పంట అవశేషాలు కాల్చవద్దు – నేల సారాన్ని, పర్యావరణాన్ని కాపాడండి: జిల్లా కలెక్టర్ కె. హైమావతి సిద్దిపేట: జిల్లాలో పంట పొలాల్లో పంట అవశేషాలను కాల్చకుండా రైతులు ప్రత్యామ్నాయ మార్గాలను అనుసరించాలని జిల్లా కలెక్టర్ కె. హైమావతి రైతాంగానికి విజ్ఞప్తి చేశారు. జిల్లాలో ఇప్పటివరకు 3 లక్షల 65 వేల మెట్రిక్ టన్నుల వరి ధాన్యం, 50 వేల మెట్రిక్ టన్నుల మక్కలు కొనుగోలు చేసినట్లు తెలిపారు. పంట కోతల అనంతరం వరి గడ్డి, మొక్కజొన్న కాండాలు, పత్తి కట్టెలు తదితర పంట అవశేషాలను కాల్చడం వల్ల నేలలోని సేంద్రియ పదార్థాలు, ఉపయోగకరమైన సూక్ష్మజీవులు నశిస్తాయని పేర్కొన్నారు.అలాగే పంట అవశేషాల దహనం వల్ల గాలి కాలుష్యం పెరిగి ప్రజల ఆరోగ్యంపై ప్రతికూల ప్రభావం పడుతుందని, కార్బన్ డైఆక్సైడ్ వంటి హానికర వాయువులు వాతావరణంలోకి విడుదల అవుతాయని తెలిపారు. దీంతో నేల సారవంతత తగ్గడంతో పాటు కొన్ని సందర్భాల్లో ప్రమాదాలు జరిగి రైతులు ప్రాణాలు కోల్పోయిన ఘటనలు కూడా ఉన్నాయని ఆవేదన వ్యక్తం చేశారు. పంట అవశేషాలను కంపోస్ట్‌గా తయారు చేయడం, నేలలో కలిపి సేంద్రియ ఎరువుగా వినియోగించడం, పశువుల మేతగా ఉపయోగించడం, అవశేషాలతో పాటు దుక్కి దున్నడం వంటి ప్రత్యామ్నాయ పద్ధతులను రైతులు అవలంబించాలని సూచించారు. హైలైట్ “పంట అవశేషాలు కాల్చవద్దు – నేల సారాన్ని కాపాడండి, పర్యావరణాన్ని రక్షించండి” అని జిల్లా కలెక్టర్ కె. హైమావతి జిల్లాలోని రైతాంగానికి పిలుపునిచ్చారు. – జిల్లా పౌర సంబంధాల అధికారి కార్యాలయం, సిద్దిపేట జిల్లా

Gousuddin Md

అంబర్‌పేట్, హైదరాబాద్, తెలంగాణ•

1 hr ago

పంట అవశేషాలు కాల్చవద్దు – నేల సారాన్ని, పర్యావరణాన్ని కాపాడండి: జిల్లా కలెక్టర్ కె. హైమావతి సిద్దిపేట: జిల్లాలో పంట పొలాల్లో పంట అవశేషాలను కాల్చకుండా రైతులు ప్రత్యామ్నాయ మార్గాలను అనుసరించాలని జిల్లా కలెక్టర్ కె. హైమావతి రైతాంగానికి విజ్ఞప్తి చేశారు. జిల్లాలో ఇప్పటివరకు 3 లక్షల 65 వేల మెట్రిక్ టన్నుల వరి ధాన్యం, 50 వేల మెట్రిక్ టన్నుల మక్కలు కొనుగోలు చేసినట్లు తెలిపారు. పంట కోతల అనంతరం వరి గడ్డి, మొక్కజొన్న కాండాలు, పత్తి కట్టెలు తదితర పంట అవశేషాలను కాల్చడం వల్ల నేలలోని సేంద్రియ పదార్థాలు, ఉపయోగకరమైన సూక్ష్మజీవులు నశిస్తాయని పేర్కొన్నారు.అలాగే పంట అవశేషాల దహనం వల్ల గాలి కాలుష్యం పెరిగి ప్రజల ఆరోగ్యంపై ప్రతికూల ప్రభావం పడుతుందని, కార్బన్ డైఆక్సైడ్ వంటి హానికర వాయువులు వాతావరణంలోకి విడుదల అవుతాయని తెలిపారు. దీంతో నేల సారవంతత తగ్గడంతో పాటు కొన్ని సందర్భాల్లో ప్రమాదాలు జరిగి రైతులు ప్రాణాలు కోల్పోయిన ఘటనలు కూడా ఉన్నాయని ఆవేదన వ్యక్తం చేశారు. పంట అవశేషాలను కంపోస్ట్‌గా తయారు చేయడం, నేలలో కలిపి సేంద్రియ ఎరువుగా వినియోగించడం, పశువుల మేతగా ఉపయోగించడం, అవశేషాలతో పాటు దుక్కి దున్నడం వంటి ప్రత్యామ్నాయ పద్ధతులను రైతులు అవలంబించాలని సూచించారు. హైలైట్ “పంట అవశేషాలు కాల్చవద్దు – నేల సారాన్ని కాపాడండి, పర్యావరణాన్ని రక్షించండి” అని జిల్లా కలెక్టర్ కె. హైమావతి జిల్లాలోని రైతాంగానికి పిలుపునిచ్చారు. – జిల్లా పౌర సంబంధాల అధికారి కార్యాలయం, సిద్దిపేట జిల్లా