महाबळेश्वर परिसरातील पाचगणीजवळच्या भोस गावात पर्यटनासाठी आलेल्या २५ वर्षीय तरुणाची जमावाकडून निर्घृण हत्या करण्यात आली. अक्षय रमेश जाधव असे मृत तरुणाचे नाव असून, तो मूळचा इंदापूर तालुक्यातील भिगवण येथील रहिवासी होता. दारूच्या नशेत एका घरात डोकावल्याच्या संशयावरून अक्षयला लाकडी दांडके आणि लाथाबुक्क्यांनी बेदम मारहाण करण्यात आली. या हल्ल्यात गंभीर जखमी झालेल्या अक्षयचा उपचारापूर्वीच मृत्यू झाला. घटनेच्या दिवशी अक्षय आपल्या मित्रांसह 'अतिथी व्हिला हॉटेल' येथे मुक्कामाला होता. मद्यप्राशन केल्यामुळे मित्रांनी त्याला खोलीत ठेवून कडी लावली होती, मात्र काही वेळाने तो खोलीतून बाहेर पडला. शोध घेत असताना मित्रांना अक्षयवर काही लोक हल्ला करताना दिसले. एका मुलीने फोन केल्यानंतर तिचे वडील व त्यांच्या साथीदारांनी अक्षयला गाठून चिखलात तुडवत जबर मारहाण केली. अक्षयच्या मित्रांनी आणि स्थानिक नागरिकांनी त्याला वाचवण्याचा प्रयत्न केला, मात्र संशयितांनी कोणाचेही ऐकले नाही. या प्रकरणी पाचगणी पोलिसांनी सूर्यकांत चंद्रकांत गोले, अविनाश सतीश भोसले, राहुल जनार्दन राजपुरे आणि अमोल गणेदेव वाडकर या चार संशयितांना ताब्यात घेतले आहे. विशाल अजित जाधव यांनी बारामती शहर पोलीस ठाण्यात गुन्हा दाखल केल्यानंतर तो पाचगणी पोलिसांकडे वर्ग करण्यात आला असून, स.पो.नि. दिलीप पवार यांच्या मार्गदर्शनाखाली पुढील तपास सुरू आहे. मृत अक्षय जाधव यांच्यावर भिगवण येथील स्मशानभूमीत अंत्यसंस्कार करण्यात आले.

समर्थ न्युज आवाज महाराष्ट्राचा

Photographer इंदापूर, पुणे, महाराष्ट्र•

12 hrs ago

महाबळेश्वर परिसरातील पाचगणीजवळच्या भोस गावात पर्यटनासाठी आलेल्या २५ वर्षीय तरुणाची जमावाकडून निर्घृण हत्या करण्यात आली. अक्षय रमेश जाधव असे मृत तरुणाचे नाव असून, तो मूळचा इंदापूर तालुक्यातील भिगवण येथील रहिवासी होता. दारूच्या नशेत एका घरात डोकावल्याच्या संशयावरून अक्षयला लाकडी दांडके आणि लाथाबुक्क्यांनी बेदम मारहाण करण्यात आली. या हल्ल्यात गंभीर जखमी झालेल्या अक्षयचा उपचारापूर्वीच मृत्यू झाला. घटनेच्या दिवशी अक्षय आपल्या मित्रांसह 'अतिथी व्हिला हॉटेल' येथे मुक्कामाला होता. मद्यप्राशन केल्यामुळे मित्रांनी त्याला खोलीत ठेवून कडी लावली होती, मात्र काही वेळाने तो खोलीतून बाहेर पडला. शोध घेत असताना मित्रांना अक्षयवर काही लोक हल्ला करताना दिसले. एका मुलीने फोन केल्यानंतर तिचे वडील व त्यांच्या साथीदारांनी अक्षयला गाठून चिखलात तुडवत जबर मारहाण केली. अक्षयच्या मित्रांनी आणि स्थानिक नागरिकांनी त्याला वाचवण्याचा प्रयत्न केला, मात्र संशयितांनी कोणाचेही ऐकले नाही. या प्रकरणी पाचगणी पोलिसांनी सूर्यकांत चंद्रकांत गोले, अविनाश सतीश भोसले, राहुल जनार्दन राजपुरे आणि अमोल गणेदेव वाडकर या चार संशयितांना ताब्यात घेतले आहे. विशाल अजित जाधव यांनी बारामती शहर पोलीस ठाण्यात गुन्हा दाखल केल्यानंतर तो पाचगणी पोलिसांकडे वर्ग करण्यात आला असून, स.पो.नि. दिलीप पवार यांच्या मार्गदर्शनाखाली पुढील तपास सुरू आहे. मृत अक्षय जाधव यांच्यावर भिगवण येथील स्मशानभूमीत अंत्यसंस्कार करण्यात आले.