नागपूरमधील नंदनवन येथील भाऊसाहेब मुळक आयुर्वेद महाविद्यालयाच्या स्वस्थवृत्त व योग विभागाच्या वतीने १२वा आंतरराष्ट्रीय योग दिन मोठ्या उत्साहात साजरा करण्यात आला. महाविद्यालयाचे प्राचार्य डॉ. युवराज काळे यांच्या मार्गदर्शनाखाली १५ ते २१ जून दरम्यान योग सप्ताहाचे आयोजन करण्यात आले होते. यावर्षीच्या आंतरराष्ट्रीय योग दिनाची 'योगा फॉर हेल्दी एजिंग' ही संकल्पना लक्षात घेऊन विविध उपक्रम राबवण्यात आले. योग सप्ताहादरम्यान, महाविद्यालयीन उद्यानमध्ये विद्यार्थी आणि कर्मचाऱ्यांसाठी सामूहिक योगाभ्यास आयोजित करण्यात आला. तसेच, योगाचार्य भारत गुप्ता यांचे विशेष व्याख्यानही झाले. विद्यार्थ्यांमध्ये योगाविषयी जागरूकता वाढवण्यासाठी योग क्विझ, सूर्यनमस्कार स्पर्धा, पोस्टर स्पर्धा आणि रील स्पर्धा घेण्यात आल्या, ज्यांना विद्यार्थ्यांचा उत्स्फूर्त प्रतिसाद मिळाला. विविध स्पर्धांतील विजेत्या विद्यार्थ्यांना मान्यवरांच्या हस्ते पारितोषिके आणि प्रमाणपत्रे देऊन गौरविण्यात आले. योग सप्ताहाचा समारोप २१ जून रोजी महावीर नगर ग्राउंड, अझमशाह लेआऊट, नंदनवन येथे आयोजित सामूहिक योगाभ्यास कार्यक्रमाने झाला. हा कार्यक्रम आरएआरआय (RARI) आणि नागपुरातील विविध आयुर्वेद महाविद्यालयांच्या सहकार्याने आयोजित करण्यात आला होता. यामध्ये महाविद्यालयातील शिक्षक, शिक्षकेतर कर्मचारी आणि विद्यार्थ्यांनी मोठ्या संख्येने सहभाग घेतला. या कार्यक्रमाच्या यशस्वी आयोजनासाठी विभागप्रमुख डॉ. माधवी रेहपाडे, डॉ. ममता तलमले, डॉ. ओमप्रकाश गुल्हाने, डॉ. शरयू गजापुरे, डॉ. रुपाली भनारे, डॉ. स्नेहल भामकर तसेच पदव्युत्तर विद्यार्थी शुभम, लक्ष्मी, आस्था, वैष्णवी, सुरभी, तरुणा, तुषार आणि प्रियंका यांनी विशेष परिश्रम घेतले.

Pallavi Patil, निवासी संपादक

Lawyer नागपूर (शहरी), नागपूर, महाराष्ट्र•

1 hr ago

नागपूरमधील नंदनवन येथील भाऊसाहेब मुळक आयुर्वेद महाविद्यालयाच्या स्वस्थवृत्त व योग विभागाच्या वतीने १२वा आंतरराष्ट्रीय योग दिन मोठ्या उत्साहात साजरा करण्यात आला. महाविद्यालयाचे प्राचार्य डॉ. युवराज काळे यांच्या मार्गदर्शनाखाली १५ ते २१ जून दरम्यान योग सप्ताहाचे आयोजन करण्यात आले होते. यावर्षीच्या आंतरराष्ट्रीय योग दिनाची 'योगा फॉर हेल्दी एजिंग' ही संकल्पना लक्षात घेऊन विविध उपक्रम राबवण्यात आले. योग सप्ताहादरम्यान, महाविद्यालयीन उद्यानमध्ये विद्यार्थी आणि कर्मचाऱ्यांसाठी सामूहिक योगाभ्यास आयोजित करण्यात आला. तसेच, योगाचार्य भारत गुप्ता यांचे विशेष व्याख्यानही झाले. विद्यार्थ्यांमध्ये योगाविषयी जागरूकता वाढवण्यासाठी योग क्विझ, सूर्यनमस्कार स्पर्धा, पोस्टर स्पर्धा आणि रील स्पर्धा घेण्यात आल्या, ज्यांना विद्यार्थ्यांचा उत्स्फूर्त प्रतिसाद मिळाला. विविध स्पर्धांतील विजेत्या विद्यार्थ्यांना मान्यवरांच्या हस्ते पारितोषिके आणि प्रमाणपत्रे देऊन गौरविण्यात आले. योग सप्ताहाचा समारोप २१ जून रोजी महावीर नगर ग्राउंड, अझमशाह लेआऊट, नंदनवन येथे आयोजित सामूहिक योगाभ्यास कार्यक्रमाने झाला. हा कार्यक्रम आरएआरआय (RARI) आणि नागपुरातील विविध आयुर्वेद महाविद्यालयांच्या सहकार्याने आयोजित करण्यात आला होता. यामध्ये महाविद्यालयातील शिक्षक, शिक्षकेतर कर्मचारी आणि विद्यार्थ्यांनी मोठ्या संख्येने सहभाग घेतला. या कार्यक्रमाच्या यशस्वी आयोजनासाठी विभागप्रमुख डॉ. माधवी रेहपाडे, डॉ. ममता तलमले, डॉ. ओमप्रकाश गुल्हाने, डॉ. शरयू गजापुरे, डॉ. रुपाली भनारे, डॉ. स्नेहल भामकर तसेच पदव्युत्तर विद्यार्थी शुभम, लक्ष्मी, आस्था, वैष्णवी, सुरभी, तरुणा, तुषार आणि प्रियंका यांनी विशेष परिश्रम घेतले.