सरपंच हर्ष मोदी यांचे आरोग्य विभागाच्या अधिकाऱ्यांना निवेदन सडक अर्जुनी तालुक्यातील फुटाळा येथील तलावात बुडून दोन अल्पवयीन मुलांचा मृत्यू झाल्याच्या घटनेनंतर सौंदड ग्रामपंचायतीचे सरपंच हर्ष विनोदकुमार मोदी यांनी संबंधित प्रकरणाची चौकशी करून डॉक्टरांना निलंबित करण्याची मागणी केली आहे. यासंदर्भात त्यांनी प्रशासनाकडे निवेदन सादर केले आहे. ३ मार्च २०२६ रोजी फुटाळा येथील तलावात सागर माणिक गहाणे (वय १७) व प्रणय गोवर्धन गहाणे (वय १२) हे दोघे बुडाल्याची घटना घडली. त्यानंतर दोघांनाही तातडीने उपचारासाठी ग्रामीण रुग्णालय सौंदड येथे आणण्यात आले. सकाळी सुमारे ११ वाजता दोन्ही मुलांना रुग्णालयात दाखल करण्यात आले होते. त्या वेळी ऑन ड्युटी असलेले वैद्यकीय अधिकारी डॉ. रंजीत बघेले यांनी प्राथमिक उपचार केले व पुढील उपचारासाठी त्यांना वरच्या रुग्णालयात रेफर करण्यात आले. मात्र पुढे नेत असताना दोन्ही मुलांचा रस्त्यातच मृत्यू झाल्याची माहिती देण्यात आली आहे. या घटनेत ग्रामीण रुग्णालय सौंदड येथे आवश्यक सुविधा उपलब्ध नसणे, ऑक्सिजनसह आवश्यक उपचार व्यवस्था नसणे तसेच उपचारात झालेल्या हलगर्जीपणामुळे मुलांचा मृत्यू झाल्याचा आरोप सरपंच हर्ष मोदी यांनी आपल्या निवेदनात केला आहे. त्यामुळे संबंधित वैद्यकीय अधिकारी डॉ. रंजीत बघेले यांना तात्काळ निलंबित करून संपूर्ण घटनेची सखोल चौकशी करण्यात यावी, अशी मागणी त्यांनी केली आहे. दरम्यान, या तक्रारीची दखल घेत जिल्हा शल्य चिकित्सक कार्यालयाने प्रकरण गंभीर मानत डॉ. रंजीत बघेले यांच्याविरोधात चौकशी प्रस्तावित केली असून चौकशी होईपर्यंत त्यांना ग्रामीण रुग्णालय सौंदड येथून तात्काळ हलविण्याचा निर्णय घेतला आहे. तसेच रुग्णालयाचे कामकाज सुरळीत सुरू ठेवण्यासाठी ग्रामीण रुग्णालय सडक अर्जुनी येथील डॉ. कामेश हुकरे यांना प्रतिनियुक्तीवर नियुक्त करण्यात आले आहे. सरपंच हर्ष मोदी यांनी निवेदनातून मृत मुलांच्या कुटुंबीयांना प्रत्येकी १० ते १५ लाख रुपयांची आर्थिक मदत जाहीर करण्याची मागणी केली आहे. तसेच सौंदड ग्रामीण रुग्णालयात ऑक्सिजन सिलिंडरची उपलब्धता वाढविणे, आवश्यक औषधसाठा ठेवणे, एक्स-रे मशीन तातडीने सुरू करणे, शवविच्छेदन कक्ष १५ दिवसांच्या आत सुरू करणे तसेच किमान तीन डॉक्टर व आवश्यक कर्मचारी तातडीने नियुक्त करण्याची मागणीही करण्यात आली आहे. सदर निवेदन उपविभागीय अधिकारी अर्जुनी मोर, तसेच उप विभागीय पोलीस अधिकारी देवरी व आरोग्य विभागाच्या अधिकाऱ्यांना दिले आहे. याबाबत प्रशासनाने तातडीने कार्यवाही न केल्यास संपूर्ण गावकऱ्यांच्या वतीने सौंदड ग्रामीण रुग्णालयाविरोधात आंदोलन करण्यात येईल, असा इशाराही सरपंच हर्ष मोदी यांनी दिला आहे.

