ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ ବ୍ଲକ ଅନ୍ତର୍ଗତ ତାରାସିଙ୍ଗି ପଞ୍ଚାୟତର ଗାଡ଼ିଆପଡ଼ା ଗ୍ରାମର ମୁଣ୍ଡିଆସାହିରେ ବିଶୁଦ୍ଧ ପାନୀୟ ଜଳର ଘୋର ସମସ୍ୟା ଦେଖାଦେଇଛି। ରାଜ୍ୟ ସରକାର 'ବସୁଧା' ଓ 'ସ୍ୱଜଳଧାରା' ଭଳି ଯୋଜନା ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଥିବା ବେଳେ ଏହି ଗାଁ ପାଇଁ ଏସବୁ ଯୋଜନା ସାତସପନ ପାଲଟି ଯାଇଛି। ପ୍ରଶାସନର ଉଦାସୀନତା ଏବଂ ସ୍ଥାନୀୟ ଜନପ୍ରତିନିଧିଙ୍କ ଇଚ୍ଛାଶକ୍ତିର ଅଭାବ ଯୋଗୁଁ ସାହି ବାସିନ୍ଦା ଏବେ ମଧ୍ୟ ପିଇବା ପାଣି ପାଇଁ ଅପେକ୍ଷାରେ ରହିଛନ୍ତି। ସାହିରେ ପ୍ରାୟ ୨୦ ରୁ ୨୫ ପରିବାର ବସବାସ କରୁଥିବା ବେଳେ ପାଣି ପାଇଁ ଘୋର ସଂଘର୍ଷ କରିବାକୁ ପଡୁଛି। ସ୍ୱାଧୀନତାର ଦୀର୍ଘ ଦିନ ପରେ ମଧ୍ୟ ଏଠାରେ ବିକାଶ ଏକ ସ୍ୱପ୍ନ ଭଳି ଲାଗୁଛି। ପାଣି ସମସ୍ୟା ଏତେ ଜଟିଳ ଯେ, ସକାଳୁ ସଞ୍ଜ ପର୍ଯ୍ୟନ୍ତ ଏଠାକାର ମହିଳାମାନେ ହାତରେ ବାଲ୍ଟି ଓ କାଖରେ ଗରା ଧରି ଅଣଓସାରିଆ ବିଲ ମାଳ, ଉଠାଣି ଗଡାଣି ହିଡ଼ ରାସ୍ତା ଦେଇ ନିକଟସ୍ଥ ନଦୀ ଚୁଆଁରୁ ପାଣି ଆଣିବାକୁ ଯାଉଛନ୍ତି। ଗ୍ରାମରେ ଥିବା ଗୋଟିଏ ନଳକୂଅ ଓ ଗୋଟିଏ ଷ୍ଟାଣ୍ଡ ପୋଷ୍ଟ ଉଭୟ ଅଚଳ ହୋଇ ପଡ଼ିଛି। ମୁଣ୍ଡିଆସାହି ବାସିନ୍ଦା ବାରମ୍ବାର ବିଭିନ୍ନ କାର୍ଯ୍ୟାଳୟରେ, ୱାର୍ଡ ମେମ୍ବରଙ୍କ ଠାରୁ ଆରମ୍ଭ କରି ସରପଞ୍ଚଙ୍କ ପର୍ଯ୍ୟନ୍ତ ଅଭିଯୋଗ କରିଥିଲେ ମଧ୍ୟ ଏ ପର୍ଯ୍ୟନ୍ତ କୌଣସି ସୁଫଳ ମିଳିନାହିଁ। ଯଦି ଅତି ଶୀଘ୍ର ଏହି ସମସ୍ୟାର ସମାଧାନ ନହୁଏ, ତେବେ ଆଗାମୀ ଦିନରେ ବ୍ଲକ ଘେରାଉ ସହିତ ପଞ୍ଚାୟତରେ ତାଲା ପକାଇ ଧାରଣାରେ ବସିବା ପାଇଁ ମୁଣ୍ଡିଆସାହି ବାସିନ୍ଦା ଚେତାବନୀ ଦେଇଛନ୍ତି।

