शिवजयंती निमित्त खामगावचा आठवडी बाजार गुरुवारी ऐवजी शुक्रवारी; जिल्हादंडाधिकाऱ्यांचे आदेश ​खामगाव : शहरात १९ फेब्रुवारी रोजी साजरी होणारी छत्रपती शिवाजी महाराज जयंती आणि त्यानिमित्त निघणारी भव्य मिरवणूक लक्षात घेता, प्रशासनाने मोठा निर्णय घेतला आहे. गुरुवारी (१९ फेब्रुवारी) भरणारा खामगावचा मुख्य आठवडी बाजार रद्द करण्यात आला असून, तो आता त्याच्या पुढील दिवशी म्हणजेच शुक्रवारी भरवण्यात येणार आहे. ​बुलढाणा पोलीस अधीक्षकांनी यासंदर्भात जिल्हा प्रशासनाला अहवाल सादर केला होता. शिवजयंतीनिमित्त शहरातून निघणाऱ्या मिरवणुकीत हजारो नागरिक सहभागी होतात. त्याच दिवशी आठवडी बाजार भरल्यास शहरात प्रचंड वाहतूक कोंडी होण्याची आणि कायदा व सुव्यवस्थेचा प्रश्न निर्माण होण्याची शक्यता होती. हा संभाव्य धोका टाळण्यासाठी बाजार पुढे ढकलण्याची विनंती करण्यात आली होती. ​या परिस्थितीचा विचार करून जिल्हादंडाधिकाऱ्यांनी 'बाजार आणि यात्रा कायदा, १८६२' च्या कलम ५ नुसार प्राप्त अधिकारांचा वापर करून निर्णय घेतले आहे.त्यानुसार १९ फेब्रुवारी २०२६ बंद राहणार असून दुसऱ्या दिवशी २० फेब्रुवारी २०२६ बाजार भरणार आहे. मिरवणुकीचा मार्ग मोकळा राहावा आणि भाविकांची गैरसोय होऊ नये यासाठी सर्व नागरिक, शेतकरी आणि व्यापाऱ्यांनी या बदलाची नोंद घेऊन प्रशासनाला सहकार्य करावे, असे आवाहन करण्यात आले आहे.

Shivaji Bhosale

Journalist खामगाव, बुलढाणा, महाराष्ट्र•

4 hrs ago

शिवजयंती निमित्त खामगावचा आठवडी बाजार गुरुवारी ऐवजी शुक्रवारी; जिल्हादंडाधिकाऱ्यांचे आदेश ​खामगाव : शहरात १९ फेब्रुवारी रोजी साजरी होणारी छत्रपती शिवाजी महाराज जयंती आणि त्यानिमित्त निघणारी भव्य मिरवणूक लक्षात घेता, प्रशासनाने मोठा निर्णय घेतला आहे. गुरुवारी (१९ फेब्रुवारी) भरणारा खामगावचा मुख्य आठवडी बाजार रद्द करण्यात आला असून, तो आता त्याच्या पुढील दिवशी म्हणजेच शुक्रवारी भरवण्यात येणार आहे. ​बुलढाणा पोलीस अधीक्षकांनी यासंदर्भात जिल्हा प्रशासनाला अहवाल सादर केला होता. शिवजयंतीनिमित्त शहरातून निघणाऱ्या मिरवणुकीत हजारो नागरिक सहभागी होतात. त्याच दिवशी आठवडी बाजार भरल्यास शहरात प्रचंड वाहतूक कोंडी होण्याची आणि कायदा व सुव्यवस्थेचा प्रश्न निर्माण होण्याची शक्यता होती. हा संभाव्य धोका टाळण्यासाठी बाजार पुढे ढकलण्याची विनंती करण्यात आली होती. ​या परिस्थितीचा विचार करून जिल्हादंडाधिकाऱ्यांनी 'बाजार आणि यात्रा कायदा, १८६२' च्या कलम ५ नुसार प्राप्त अधिकारांचा वापर करून निर्णय घेतले आहे.त्यानुसार १९ फेब्रुवारी २०२६ बंद राहणार असून दुसऱ्या दिवशी २० फेब्रुवारी २०२६ बाजार भरणार आहे. मिरवणुकीचा मार्ग मोकळा राहावा आणि भाविकांची गैरसोय होऊ नये यासाठी सर्व नागरिक, शेतकरी आणि व्यापाऱ्यांनी या बदलाची नोंद घेऊन प्रशासनाला सहकार्य करावे, असे आवाहन करण्यात आले आहे.