नागपूर मेट्रोच्या लोगोचा गैरवापर करून तसेच बनावट नियुक्ती पत्रांच्या आधारे नोकरी देण्याचे आमिष दाखवत फसवणुकीचे प्रकार सातत्याने वाढताना दिसत आहेत. महा मेट्रो नागपूरने नागरिकांना, विशेषतः बेरोजगार तरुणांना, अशा पैशांच्या बदल्यात नोकरी देण्याच्या अफवांना बळी न पडण्याचे आवाहन केले आहे. अनेक समाजकंटक मेट्रोत कार्यरत अधिकाऱ्यांशी ओळख असल्याचा दावा करत युवकांना दिशाभूल करत आहेत आणि पैसे उकळत आहेत. या फसवणुकीच्या प्रकारांमध्ये बनावट वेबसाईट बनवून पैसे घेणे, बनावट अधिकाऱ्यांच्या स्वाक्षरीची बोगस नियुक्ती पत्रे देणे, आणि खोट्या मेल-आयडीद्वारे नियुक्ती झाल्याची दिशाभूल करणे यासारख्या पद्धतींचा समावेश आहे. या गंभीर प्रकरणांची दखल घेत महा मेट्रो नागपूरने यापूर्वीच बजाज नगर पोलीस ठाण्यात तक्रार दाखल केली असून, त्यावर प्रथम सूचना अहवाल (FIR) नोंदवून तपास सुरू आहे. आता नागपूर मेट्रोच्या लोगोचा गैरवापर करत होणाऱ्या फसवणुकीसाठी मेट्रो प्रशासनाने नागपूर पोलिसांच्या सायबर शाखेतही तक्रार दिली आहे. सायबर शाखेकडून एक संबंधित तक्रार सोनेगाव पोलीस ठाण्याकडे वर्ग करण्यात आली असून, लवकरच तेथेही FIR दाखल होण्याची शक्यता आहे. महा मेट्रोने यापूर्वीही नागरिकांमध्ये जागृती निर्माण करण्यासाठी सातत्याने पाठपुरावा केला आहे आणि यासंबंधी बातम्या देखील प्रकाशित केल्या आहेत. मेट्रोमध्ये कोणतीही पदभरती होत असताना, तिची सर्व अधिकृत माहिती महा मेट्रोच्या अधिकृत वेबसाईटवर आणि प्रतिष्ठित वर्तमानपत्रांमध्येच प्रकाशित केली जाते. त्यामुळे कोणत्याही नोकरी संबंधी माहिती मिळाल्यास ती महा मेट्रोचे संकेतस्थळ किंवा मेट्रो भवन कार्यालयातून पडताळून पाहण्याचे आवाहन नागरिकांना करण्यात येत आहे. महा मेट्रो नागपूरने नागरिकांना, विशेषतः तरुणांना, अशा भूलथापांना बळी न पडण्याचे आणि फसवणूक झाल्यास त्वरित संबंधित पोलीस ठाण्यात तक्रार दाखल करण्याचे पुन्हा एकदा आवाहन केले आहे.

Deonath Gandate

Web Designer नागपूर (शहरी), नागपूर, महाराष्ट्र•

17 hrs ago

नागपूर मेट्रोच्या लोगोचा गैरवापर करून तसेच बनावट नियुक्ती पत्रांच्या आधारे नोकरी देण्याचे आमिष दाखवत फसवणुकीचे प्रकार सातत्याने वाढताना दिसत आहेत. महा मेट्रो नागपूरने नागरिकांना, विशेषतः बेरोजगार तरुणांना, अशा पैशांच्या बदल्यात नोकरी देण्याच्या अफवांना बळी न पडण्याचे आवाहन केले आहे. अनेक समाजकंटक मेट्रोत कार्यरत अधिकाऱ्यांशी ओळख असल्याचा दावा करत युवकांना दिशाभूल करत आहेत आणि पैसे उकळत आहेत. या फसवणुकीच्या प्रकारांमध्ये बनावट वेबसाईट बनवून पैसे घेणे, बनावट अधिकाऱ्यांच्या स्वाक्षरीची बोगस नियुक्ती पत्रे देणे, आणि खोट्या मेल-आयडीद्वारे नियुक्ती झाल्याची दिशाभूल करणे यासारख्या पद्धतींचा समावेश आहे. या गंभीर प्रकरणांची दखल घेत महा मेट्रो नागपूरने यापूर्वीच बजाज नगर पोलीस ठाण्यात तक्रार दाखल केली असून, त्यावर प्रथम सूचना अहवाल (FIR) नोंदवून तपास सुरू आहे. आता नागपूर मेट्रोच्या लोगोचा गैरवापर करत होणाऱ्या फसवणुकीसाठी मेट्रो प्रशासनाने नागपूर पोलिसांच्या सायबर शाखेतही तक्रार दिली आहे. सायबर शाखेकडून एक संबंधित तक्रार सोनेगाव पोलीस ठाण्याकडे वर्ग करण्यात आली असून, लवकरच तेथेही FIR दाखल होण्याची शक्यता आहे. महा मेट्रोने यापूर्वीही नागरिकांमध्ये जागृती निर्माण करण्यासाठी सातत्याने पाठपुरावा केला आहे आणि यासंबंधी बातम्या देखील प्रकाशित केल्या आहेत. मेट्रोमध्ये कोणतीही पदभरती होत असताना, तिची सर्व अधिकृत माहिती महा मेट्रोच्या अधिकृत वेबसाईटवर आणि प्रतिष्ठित वर्तमानपत्रांमध्येच प्रकाशित केली जाते. त्यामुळे कोणत्याही नोकरी संबंधी माहिती मिळाल्यास ती महा मेट्रोचे संकेतस्थळ किंवा मेट्रो भवन कार्यालयातून पडताळून पाहण्याचे आवाहन नागरिकांना करण्यात येत आहे. महा मेट्रो नागपूरने नागरिकांना, विशेषतः तरुणांना, अशा भूलथापांना बळी न पडण्याचे आणि फसवणूक झाल्यास त्वरित संबंधित पोलीस ठाण्यात तक्रार दाखल करण्याचे पुन्हा एकदा आवाहन केले आहे.