चहा पिण्यासाठी वापरल्या जाणाऱ्या कागदी कपांवर बंदी नियम मोडल्यास 2 वर्षांपर्यंत कारावास व 1 लाख रुपये दंड चहा पिण्यासाठी वापरल्या जाणाऱ्या कागदी कपांवर बंदी नियम मोडल्यास 2 वर्षांपर्यंत कारावास व 1 लाख रुपये दंड परभणी | प्रतिनिधी कॅन्सरसारख्या गंभीर आजारांना कारणीभूत ठरत असल्याची शक्यता लक्षात घेऊन परभणी जिल्ह्यात चहा पिण्यासाठी वापरल्या जाणाऱ्या कागदी कपांवर बंदी घालण्याचे आदेश जिल्हाधिकाऱ्यांनी जारी केले आहेत. या आदेशाचे उल्लंघन करणाऱ्यांवर दोन वर्षांपर्यंत कारावास आणि एक लाख रुपयांपर्यंत दंडाची कारवाई करण्यात येणार असल्याचे प्रशासनाने स्पष्ट केले आहे. जिल्हाधिकारी कार्यालय, परभणी येथील उपजिल्हाधिकारी (सामान्य प्रशासन) यांच्या स्वाक्षरीने काढण्यात आलेल्या पत्रानुसार, चहासाठी वापरले जाणारे कागदी कप तयार करताना ‘बीपीए’ (BPA) सारख्या रासायनिक पदार्थांचा वापर केला जातो. गरम चहा ओतल्यानंतर कपाच्या आतील बाजूस असलेले प्लास्टिकचे सूक्ष्म कण वितळून पेयामध्ये मिसळण्याची शक्यता असते. हे कण शरीरात गेल्यास कॅन्सरसारख्या गंभीर आजारांचा धोका वाढू शकतो, असे नमूद करण्यात आले आहे. हा निर्णय सय्यद रफीक पेडगावकर, परभणी जिल्हाध्यक्ष यांनी दिनांक 23 डिसेंबर 2024 रोजी दिलेल्या निवेदनाच्या आधारे घेण्यात आल्याचे पत्रात नमूद आहे. जिल्ह्यात मोठ्या प्रमाणावर कागदी कपांचा वापर होत असल्याने सार्वजनिक आरोग्याच्या दृष्टीने तातडीने बंदी आवश्यक असल्याचे प्रशासनाने म्हटले आहे. या आदेशाची अंमलबजावणी करण्यासाठी महापालिका प्रशासन तसेच अन्न व औषध प्रशासन विभागाला आवश्यक निर्देश देण्यात आले आहेत. हॉटेल चालक, टपरीधारक आणि चहा विक्रेत्यांनी तत्काळ पर्यायी सुरक्षित साधनांचा वापर करावा, अन्यथा कायदेशीर कारवाईला सामोरे जावे लागेल, असा इशारा प्रशासनाने दिला आहे. दरम्यान, या निर्णयामुळे चहा विक्रेते आणि हॉटेल व्यावसायिकांमध्ये चर्चा सुरू झाली असून, पर्यावरणपूरक आणि आरोग्यदायी पर्यायांचा अवलंब करण्याची गरज व्यक्त केली जात आहे.

क्राईम महाराष्ट्र लाईव्ह न्यूज

पुरंदर, पुणे, महाराष्ट्र•

5 hrs ago

चहा पिण्यासाठी वापरल्या जाणाऱ्या कागदी कपांवर बंदी नियम मोडल्यास 2 वर्षांपर्यंत कारावास व 1 लाख रुपये दंड चहा पिण्यासाठी वापरल्या जाणाऱ्या कागदी कपांवर बंदी नियम मोडल्यास 2 वर्षांपर्यंत कारावास व 1 लाख रुपये दंड परभणी | प्रतिनिधी कॅन्सरसारख्या गंभीर आजारांना कारणीभूत ठरत असल्याची शक्यता लक्षात घेऊन परभणी जिल्ह्यात चहा पिण्यासाठी वापरल्या जाणाऱ्या कागदी कपांवर बंदी घालण्याचे आदेश जिल्हाधिकाऱ्यांनी जारी केले आहेत. या आदेशाचे उल्लंघन करणाऱ्यांवर दोन वर्षांपर्यंत कारावास आणि एक लाख रुपयांपर्यंत दंडाची कारवाई करण्यात येणार असल्याचे प्रशासनाने स्पष्ट केले आहे. जिल्हाधिकारी कार्यालय, परभणी येथील उपजिल्हाधिकारी (सामान्य प्रशासन) यांच्या स्वाक्षरीने काढण्यात आलेल्या पत्रानुसार, चहासाठी वापरले जाणारे कागदी कप तयार करताना ‘बीपीए’ (BPA) सारख्या रासायनिक पदार्थांचा वापर केला जातो. गरम चहा ओतल्यानंतर कपाच्या आतील बाजूस असलेले प्लास्टिकचे सूक्ष्म कण वितळून पेयामध्ये मिसळण्याची शक्यता

असते. हे कण शरीरात गेल्यास कॅन्सरसारख्या गंभीर आजारांचा धोका वाढू शकतो, असे नमूद करण्यात आले आहे. हा निर्णय सय्यद रफीक पेडगावकर, परभणी जिल्हाध्यक्ष यांनी दिनांक 23 डिसेंबर 2024 रोजी दिलेल्या निवेदनाच्या आधारे घेण्यात आल्याचे पत्रात नमूद आहे. जिल्ह्यात मोठ्या प्रमाणावर कागदी कपांचा वापर होत असल्याने सार्वजनिक आरोग्याच्या दृष्टीने तातडीने बंदी आवश्यक असल्याचे प्रशासनाने म्हटले आहे. या आदेशाची अंमलबजावणी करण्यासाठी महापालिका प्रशासन तसेच अन्न व औषध प्रशासन विभागाला आवश्यक निर्देश देण्यात आले आहेत. हॉटेल चालक, टपरीधारक आणि चहा विक्रेत्यांनी तत्काळ पर्यायी सुरक्षित साधनांचा वापर करावा, अन्यथा कायदेशीर कारवाईला सामोरे जावे लागेल, असा इशारा प्रशासनाने दिला आहे. दरम्यान, या निर्णयामुळे चहा विक्रेते आणि हॉटेल व्यावसायिकांमध्ये चर्चा सुरू झाली असून, पर्यावरणपूरक आणि आरोग्यदायी पर्यायांचा अवलंब करण्याची गरज व्यक्त केली जात आहे.