రూ.5 కోట్ల భూమి పేరుతో.... రూ.14 లక్షల టోకరా! - నకిలీ పట్టాదారు పాస్‌పుస్తకాలతో మోసం - ఐదుగురు అరెస్ట్ – పరారీలో ఉన్న నిందితుల కోసం గాలింపు - భూముల కొనుగోలులో పూర్తి ధృవీకరణ తప్పనిసరి: జిల్లా ఎస్పీ ధీరజ్ కునుబిల్లి మదనపల్లె : తక్కువ ధరకే రూ.5 కోట్ల విలువైన భూమిని ఇప్పిస్తామని ఆశ చూపించి, నకిలీ పట్టాదారు పాస్‌పుస్తకాలు సృష్టించి రూ.14 లక్షలు కాజేసిన ముఠా లోని ఐదుగురు నిందితులను మదనపల్లె తాలూకా పోలీసులు అరెస్టు శనివారం అరెస్టు చేశారు. ఈ కేసుకు సంబంధించిన వివరాలను జిల్లా పోలీసు కార్యాలయంలో నిర్వహించిన విలేకరుల సమావేశంలో జిల్లా ఎస్పీ ధీరజ్ కునుబిల్లి వెల్లడించారు. ఎస్పీ తెలిపిన వివరాల ప్రకారం.. :- చౌక ధర 2.5 ఎకరాల భూమి మీదేనంటూ వల మదనపల్లె మండలంలోని అనంతపురం–కృష్ణగిరి జాతీయ రహదారి సమీపంలో, బసినికొండ పంచాయతీ పరిధిలో ఉన్న 2.52 ఎకరాల భూమి మార్కెట్ విలువ సుమారు రూ.5 కోట్లు ఉంటుంది. అయితే ఆ భూమిని కేవలం రూ.13 లక్షలకే ఇప్పిస్తామని ల్యాండ్ బ్రోకర్ ఉప్పుతోళ్ల శేఖర్‌బాబు (ఏ–1)తో పాటు మరో నలుగురు కలిసి మదనపల్లెకు చెందిన పొన్నంరెడ్డి శోభారాణి, ఆమె భర్త పుల్లారెడ్డిని నమ్మించారు. భూమిని చూపించి కొలతలు వేయించిన అనంతరం 2025 సెప్టెంబర్ 1న రూ.13 లక్షలు నగదుగా తీసుకుని అగ్రిమెంట్ రాసిచ్చారు. అనంతరం పట్టాదారు పాస్‌పుస్తకాలు ఇప్పిస్తామని మరో రూ.1 లక్ష వసూలు చేసి, తహసీల్దార్ సంతకాలు, అధికారిక ముద్రలతో నకిలీ పట్టాదారు పాస్‌పుస్తకాలను తయారు చేసి బాధితులకు అందజేశారు. :- నకిలీ పత్రాలు వెలుగులోకి... కొంతకాలం తర్వాత యజమానులు తమ భూమి స్వాధీనం చేసుకునేందుకు ప్రయత్నించగా, అప్పటికే ఆ భూమి ఇతరులకు సైతం విక్రయించడంతో శోభారాణి కుటుంబ సభ్యులు విఫలమయ్యారు. తమకు ఇచ్చిన పట్టాదారు పాస్‌పుస్తకాలు నకిలీవని, అదే భూమిని ఇప్పటికే ఇతరులకు విక్రయించినట్లు బాధితులు గుర్తించారు. డబ్బులు తిరిగి ఇవ్వాలని కోరగా నిందితులు బెదిరింపులకు పాల్పడినట్లు ఎస్పీ తెలిపారు. దీంతో బాధితురాలు జూలై 29న మదనపల్లె తాలూకా పోలీస్‌స్టేషన్‌లో ఫిర్యాదు చేయగా, క్రైం నంబర్ 220/2026గా క్రిమినల్ కాన్స్పిరసీ, ఫోర్జరీ, చీటింగ్ తదితర సెక్షన్ల కింద కేసు నమోదు చేసి దర్యాప్తు చేపట్టినట్లు వెల్లడించారు. :- ప్రత్యేక దర్యాప్తు బృందం వలలో ఐదుగురు జిల్లా ఎస్పీ ఆదేశాల మేరకు అదనపు ఎస్పీ ఎం. వెంకటాద్రి, మదనపల్లె డీఎస్పీ ఎం. బుచ్చిరాజు పర్యవేక్షణలో తాలూకా సీఐ కళా వెంకటరమణ నేతృత్వంలోని ప్రత్యేక బృందం శనివారం మధ్యాహ్నం నిమ్మనపల్లె నాలుగు రోడ్ల కూడలిలో ప్రధాన నిందితులు ఉప్పుతోళ్ల శేఖర్‌బాబు, గడియారం మురళి, గడియారం యర్రప్ప, గడియారం మణి, గడియారం రెడ్డెప్పలను అరెస్టు చేశారు. కేసులో ప్రమేయం ఉన్న మరికొందరు నిందితుల కోసం గాలింపు కొనసాగుతోందని, వారిని కూడా త్వరలో అరెస్టు చేస్తామని ఎస్పీ తెలిపారు. :- భూమి కొనుగోలు ముందు అప్రమత్తంగా ఉండాలి భూములు కొనుగోలు చేసే ముందు సంబంధిత రెవెన్యూ రికార్డులు, పట్టాదారు పాస్‌పుస్తకాలు, రిజిస్ట్రేషన్ పత్రాలు, యాజమాన్య హక్కులను సంబంధిత అధికారుల వద్ద తప్పనిసరిగా ధృవీకరించుకోవాలని ఎస్పీ సూచించారు. తక్కువ ధరకే విలువైన భూములు ఇప్పిస్తామని ఆశ చూపే వ్యక్తులను గుడ్డిగా నమ్మవద్దని హెచ్చరించారు. ఏవైనా అనుమానాలు తలెత్తితే వెంటనే సమీప పోలీస్‌స్టేషన్ లేదా రెవెన్యూ అధికారులను సంప్రదించాలని ప్రజలకు విజ్ఞప్తి చేశారు. విలేకరుల సమావేశంలో అదనపు ఎస్పీ ఎం. వెంకటాద్రి, డీఎస్పీ ఎం. బుచ్చిరాజు, తాలూకా సీఐ కళా వెంకటరమణతో పాటు ఇతర పోలీసు అధికారులు పాల్గొన్నారు.