PURNACHANDRA BARIK

Court reporter ବୁଗୁଡ଼ା, ଗଞ୍ଜାମ, ଓଡ଼ିଶା•

3 hrs ago

ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ ବ୍ଲକ ଅନ୍ତର୍ଗତ ତାରାସିଙ୍ଗି ପଞ୍ଚାୟତର ଗାଡ଼ିଆପଡ଼ା ଗ୍ରାମର ମୁଣ୍ଡିଆସାହିରେ ବିଶୁଦ୍ଧ ପାନୀୟ ଜଳର ଘୋର ସମସ୍ୟା ଦେଖାଦେଇଛି। ରାଜ୍ୟ ସରକାର 'ବସୁଧା' ଓ 'ସ୍ୱଜଳଧାରା' ଭଳି ଯୋଜନା ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଥିବା ବେଳେ ଏହି ଗାଁ ପାଇଁ ଏସବୁ ଯୋଜନା ସାତସପନ ପାଲଟି ଯାଇଛି। ପ୍ରଶାସନର ଉଦାସୀନତା ଏବଂ

ସ୍ଥାନୀୟ ଜନପ୍ରତିନିଧିଙ୍କ ଇଚ୍ଛାଶକ୍ତିର ଅଭାବ ଯୋଗୁଁ ସାହି ବାସିନ୍ଦା ଏବେ ମଧ୍ୟ ପିଇବା ପାଣି ପାଇଁ ଅପେକ୍ଷାରେ ରହିଛନ୍ତି। ସାହିରେ ପ୍ରାୟ ୨୦ ରୁ ୨୫ ପରିବାର ବସବାସ କରୁଥିବା ବେଳେ ପାଣି ପାଇଁ ଘୋର ସଂଘର୍ଷ କରିବାକୁ ପଡୁଛି। ସ୍ୱାଧୀନତାର ଦୀର୍ଘ ଦିନ ପରେ ମଧ୍ୟ ଏଠାରେ ବିକାଶ ଏକ ସ୍ୱପ୍ନ ଭଳି ଲାଗୁଛି। ପାଣି ସମସ୍ୟା ଏତେ

ଜଟିଳ ଯେ, ସକାଳୁ ସଞ୍ଜ ପର୍ଯ୍ୟନ୍ତ ଏଠାକାର ମହିଳାମାନେ ହାତରେ ବାଲ୍ଟି ଓ କାଖରେ ଗରା ଧରି ଅଣଓସାରିଆ ବିଲ ମାଳ, ଉଠାଣି ଗଡାଣି ହିଡ଼ ରାସ୍ତା ଦେଇ ନିକଟସ୍ଥ ନଦୀ ଚୁଆଁରୁ ପାଣି ଆଣିବାକୁ ଯାଉଛନ୍ତି। ଗ୍ରାମରେ ଥିବା ଗୋଟିଏ ନଳକୂଅ ଓ ଗୋଟିଏ ଷ୍ଟାଣ୍ଡ ପୋଷ୍ଟ ଉଭୟ ଅଚଳ ହୋଇ ପଡ଼ିଛି। ମୁଣ୍ଡିଆସାହି ବାସିନ୍ଦା ବାରମ୍ବାର ବିଭିନ୍ନ

କାର୍ଯ୍ୟାଳୟରେ, ୱାର୍ଡ ମେମ୍ବରଙ୍କ ଠାରୁ ଆରମ୍ଭ କରି ସରପଞ୍ଚଙ୍କ ପର୍ଯ୍ୟନ୍ତ ଅଭିଯୋଗ କରିଥିଲେ ମଧ୍ୟ ଏ ପର୍ଯ୍ୟନ୍ତ କୌଣସି ସୁଫଳ ମିଳିନାହିଁ। ଯଦି ଅତି ଶୀଘ୍ର ଏହି ସମସ୍ୟାର ସମାଧାନ ନହୁଏ, ତେବେ ଆଗାମୀ ଦିନରେ ବ୍ଲକ ଘେରାଉ ସହିତ ପଞ୍ଚାୟତରେ ତାଲା ପକାଇ ଧାରଣାରେ ବସିବା ପାଇଁ ମୁଣ୍ଡିଆସାହି ବାସିନ୍ଦା ଚେତାବନୀ ଦେଇଛନ୍ତି।