చదువుకునే విద్యార్థులు, కూలీలు, మహిళలు సహా సాధారణ ప్రజల రోజువారీ ప్రయాణాలకు ఆటోలనే ఆశ్రయిస్తారు. ముఖ్యంగా అనేక గ్రామాల్లో బస్సు సౌకర్యం లేని కారణంగా ప్రజలు పట్టణాలకు వెళ్లాలంటే ఆటో డ్రైవర్లనే నమ్ముకుంటారు. సమాజంలో రాత్రి అనక, పగలనక కష్టపడుతూ ప్రజలను సురక్షితంగా గమ్యస్థానాలకు చేర్చే ఈ ఆటో డ్రైవర్లు, పేదవారి కారుగా పేరుగాంచిన తమ వాహనంతో ప్రస్తుతం తీవ్ర ఆర్థిక ఇబ్బందులను ఎదుర్కొంటున్నారు. ప్రభుత్వాలు డీజిల్, పెట్రోల్, గ్యాస్ ధరలను పెంచుతుండటం, మహిళలకు ఉచిత బస్సు ప్రయాణం అందుబాటులోకి రావడంతో వారు ఆటోలను ఎక్కడం తగ్గింది. దీనికి తోడు రాపిడో, ఓలా, ఉబర్, జుగునో వంటి యాప్ ఆధారిత సేవలు ఆటో డ్రైవర్ల జీవనోపాధిని తీవ్రంగా దెబ్బతీస్తున్నాయి. ఈ పరిణామాల నేపథ్యంలో, నల్గొండ పట్టణ ఆటో డ్రైవర్లు, యజమానుల అన్ని యూనియన్ల ప్రతినిధులు ఆదివారం ఎన్జీ కాలేజ్ గ్రౌండ్‌లో ఒక సమావేశం నిర్వహించారు. పెరిగిన ఇంధన ధరలతో ఆర్థిక భారం పెరిగిందని, కార్పొరేట్ సంస్థల యాప్‌ల వల్ల తీవ్ర నష్టం జరుగుతోందని వారు ఆవేదన వ్యక్తం చేశారు. తక్షణమే నల్గొండ పట్టణంలో ఈ యాప్‌లను నిషేధించాలని వారు డిమాండ్ చేయడంతో పాటు, కలెక్టర్, ఆర్టీవో, మంత్రికి మెమోరాండం సమర్పించాలని ఈ సమావేశంలో నిర్ణయించారు. ఈ కార్యక్రమంలో బీఆర్టీయూ, టీఏటీయూ ఆటో యూనియన్ నల్గొండ జిల్లా అధ్యక్షులు కలగోని యాదగిరి గౌడ్, రైల్వే స్టేషన్ అధ్యక్షులు యాదయ్య, నల్గొండ పట్టణ బస్టాండ్ అధ్యక్షులు లింగరాజు, అసలం పానగల్ అధ్యక్షులు బొంత రోశయ్య, మహేశ్వరి బస్టాండ్ బయట అధ్యక్షులు దశరథ, చౌరస్తా మతిన్, క్లాక్ టవర్ శంకర్, రాంబాబు, చోటుతో పాటు నల్గొండ పట్టణంలోని పలు ఇతర ఆటో సంఘాల ప్రతినిధులు పాల్గొన్నారు.

Praneeth

Nalgonda, Telangana•

1 hr ago

చదువుకునే విద్యార్థులు, కూలీలు, మహిళలు సహా సాధారణ ప్రజల రోజువారీ ప్రయాణాలకు ఆటోలనే ఆశ్రయిస్తారు. ముఖ్యంగా అనేక గ్రామాల్లో బస్సు సౌకర్యం లేని కారణంగా ప్రజలు పట్టణాలకు వెళ్లాలంటే ఆటో డ్రైవర్లనే నమ్ముకుంటారు. సమాజంలో రాత్రి అనక, పగలనక కష్టపడుతూ ప్రజలను సురక్షితంగా గమ్యస్థానాలకు చేర్చే ఈ ఆటో డ్రైవర్లు, పేదవారి కారుగా పేరుగాంచిన తమ వాహనంతో ప్రస్తుతం తీవ్ర ఆర్థిక ఇబ్బందులను ఎదుర్కొంటున్నారు. ప్రభుత్వాలు డీజిల్, పెట్రోల్, గ్యాస్ ధరలను పెంచుతుండటం, మహిళలకు ఉచిత బస్సు ప్రయాణం అందుబాటులోకి రావడంతో వారు ఆటోలను ఎక్కడం తగ్గింది. దీనికి తోడు రాపిడో, ఓలా, ఉబర్, జుగునో వంటి యాప్ ఆధారిత సేవలు ఆటో డ్రైవర్ల జీవనోపాధిని తీవ్రంగా దెబ్బతీస్తున్నాయి. ఈ పరిణామాల నేపథ్యంలో, నల్గొండ పట్టణ ఆటో డ్రైవర్లు, యజమానుల అన్ని యూనియన్ల ప్రతినిధులు ఆదివారం ఎన్జీ కాలేజ్ గ్రౌండ్‌లో ఒక సమావేశం నిర్వహించారు. పెరిగిన ఇంధన ధరలతో ఆర్థిక భారం పెరిగిందని, కార్పొరేట్ సంస్థల యాప్‌ల వల్ల తీవ్ర నష్టం జరుగుతోందని వారు ఆవేదన వ్యక్తం చేశారు. తక్షణమే నల్గొండ పట్టణంలో ఈ యాప్‌లను నిషేధించాలని వారు డిమాండ్ చేయడంతో పాటు, కలెక్టర్, ఆర్టీవో, మంత్రికి మెమోరాండం సమర్పించాలని ఈ సమావేశంలో నిర్ణయించారు. ఈ కార్యక్రమంలో బీఆర్టీయూ, టీఏటీయూ ఆటో యూనియన్ నల్గొండ జిల్లా అధ్యక్షులు కలగోని యాదగిరి గౌడ్, రైల్వే స్టేషన్ అధ్యక్షులు యాదయ్య, నల్గొండ పట్టణ బస్టాండ్ అధ్యక్షులు లింగరాజు, అసలం పానగల్ అధ్యక్షులు బొంత రోశయ్య, మహేశ్వరి బస్టాండ్ బయట అధ్యక్షులు దశరథ, చౌరస్తా మతిన్, క్లాక్ టవర్ శంకర్, రాంబాబు, చోటుతో పాటు నల్గొండ పట్టణంలోని పలు ఇతర ఆటో సంఘాల ప్రతినిధులు పాల్గొన్నారు.