Ashlesh Made

Sadak-Arjuni, Gondia•

on 7 March

सरपंच हर्ष मोदी यांचे आरोग्य विभागाच्या अधिकाऱ्यांना निवेदन सडक अर्जुनी तालुक्यातील फुटाळा येथील तलावात बुडून दोन अल्पवयीन मुलांचा मृत्यू झाल्याच्या घटनेनंतर सौंदड ग्रामपंचायतीचे सरपंच हर्ष विनोदकुमार मोदी यांनी संबंधित प्रकरणाची चौकशी करून डॉक्टरांना निलंबित करण्याची मागणी केली आहे. यासंदर्भात त्यांनी प्रशासनाकडे निवेदन सादर केले आहे. ३ मार्च २०२६ रोजी फुटाळा येथील तलावात सागर माणिक गहाणे (वय १७) व प्रणय गोवर्धन गहाणे (वय १२) हे दोघे बुडाल्याची घटना घडली. त्यानंतर दोघांनाही तातडीने उपचारासाठी ग्रामीण रुग्णालय सौंदड येथे आणण्यात आले. सकाळी सुमारे ११ वाजता दोन्ही मुलांना रुग्णालयात दाखल करण्यात आले होते. त्या वेळी ऑन ड्युटी असलेले वैद्यकीय अधिकारी डॉ. रंजीत बघेले यांनी प्राथमिक उपचार केले व पुढील उपचारासाठी त्यांना वरच्या रुग्णालयात रेफर करण्यात आले. मात्र पुढे नेत असताना दोन्ही मुलांचा रस्त्यातच मृत्यू झाल्याची माहिती देण्यात आली आहे. या घटनेत ग्रामीण रुग्णालय सौंदड येथे आवश्यक सुविधा उपलब्ध नसणे, ऑक्सिजनसह आवश्यक उपचार व्यवस्था नसणे तसेच उपचारात झालेल्या हलगर्जीपणामुळे मुलांचा मृत्यू झाल्याचा आरोप सरपंच हर्ष मोदी यांनी आपल्या निवेदनात केला आहे. त्यामुळे संबंधित वैद्यकीय अधिकारी डॉ. रंजीत बघेले यांना तात्काळ निलंबित करून संपूर्ण घटनेची सखोल चौकशी करण्यात यावी, अशी मागणी त्यांनी केली आहे. दरम्यान, या तक्रारीची दखल घेत जिल्हा शल्य चिकित्सक कार्यालयाने प्रकरण गंभीर मानत डॉ. रंजीत बघेले यांच्याविरोधात चौकशी प्रस्तावित केली असून चौकशी होईपर्यंत त्यांना ग्रामीण रुग्णालय सौंदड येथून तात्काळ हलविण्याचा निर्णय घेतला आहे. तसेच रुग्णालयाचे कामकाज सुरळीत सुरू ठेवण्यासाठी ग्रामीण रुग्णालय सडक अर्जुनी येथील डॉ. कामेश हुकरे यांना प्रतिनियुक्तीवर नियुक्त करण्यात आले आहे. सरपंच हर्ष मोदी यांनी निवेदनातून मृत मुलांच्या कुटुंबीयांना प्रत्येकी १० ते १५ लाख रुपयांची आर्थिक मदत जाहीर करण्याची मागणी केली आहे. तसेच सौंदड ग्रामीण रुग्णालयात ऑक्सिजन सिलिंडरची उपलब्धता वाढविणे, आवश्यक औषधसाठा ठेवणे, एक्स-रे मशीन तातडीने सुरू करणे, शवविच्छेदन कक्ष १५ दिवसांच्या आत सुरू करणे तसेच किमान तीन डॉक्टर व आवश्यक कर्मचारी तातडीने नियुक्त करण्याची मागणीही करण्यात आली आहे. सदर निवेदन उपविभागीय अधिकारी अर्जुनी मोर, तसेच उप विभागीय पोलीस अधिकारी देवरी व आरोग्य विभागाच्या अधिकाऱ्यांना दिले आहे. याबाबत प्रशासनाने तातडीने कार्यवाही न केल्यास संपूर्ण गावकऱ्यांच्या वतीने सौंदड ग्रामीण रुग्णालयाविरोधात आंदोलन करण्यात येईल, असा इशाराही सरपंच हर्ष मोदी यांनी दिला आहे.