफत शिक्षण मिळवून देऊन त्यांच्या उज्ज्वल भवितव्याची पायाभरणी करण्यासाठी महाराष्ट्र शासनाचा सामाजिक न्याय व विशेष सहाय्य विभाग सातत्याने कार्यरत आहे. या उद्देशाचा एक भाग म्हणून पंढरपूर तालुक्यातील अनवली येथे अनुसूचित जाती व नवबौद्ध मुलांची शासकीय निवासी शाळा शैक्षणिक वर्ष 2026-27 पासून इयत्ता 6 वी ते 8 वीच्या वर्गांसाठी प्रत्यक्ष सुरू करण्यात आली आहे. शासकीय निवासी शाळांमध्ये विद्यार्थ्यांना मोफत निवास, भोजन, गणवेश, पाठ्यपुस्तके, वह्या, स्टेशनरी तसेच दैनंदिन गरजेच्या वस्तू शासनामार्फत उपलब्ध करून दिल्या जातात. विद्यार्थ्यांच्या शारीरिक व मानसिक आरोग्याची काळजी घेत शाळेत दररोज ताजे, संतुलित व सकस भोजन, सकाळचा नाश्ता, दूध, अंडी, फळे व आठवड्यातून दोन वेळा मिष्टान्न भोजन देण्यात येते. विद्यार्थ्यांसाठी आर.ओ. (RO) प्रणालीद्वारे शुद्ध व स्वच्छ पिण्याच्या पाण्याची सुविधा उपलब्ध करून देण्यात आली आहे. खेळ व शारीरिक सुदृढतेला महत्त्व देत शाळेच्या क्रीडांगणावर विविध क्रीडा साहित्याची व्यवस्था करण्यात आली आहे. प्रत्येक वर्गासाठी 40 विद्यार्थ्यांची प्रवेश क्षमता निश्चित करण्यात आली आहे. शालेय अभ्यासक्रमापुरते मर्यादित न राहता विद्यार्थ्यांच्या सुप्त गुणांना वाव देण्यासाठी विशेष उपक्रम, स्पर्धा परीक्षा मार्गदर्शन तसेच व्यक्तिमत्त्व विकासावरही विशेष भर देण्यात येत आहे. अनवली येथील शासकीय निवासी शाळा ही ग्रामीण व वंचित घटकातील विद्यार्थ्यांच्या स्वप्नांना उंच भरारी देणारे एक सक्षम व्यासपीठ ठरेल, असा विश्वास व्यक्त करून पंढरपूर तालुक्यासह परिसरातील जास्तीत जास्त मागासवर्गीय विद्यार्थ्यांनी या शासकीय निवासी शाळेत प्रवेश घ्यावा, प्रवेशासाठी व अधिक माहितीसाठी संबंधित शाळेचे मुख्याध्यापक किंवा सहाय्यक आयुक्त, समाज कल्याण, सात रस्ता, सोलापूर कार्यालयाशी संपर्क साधावा, असे आवाहन सहाय्यक आयुक्त समाज कल्याण सोलापूर सुलोचना सोनवणे यांनी केले आहे. शाळेचा पत्ता : अनुसूचित जाती व नवबौद्ध मुलांची शासकीय निवासी शाळा, अनवली, ता. पंढरपूर, जि. सोलापूर.