Looking to Buy Brand : Moto Budget : 15000 City / Locality : Bongaigaon Chalantapara Body Condition : Like new Device Category : Smartphone Variant (RAM / Storage) : 3GB / 32GB Network Connectivity : 4G VoLTE 9706599658

বঙাইগাঁও জিলাৰ অভয়াপুৰী বিধানসভা সমষ্টিৰ ৰাইজৰ দীৰ্ঘদিনীয়া প্ৰতিলক্ষাৰ আজি অৱসান ঘটিবলৈ গৈছে। ১৬ নং অভয়াপুৰী বিধানসভা সমষ্টিৰ সন্মানীয় বিধায়ক শ্ৰী ভূপেন ৰায়ে ৰঘুনন্দনপুৰ আৰু পোছাগাঁও সংযোগী পথত এটা নতুন আৰ.চি.চি. (RCC) দলঙৰ আনুষ্ঠানিকভাৱে শুভ আধাৰশিলা স্থাপন কৰে। উল্লেখ্য যে, দীৰ্ঘদিন ধৰি এই অঞ্চলৰ সাধাৰণ ৰাইজে উন্নত যাতায়াত ব্যৱস্থাৰ অভাৱত চৰম দুৰ্ভোগৰ সম্মুখীন হৈ আহিছিল। এখন স্থায়ী তথা পকী দলঙৰ দাবী অঞ্চলবাসীৰ মাজত বহুতদিনীয়া আছিল, আৰু আজিৰ এই আধাৰশিলা স্থাপনৰ জৰিয়তে সেই দীৰ্ঘদিনীয়া অভাৱ আৰু দাবী পূৰণ হ’বলৈ গৈ আছে। এই নতুন আৰ.চি.চি. দলংখনৰ নিৰ্মাণকাৰ্য সম্পূৰ্ণ হ’লে অঞ্চলটোৰ যোগাযোগ আৰু যাতায়াত ব্যৱস্থাত এক অভূতপূৰ্ব পৰিৱৰ্তন আহিব বুলি গভীৰ আশা প্ৰকাশ কৰা হৈছে। ইয়াৰ ফলত যাতায়াত সুচল হোৱাৰ লগতে অঞ্চলটোৰ আৰ্থ-সামাজিক উন্নয়নৰ পথো অধিক প্ৰশস্ত হ’ব। নতুন দলংখনৰ নিৰ্মাণক কেন্দ্ৰ কৰি স্থানীয় ৰাইজৰ মাজতো ব্যাপক আনন্দ আৰু উছাহ দেখা গৈছে।

বিধানসভা নিৰ্বাচনৰ পূৰ্বৰ পৰা ধুবুৰীৰ অসম গণ পৰিষদত চলি থকা কমিটি কেন্দ্ৰীক সংঘাতে আজি চৰম ৰূপ লৈছে। অভিযোগ অনুসৰি, দলৰ পুৰণি কমিটিৰ কাৰ্যকাল চলি থকাৰ মাজতেই হঠাৎ এক নতুন কমিটি গঠন কৰা হৈছিল, যাৰ ফলত দীৰ্ঘদিন ধৰি দুটা পক্ষৰ মাজত দলীয় সংঘাত চলি আছিল। পুৰণি কমিটিৰ মতে, কেন্দ্ৰীয় কমিটিৰ জালি চহিৰে এই অবৈধ কমিটি গঠন কৰা হৈছে আৰু তেওঁলোকে ইয়াক কোনো পধ্যেই মানি নলয়। নতুন কমিটিয়ে শপত গ্ৰহণ অনুষ্ঠানো সম্পন্ন কৰিছিল। এই সংঘাতৰ মাজতে আজি নতুন কমিটিয়ে ধুবুৰীস্থিত অগপৰ জিলা কাৰ্যালয়ত তলা লগাই পুৰণি কমিটিৰ কৰ্মীক কাৰ্যালয়ত সোমোৱা নিষিদ্ধ কৰে। এই ঘটনাক লৈ পুৰণি সমিতিয়ে নতুন কমিটিৰ বিৰুদ্ধে তীব্ৰ প্ৰতিবাদ সাব্যস্ত কৰিছে। ফলত ধুবুৰী অগপত কমিটি কেন্দ্ৰীক সংঘাত এতিয়া তুংগত উঠিছে।

বাক্সাৰ কয়েমাৰীত প্ৰশাসনে বেদখলকাৰীৰ ঘৰত বুলডজাৰ চলাই উচ্ছেদ অভিযান চলালে। এই অভিযানৰ ফলত বহু বছৰৰ আইনী যুঁজৰ অন্তত ৪ কঠা ভূমি বেদখলমুক্ত কৰা হ'ল। এই কাৰ্যসূচীৰ পিছত ভুক্তভোগীসকলে অৱশেষত ন্যায় লাভ কৰিলে, যাৰ বাবে এই ভূমি বহু বছৰ ধৰি বেদখলত আছিল।

গুৱাহাটীৰ ভাইৰেল চোৰ আব্বাছ আলী বৰ্তমান কলগাছিয়াত উপস্থিত হৈছে। জুবিনৰ গীত গাই তেওঁ ভাইৰেল হৈছিল। পোষ্টটো অনুসৰি, আব্বাছ আলীৰ হেনো কোটি টকীয়া সম্পত্তি আছে, কিন্তু আচলতে তেওঁ কলগাছিয়াত কেৱল তিৰপালেৰে সজা এটা জুপুৰিত থাকে, য'ত শুবলৈও ঠাই নাই। কেমেৰাৰ সন্মুখত নিজৰ কাণত ধৰি আব্বাছ আলীয়ে এইবুলি প্ৰতিশ্ৰুতি দিছে যে তেওঁ জীৱনত আৰু চুৰ নকৰে। তেওঁ নিচাযুক্ত দ্ৰব্য সেৱন কৰি মানসিক ভাৰসাম্য হেৰুৱাই এই অৱস্থাত পৰিছে বুলি কোৱা হৈছে। কলগাছিয়াৰ তালেব আলীৰ পুত্ৰ আব্বাছ আলী নামৰ এই ব্যক্তিজনৰ এনে কাণ্ডই ৰাইজক আমোদ দিছে।

কোকৰাঝাৰ জিলাৰ দোতমা থানাৰ অধীনৰ বেলটাৰী গাঁৱৰ ওচৰেদি বৈ যোৱা হেল নৈৰ পানীত পৰি এজন লোক নিৰুদ্দেশ হৈছে। যোৱাকালি আবেলিৰ ভাগত গৰু লৈ নৈ পাৰ হওঁতেই সত্যেশ্বৰ ৰায় নামৰ লোকজন নিৰুদ্দেশ হয়। আজি এছডিআৰএফ বাহিনীয়ে নৈখনত অভিযান চলাইছে যদিও বৰ্তমানলৈকে তেওঁৰ কোনো খবৰ লাভ কৰিবলৈ সক্ষম হোৱা নাই।