ఈనెల 28వ తేదీన జరగనున్న పల్స్ పోలియో కార్యక్రమాన్ని విజయవంతం చేసే లక్ష్యంతో, పల్నాడు జిల్లాలోని క్రోసూరు మండల ప్రాథమిక ఆరోగ్య కేంద్రంలో సోమవారం వైద్య, అంగన్‌వాడీ సిబ్బందికి శిక్షణ కార్యక్రమం నిర్వహించారు. ఈ శిక్షణ కార్యక్రమంలో వైద్యులు రవికుమార్, అనిల్ కుమార్, మేరీ శ్రీకళ, ఆరోగ్య విస్తరణ అధికారి శిఖా శాంసన్ లు సిబ్బందికి మార్గనిర్దేశం చేశారు. అప్పుడే పుట్టిన బిడ్డ నుండి ఐదు సంవత్సరాలలోపు ప్రతి చిన్నారికి పోలియో చుక్కలు వేయించాలని వారు సూచించారు. భారతదేశం 2011లో చివరి పోలియో కేసు నమోదైనప్పటి నుండి 14 సంవత్సరాలకు పైగా పోలియో రహిత దేశంగా కొనసాగుతోందని, ఈ స్థితిని కొనసాగించేందుకు భారత ప్రభుత్వం 28 జూన్ 2026న జాతీయ పోలియో టీకాకరణ దినోత్సవం (ఎన్ ఐ డి) నిర్వహించాలని నిర్ణయించినట్లు వారు తెలిపారు. పల్స్ పోలియో కార్యక్రమాన్ని సమర్థవంతంగా నిర్వహించేందుకు తీసుకోవలసిన చర్యలను వివరిస్తూ, తగినంత ఐస్ ప్యాకులను ముందుగానే ఫ్రీజ్ చేయాలని, వ్యాక్సిన్ క్యారియర్‌లో వదులుగా ఉన్న ఐస్‌ను ఉపయోగించరాదని సూచించారు. ప్రార్థనా మందిరాలు, బస్టాండ్లు, గ్రామాల్లో 'టామ్ టామ్' ప్రచారం ద్వారా అవగాహన కల్పించాలని, ర్యాలీలు నిర్వహించాలని తెలిపారు. ప్రతి బూత్‌లో నలుగురు సభ్యులు తమ విధులను సక్రమంగా నిర్వహించాలని, జీరో నుండి ఐదు సంవత్సరాలలోపు పిల్లల నేమ్ బేస్డ్ లిస్ట్ అందుబాటులో ఉండాలని ఆదేశించారు. పిల్లల ఎడమ చేతి చిటికెన వేలుపై గుర్తు పెట్టడానికి శాశ్వత మార్కర్ పెన్‌ను ఉపయోగించాలని పేర్కొన్నారు. ఈ సందర్భంగా ఆరోగ్య విస్తరణ అధికారి శిఖా శాంసన్ మాట్లాడుతూ, కార్యక్రమంలో నింపవలసిన రిపోర్టుల గురించి క్షుణ్ణంగా వివరించారు. వ్యాక్సిన్ క్యారియర్లలో గడ్డకట్టిన ఐస్ ప్యాకులను మాత్రమే ఉపయోగించాలని, కోల్డ్ చైన్‌ను సక్రమంగా నిర్వహించి, పిల్లలకు వ్యాక్సిన్ ఇవ్వడానికి ముందు వ్యాక్సిన్ వైల్ మానిటర్ (వివిఎం) ఉపయోగించదగిన స్థితిలో ఉందో లేదో నిర్ధారించుకోవాలని ఆమె తెలిపారు. ఈ కార్యక్రమంలో హెల్త్ సూపర్ వైజర్ శివుడు, ఆరోగ్య కార్యకర్తలు, కమ్యూనిటీ హెల్త్ ఆఫీసర్లు, అంగన్‌వాడీ కార్యకర్తలు తదితరులు పాల్గొన్నారు. ఈనెల 28వ తేదీన జరిగే పల్స్ పోలియో కార్యక్రమాన్ని విజయవంతం చేయాలని వారు విజ్ఞప్తి చేశారు.