శ్రీనాధుడు ఎం

మదనపల్లె, అన్నమయ్య, ఆంధ్రప్రదేశ్•

1 hr ago

రూ.5 కోట్ల భూమి పేరుతో.... రూ.14 లక్షల టోకరా! - నకిలీ పట్టాదారు పాస్‌పుస్తకాలతో మోసం - ఐదుగురు అరెస్ట్ – పరారీలో ఉన్న నిందితుల కోసం గాలింపు - భూముల కొనుగోలులో పూర్తి ధృవీకరణ తప్పనిసరి: జిల్లా ఎస్పీ ధీరజ్ కునుబిల్లి మదనపల్లె : తక్కువ ధరకే రూ.5 కోట్ల విలువైన భూమిని ఇప్పిస్తామని ఆశ చూపించి, నకిలీ పట్టాదారు పాస్‌పుస్తకాలు సృష్టించి రూ.14 లక్షలు కాజేసిన ముఠా లోని ఐదుగురు నిందితులను మదనపల్లె తాలూకా పోలీసులు అరెస్టు శనివారం అరెస్టు చేశారు. ఈ కేసుకు సంబంధించిన వివరాలను జిల్లా పోలీసు కార్యాలయంలో నిర్వహించిన విలేకరుల సమావేశంలో జిల్లా ఎస్పీ ధీరజ్ కునుబిల్లి వెల్లడించారు. ఎస్పీ తెలిపిన వివరాల ప్రకారం.. :- చౌక ధర 2.5 ఎకరాల భూమి మీదేనంటూ వల మదనపల్లె మండలంలోని అనంతపురం–కృష్ణగిరి జాతీయ రహదారి సమీపంలో, బసినికొండ పంచాయతీ పరిధిలో ఉన్న 2.52 ఎకరాల భూమి మార్కెట్ విలువ సుమారు రూ.5 కోట్లు ఉంటుంది. అయితే ఆ భూమిని కేవలం రూ.13 లక్షలకే ఇప్పిస్తామని ల్యాండ్ బ్రోకర్ ఉప్పుతోళ్ల శేఖర్‌బాబు (ఏ–1)తో పాటు మరో నలుగురు కలిసి మదనపల్లెకు చెందిన పొన్నంరెడ్డి శోభారాణి, ఆమె భర్త పుల్లారెడ్డిని నమ్మించారు. భూమిని చూపించి కొలతలు వేయించిన అనంతరం 2025 సెప్టెంబర్ 1న రూ.13 లక్షలు నగదుగా తీసుకుని అగ్రిమెంట్ రాసిచ్చారు. అనంతరం పట్టాదారు పాస్‌పుస్తకాలు ఇప్పిస్తామని మరో రూ.1 లక్ష వసూలు చేసి, తహసీల్దార్ సంతకాలు, అధికారిక ముద్రలతో నకిలీ పట్టాదారు పాస్‌పుస్తకాలను తయారు చేసి బాధితులకు అందజేశారు. :- నకిలీ పత్రాలు వెలుగులోకి... కొంతకాలం తర్వాత యజమానులు తమ భూమి స్వాధీనం చేసుకునేందుకు ప్రయత్నించగా, అప్పటికే ఆ భూమి ఇతరులకు సైతం విక్రయించడంతో

