ଆନନ୍ଦ ପଡା ରଥପୁର ମେହେର ପଡା ରେ ମହା ଧୁମ ଧାମ ରେ ପାଳନ ହେଇଛି ଆଗ୍ରପୁଜ୍ୟ ଗଣେଶ ପୂଜା।

ଜନସେବା ରୁ ରାଷ୍ଟ୍ରସେବା - 2029 ପୂର୍ବରୁ ସମସ୍ତ NDA ଶାସିତ 21 ଟି ରାଜ୍ୟରେ UCC ଲାଗୁ ହେବ - ଗୃହମନ୍ତ୍ରୀ ଅମିତ ଶାହ ବଡ ଘୋଷଣା

ନୂଆଁଖାଇ ଭେଟ୍ ଘାଟ୍ କୁ ନେଇ ଗାଁ ଗାଁ ରେ ଉତ୍ସାହ - ଚୂଡ଼ାନ୍ତ ପ୍ରସ୍ତୁତିରେ ବିଭିନ୍ନ କମିଟି - - ଜୁହାର ଭେଟ ସାଙ୍ଗକୁ ଜମିବ ନାଚଗୀତର ଆସର - - ବୀରମହାରାଜପୁର ଉପଖଣ୍ଡ - ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇକୁ ନେଇ ଚାରିଆଡ଼େ ଉତ୍ସବର ମାହୋଲ। ନୂଆଁଖାଇ ଆସିବା ପୂର୍ବରୁ ହିଁ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡର ଗାଁଠୁ ସହର ପର୍ଯ୍ୟନ୍ତ ଚଳଚଞ୍ଚଳ ହୋଇପଡ଼ିଛି। ନୂଆଁଖାଇ ପରେ ହେବାକୁ ଥିବା ଜୁହାର ଭେଟ ଓ ଭେଟଘାଟ କାର୍ଯ୍ୟକ୍ରମ ପାଇଁ ବିଭିନ୍ନ ଅନୁଷ୍ଠାନ ଓ ଗ୍ରାମରେ ପ୍ରସ୍ତୁତି ଏକପ୍ରକାର ଚୂଡ଼ାନ୍ତ ହୋଇସାରିଛି। ନୂଆଁଖାଇ ଦିନ ନିଜ ନିଜ ଇଷ୍ଟଦେବୀଙ୍କ ଠାରେ ନବାନ୍ନ ଲାଗି ହେବା ପରେ ପରିବାରର ବୟୋଜ୍ୟେଷ୍ଠଙ୍କ ଠାରୁ ନବାର୍ଣ୍ଣ ଗ୍ରହଣ କରିବାର ପରମ୍ପରା ରହିଛି। ଘରେ ଘରେ ଛଅ ତିଅଣ, ନଅ ଭଜା ସାଙ୍ଗକୁ ବିଭିନ୍ନ ପାରମ୍ପରିକ ପିଠାପଣାର ଆସର ଜମିଥାଏ। ଏହାପରେ ଗାଁ ଗାଁରେ ଜୁହାର ଭେଟ ସାଙ୍ଗକୁ ନୂଆଁଖାଇ ଭେଟଘାଟ ଆୟୋଜିତ ହୋଇଥାଏ। ବୀରମହାରାଜପୁର ସମେତ ଉଲୁଣ୍ଡା, ସୁବଳୟା, ଟିକ୍ରାପଡ଼ା,ଉଫୁଲା, ଦାଦରପାଲି, ଭାଲୁଡୁଙ୍ଗୁରୀ, କୋଟସମଲାଇ, ମୁର୍ଷୁଣ୍ଢୀ, ଅମରପାଲି, ବଡ଼ଖମାର, ଚମ୍ପାମାଳ,ଯାଲୋଏ, କଳାପଥର, ଗୌଡ଼ଗାଁ, ଖୁଣ୍ଟୁଲାପାଲି, ଚମ୍ପାମାଳ, ପିତାମହୁଲ ଆଦି ଅଞ୍ଚଳରେ ଭେଟଘାଟ କାର୍ଯ୍ୟକ୍ରମ ପାଇଁ କମିଟି ଗଠନ କରାଯାଇଛି। ମଞ୍ଚ ପ୍ରସ୍ତୁତି, କଳାକାର