Raju Paragati

అమరావతి, పల్నాడు, ఆంధ్రప్రదేశ్•

1 hr ago

ఈనెల 28వ తేదీన జరగనున్న పల్స్ పోలియో కార్యక్రమాన్ని విజయవంతం చేసే లక్ష్యంతో, పల్నాడు జిల్లాలోని క్రోసూరు మండల ప్రాథమిక ఆరోగ్య కేంద్రంలో సోమవారం వైద్య, అంగన్‌వాడీ సిబ్బందికి శిక్షణ కార్యక్రమం నిర్వహించారు. ఈ శిక్షణ కార్యక్రమంలో వైద్యులు రవికుమార్, అనిల్ కుమార్, మేరీ శ్రీకళ, ఆరోగ్య విస్తరణ అధికారి శిఖా శాంసన్ లు సిబ్బందికి మార్గనిర్దేశం చేశారు. అప్పుడే పుట్టిన బిడ్డ నుండి ఐదు సంవత్సరాలలోపు ప్రతి చిన్నారికి పోలియో చుక్కలు వేయించాలని వారు సూచించారు. భారతదేశం 2011లో చివరి పోలియో కేసు నమోదైనప్పటి నుండి 14 సంవత్సరాలకు పైగా పోలియో రహిత దేశంగా కొనసాగుతోందని, ఈ స్థితిని కొనసాగించేందుకు భారత ప్రభుత్వం 28 జూన్ 2026న జాతీయ పోలియో టీకాకరణ దినోత్సవం (ఎన్ ఐ డి) నిర్వహించాలని నిర్ణయించినట్లు వారు తెలిపారు. పల్స్ పోలియో కార్యక్రమాన్ని సమర్థవంతంగా నిర్వహించేందుకు తీసుకోవలసిన చర్యలను వివరిస్తూ, తగినంత ఐస్ ప్యాకులను ముందుగానే ఫ్రీజ్ చేయాలని, వ్యాక్సిన్ క్యారియర్‌లో వదులుగా ఉన్న ఐస్‌ను ఉపయోగించరాదని సూచించారు. ప్రార్థనా మందిరాలు, బస్టాండ్లు, గ్రామాల్లో 'టామ్ టామ్' ప్రచారం ద్వారా అవగాహన కల్పించాలని, ర్యాలీలు నిర్వహించాలని తెలిపారు. ప్రతి బూత్‌లో నలుగురు సభ్యులు తమ విధులను సక్రమంగా నిర్వహించాలని, జీరో నుండి ఐదు సంవత్సరాలలోపు పిల్లల నేమ్ బేస్డ్ లిస్ట్ అందుబాటులో ఉండాలని ఆదేశించారు. పిల్లల ఎడమ చేతి చిటికెన వేలుపై గుర్తు పెట్టడానికి శాశ్వత మార్కర్ పెన్‌ను ఉపయోగించాలని పేర్కొన్నారు. ఈ సందర్భంగా ఆరోగ్య విస్తరణ అధికారి శిఖా శాంసన్ మాట్లాడుతూ, కార్యక్రమంలో నింపవలసిన రిపోర్టుల గురించి క్షుణ్ణంగా వివరించారు. వ్యాక్సిన్ క్యారియర్లలో గడ్డకట్టిన ఐస్ ప్యాకులను మాత్రమే ఉపయోగించాలని, కోల్డ్ చైన్‌ను సక్రమంగా నిర్వహించి, పిల్లలకు వ్యాక్సిన్ ఇవ్వడానికి ముందు వ్యాక్సిన్ వైల్ మానిటర్ (వివిఎం) ఉపయోగించదగిన స్థితిలో ఉందో లేదో నిర్ధారించుకోవాలని ఆమె తెలిపారు. ఈ కార్యక్రమంలో హెల్త్ సూపర్ వైజర్ శివుడు, ఆరోగ్య కార్యకర్తలు, కమ్యూనిటీ హెల్త్ ఆఫీసర్లు, అంగన్‌వాడీ కార్యకర్తలు తదితరులు పాల్గొన్నారు. ఈనెల 28వ తేదీన జరిగే పల్స్ పోలియో కార్యక్రమాన్ని విజయవంతం చేయాలని వారు విజ్ఞప్తి చేశారు.