శోభారాణి కుటుంబ సభ్యులు విఫలమయ్యారు. తమకు ఇచ్చిన పట్టాదారు పాస్‌పుస్తకాలు నకిలీవని, అదే భూమిని ఇప్పటికే ఇతరులకు విక్రయించినట్లు బాధితులు గుర్తించారు. డబ్బులు తిరిగి ఇవ్వాలని కోరగా నిందితులు బెదిరింపులకు పాల్పడినట్లు ఎస్పీ తెలిపారు. దీంతో బాధితురాలు జూలై 29న మదనపల్లె తాలూకా పోలీస్‌స్టేషన్‌లో ఫిర్యాదు చేయగా, క్రైం నంబర్ 220/2026గా క్రిమినల్ కాన్స్పిరసీ, ఫోర్జరీ, చీటింగ్ తదితర సెక్షన్ల కింద కేసు నమోదు చేసి దర్యాప్తు చేపట్టినట్లు వెల్లడించారు. :- ప్రత్యేక దర్యాప్తు బృందం వలలో ఐదుగురు జిల్లా ఎస్పీ ఆదేశాల మేరకు అదనపు ఎస్పీ ఎం. వెంకటాద్రి, మదనపల్లె డీఎస్పీ ఎం. బుచ్చిరాజు పర్యవేక్షణలో తాలూకా సీఐ కళా వెంకటరమణ నేతృత్వంలోని ప్రత్యేక బృందం శనివారం మధ్యాహ్నం నిమ్మనపల్లె నాలుగు రోడ్ల కూడలిలో ప్రధాన నిందితులు ఉప్పుతోళ్ల శేఖర్‌బాబు, గడియారం మురళి, గడియారం యర్రప్ప, గడియారం మణి, గడియారం రెడ్డెప్పలను అరెస్టు చేశారు. కేసులో ప్రమేయం ఉన్న మరికొందరు నిందితుల కోసం గాలింపు కొనసాగుతోందని, వారిని కూడా త్వరలో అరెస్టు చేస్తామని ఎస్పీ తెలిపారు. :- భూమి కొనుగోలు ముందు అప్రమత్తంగా ఉండాలి భూములు కొనుగోలు చేసే ముందు సంబంధిత రెవెన్యూ రికార్డులు, పట్టాదారు పాస్‌పుస్తకాలు, రిజిస్ట్రేషన్ పత్రాలు, యాజమాన్య హక్కులను సంబంధిత అధికారుల వద్ద తప్పనిసరిగా ధృవీకరించుకోవాలని ఎస్పీ సూచించారు. తక్కువ ధరకే విలువైన భూములు ఇప్పిస్తామని ఆశ చూపే వ్యక్తులను గుడ్డిగా నమ్మవద్దని హెచ్చరించారు. ఏవైనా అనుమానాలు తలెత్తితే వెంటనే సమీప పోలీస్‌స్టేషన్ లేదా రెవెన్యూ అధికారులను సంప్రదించాలని ప్రజలకు విజ్ఞప్తి చేశారు. విలేకరుల సమావేశంలో అదనపు ఎస్పీ ఎం. వెంకటాద్రి, డీఎస్పీ ఎం. బుచ్చిరాజు, తాలూకా సీఐ కళా వెంకటరమణతో పాటు ఇతర పోలీసు అధికారులు పాల్గొన్నారు.