ଚୟନ, ଅତିଥିଙ୍କୁ ନିମନ୍ତ୍ରଣ ଓ କାର୍ଯ୍ୟକ୍ରମ ପରିଚାଳନା ନେଇ କମିଟି ସଦସ୍ୟମାନେ ତତ୍ପର ହୋଇପଡ଼ିଛନ୍ତି। ବୀରମହାରାଜପୁର କଲେଜ ଅଧ୍ୟକ୍ଷ ହିମାଂଶୁ ଶେଖର ପାଢ଼ୀ କହନ୍ତି, ‘‘ପଶ୍ଚିମ ଓଡ଼ିଶାର ଧର୍ମୀୟ ଓ ସାଂସ୍କୃତିକ ପରମ୍ପରାରେ ନୂଆଁଖାଇର ସ୍ଥାନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ପୂର୍ବରୁ ନୂଆଁ ଖାଇବା ପରେ ସମସ୍ତେ ନିଜ ଅଧିଷ୍ଠାତ୍ରୀ ଦେବୀଙ୍କୁ ଦର୍ଶନ କରିବା ସହ ଘର ଓ ଗାଁର ଗୁରୁଜନଙ୍କୁ ମୁଣ୍ଡିଆ ମାରି ଆଶୀର୍ବାଦ ଗ୍ରହଣ କରୁଥିଲେ। ଏବେ ପ୍ରତ୍ୟେକ ଅଞ୍ଚଳରେ ନୂଆଁଖାଇ ଭେଟଘାଟ ଆୟୋଜନ ହେଉଛି। ଏହା ମାଧ୍ୟମରେ ଅଞ୍ଚଳବାସୀ ପରସ୍ପରକୁ ଭେଟି ସମ୍ମାନ ପ୍ରଦର୍ଶନ କରିବାର ସୁଯୋଗ ପାଉଛନ୍ତି। ସମାଜକୁ ଏକତାର ସୂତ୍ରରେ ବାନ୍ଧିବା ଓ ଭାଇଚାରା ସୃଷ୍ଟି କରିବାରେ ଭେଟଘାଟ ପ୍ରମୁଖ ଭୂମିକା ନେଇଛି। ବିଶେଷକରି ରାଜ୍ୟ ତଥା ଦେଶ ବାହାରେ ରହୁଥିବା ଲୋକେ ଏହି ଅବସରରେ ନିଜ ସମ୍ପର୍କୀୟଙ୍କୁ ଭେଟିବାର ସୁଯୋଗ ପାଆନ୍ତି।’’ ଜମିବ ନାଚଗୀତର ଆସର ନୂଆଁଖାଇ ଭେଟଘାଟର ଅନ୍ୟତମ ଆକର୍ଷଣ ହେବ ପାରମ୍ପରିକ ନାଚଗୀତ। ବିଭିନ୍ନ ସ୍ଥାନରେ ସମ୍ବଲପୁରୀ ନୃତ୍ୟ, ଡାଲଖାଇ, ଚୁଟ୍‌କୁଚୁଟା ଆଦି ଲୋକନୃତ୍ୟ ଓ ସଙ୍ଗୀତ ପରିବେଷଣ ପାଇଁ କଳାକାରମାନେ ପ୍ରସ୍ତୁତ ହୋଇସାରିଛନ୍ତି। ବାଳକ, ବାଳିକା, ମହିଳା ଓ ପୁରୁଷଙ୍କୁ ନେଇ ବିଭିନ୍ନ ପ୍ରତିଯୋଗିତା ମଧ୍ୟ ଆୟୋଜନ କରାଯିବ। କୃତୀ ପ୍ରତିଯୋଗୀଙ୍କୁ ଭେଟଘାଟ ଅବସରରେ ପୁରସ୍କୃତ କରାଯିବ। ବୀରମହାରାଜପୁର ବ୍ଲକ କେନଝିରିଆପାଲି ଗ୍ରାମର କଣ୍ଠଶିଳ୍ପୀ ମଦନ ସୁନ୍ଦର ଭୋଇ କହନ୍ତି, ‘‘ଭୀମଭୋଇ କଳା ନିକେତନ ନାମରେ ଆମର ଏକ ସମ୍ବଲପୁରୀ ଲୋକନୃତ୍ୟ ଦଳ ରହିଛି। ଏଥିରେ ୨୦ରୁ ଅଧିକ କଳାକାର ଅଛନ୍ତି। ଚଳିତ ନୂଆଁଖାଇକୁ ନେଇ ଆମେ ନୂଆ ଗୀତ, ନୃତ୍ୟ ଓ ବାଦ୍ୟ ପ୍ରସ୍ତୁତ କରିଛୁ। ନୂଆଁଖାଇ ଦିନଠାରୁ ମାସବ୍ୟାପୀ ବିଭିନ୍ନ ସ୍ଥାନରେ ଭେଟଘାଟ ହେବ। ଆମ ଦଳ ବିଭିନ୍ନ ସ୍ଥାନକୁ ଯାଇ କଳା ପରିବେଷଣ କରିବ।’’ ମୁର୍ଷୁଣ୍ଢୀ ଗ୍ରାମର ସୌମ୍ୟରଞ୍ଜନ ରଥ କହନ୍ତି, ‘‘ଆମ ଗ୍ରାମରେ ପ୍ରାୟ ୨ ବର୍ଷ ହେଲା ବଡ଼ ଆକାରରେ ନୂଆଁଖାଇ ଭେଟଘାଟ ଆୟୋଜନ କରାଯାଉଛି। ଚଳିତବର୍ଷ ମଧ୍ୟ ସମସ୍ତ ପ୍ରସ୍ତୁତି ଆରମ୍ଭ ହୋଇଛି। ମଞ୍ଚ ପ୍ରସ୍ତୁତି ସହ କଳାକାର ଓ ଅତିଥିଙ୍କୁ ନିମନ୍ତ୍ରଣ କରାଯାଇଛି। ଏଥିପାଇଁ ପ୍ରାୟ ୪ ଲକ୍ଷ ଟଙ୍କାର ବଜେଟ୍ ରଖାଯାଇଛି। ଚଳିତବର୍ଷ ବିଶିଷ୍ଟ କଣ୍ଠଶିଳ୍ପୀ ଓ ନୃତ୍ୟଶିଳ୍ପୀମାନେ ଆସି କଳା ପରିବେଷଣ କରିବେ।’’ ଦୁର୍ଜନତୈଲା ପଞ୍ଚାୟତ ଦାଦରପାଲି ଗ୍ରାମର ସନତ ମହାକୁର ଓ ବହଳପଦର ପଞ୍ଚାୟତ ଭାଲୁଡୁଙ୍ଗୁରୀ ଗ୍ରାମର ସରୋଜ ସାହୁ କହନ୍ତି, ‘‘ଆମ ଗ୍ରାମରେ ପ୍ରତିବର୍ଷ ନୂଆଁଖାଇ ପରେ ଅପରାହ୍ନରୁ ରାତି ପର୍ଯ୍ୟନ୍ତ ଭେଟଘାଟ ହୋଇଥାଏ। ଏଥିରେ ଗ୍ରାମର ବିଭିନ୍ନ କ୍ଷେତ୍ରର ପ୍ରତିଭାଙ୍କୁ ସମ୍ବର୍ଦ୍ଧିତ କରାଯାଏ। ବିଭିନ୍ନ ପ୍ରତିଯୋଗିତା କରାଯାଇ କୃତୀ ପ୍ରତିଯୋଗୀଙ୍କୁ ପୁରସ୍କୃତ କରାଯାଏ। ଏହା ସହ ନୃତ୍ୟଗୀତର ଆସର ମଧ୍ୟ ଜମିଥାଏ।’’ ନୂଆଁଖାଇ କେବଳ ନୂଆ ଖାଇବାର ପର୍ବ ନୁହେଁ, ଏହା ଭାଇଚାରା, ଆତ୍ମୀୟତା ଓ ସାମାଜିକ ଏକତାର ପର୍ବ। ଜୁହାର ଭେଟଠାରୁ ଆରମ୍ଭ କରି ନୃତ୍ୟ, ସଙ୍ଗୀତ ଓ ସାଂସ୍କୃତିକ ଆୟୋଜନ ପର୍ଯ୍ୟନ୍ତ ସବୁକିଛିରେ ଏହାର ନିଆରା ପରମ୍ପରା ପ୍ରତିଫଳିତ ହୋଇଥାଏ। ଏଣୁ ଚଳିତବର୍ଷ ମଧ୍ୟ ନୂଆଁଖାଇ ଭେଟଘାଟକୁ ନେଇ ବୀରମହାରାଜପୁର ଅଞ୍ଚଳବାସୀଙ୍କ ମଧ୍ୟରେ ଉତ୍ସାହ ଓ ଅପେକ୍ଷା ବଢ଼ିଚାଲିଛି।

କଣ୍ଟାମାଳ ବ୍ଳକ ଘୁଲଘୁଲାପଦର ଠାରେ ସନ୍ଥ ଗୁରୁ ଶ୍ରୀ ରବି ଦାସଙ୍କ ୬୫୦ ତମ ଜୟନ୍ତୀ ପାଳ ନଅବସରରେ ପବିତ୍ର କଳସ ଯାତ୍ରାର ଶୁଭ ଉଦ୍ଘାଟନ ସନ୍ଥ ଶିରୋମଣୀ ଗୁରୁ ଶ୍ରୀ ରବି ଦାସ ଙ୍କ 650ତମ ଜୟନ୍ତୀ ସମରସ ସଂକଳ୍ପ ମଣ୍ଡଳ ଠାରୁ ଶକ୍ତିକେନ୍ଦ୍ର ପର୍ଯ୍ୟନ୍ତ ପବିତ୍ର କଳସ ଯାତ୍ରାର ଶୁଭ ଉଦଘାଟନ କଣ୍ଟାମାଳ ମଣ୍ଡଳ ଘୁଳଘୁଲାପଦର ଠାରେ ଅନୁଷ୍ଠିତ ହୋଇଯାଇଛି. ଏହି ଶୁଭ କଳସ ଯାତ୍ରାରେ ମୁଖ୍ୟଅତିଥି ଜିଲ୍ଲା ଅନୁସୂଚିତ ଜାତିମୋର୍ଚା ସଭାପତି ଶ୍ରୀଯୁକ୍ତ ରାମଚନ୍ଦ୍ର ତାଣ୍ଡି ଅନୁଷ୍ଠାନିକ ଭାବେ ଶୁଭାରମ୍ଭ କରିଥିଲେ., କାର୍ଯ୍ୟକ୍ରମ ଆରମ୍ଭ ରେ ଗ୍ରାମର ଅନୁସୂଚିତ, ଦଳିତ ମାନେ, ମହିଳା, ପୁରୁଷ, ଆବାଳ ବୃଦ୍ଧ ବନିତା ଶୁଭ କଳସ ବସାଇ ଅତିଥି ମାନଙ୍କୁ ପାଛୋଟି ଆଣିଥିଲେ.ଏହି କାର୍ଯ୍ୟକ୍ରମ ରେ ରାଜ୍ୟ ଅନୁସୂଚିତ ଜାତି ମୋର୍ଚ୍ଚା କାର୍ଯ୍ୟକାରିଣୀ ମୋର୍ଚ୍ଚା ସଦସ୍ୟ ଉପସ୍ଥିତ ରହି ସନ୍ଥ ରାମଦାସ ଙ୍କ ଜୀବନୀ ଉପରେ ବର୍ଣ୍ଣନା କରିଥିଲେ.

କଣ୍ଟାମାଳ ପୁଲିସକୁ ମିଳିଛି ଏକ ବଡ଼ ସଫଳତା ବଲମତୁମ୍ବା ସଂରକ୍ଷିତ ଜଙ୍ଗଲରୁ ୨୫୦କେଜି ଗଞ୍ଜେଇ ଜବତ । କଣ୍ଟାମାଳ :୧୪/୯/୨୦୨୬ ବୌଦ୍ଧ ଜିଲ୍ଲା କଣ୍ଟାମାଳ ପୁଲିସକୁ ମିଳିଛି ଏକ ବଡ଼ ସଫଳତା l କଣ୍ଟାମାଳ ଥାନା ପୁଲିସ ପକ୍ଷରୁ ବଲମତୁମ୍ବା ସଂରକ୍ଷିତ ଜଙ୍ଗଲ ରେ ଚଢ଼ାଉ କରି ବ୍ୟାପକ ଗଞ୍ଜେଇ ଜବତ କରିଥିବା ବେଳେ ସୂଚନା ପାଇ ମାଫିଆମାନେ ଘଟଣାସ୍ଥଳରୁ ଚମ୍ପଟ ମାରିଛନ୍ତି | ଗଞ୍ଜେଇ ଚୋରା ଚାଲାଣ ପାଇଁ ପ୍ରସ୍ତୁତି ଚାଲିଥିବା କୌଣସି ସୂତ୍ରରୁ ଖବର ପାଇ ତୁରନ୍ତ କଣ୍ଟାମାଳ ଥାନାଧିକାରୀ ଓମପ୍ରକାଶ ମହାନ୍ତି ଙ୍କ ନେତୃତ୍ୱରେ ଏକ ପୁଲିସ ଟିମ କଣ୍ଟାମାଳ ଥାନା ଅନ୍ତର୍ଗତ ବଲମତୁମ୍ବା ସଂରକ୍ଷିତ ଜଙ୍ଗଲକୂ ଯାଇ ସୂଚନା ଆଧାରରେ ଜଙ୍ଗଲ ରେ ଖୋଜାଖୋଜି କରିଥିଲେ l ସର୍ଚ୍ଚ ଅପରେସନ ସମୟରେ ଗଞ୍ଜେଇ ଚୋରା ଚାଲାଣ ପାଇଁ ରଖାଯାଇଥିବା ୫ଟି ଜରି ବସ୍ତା ଜବତ କରିଥିଲେ | ତେବେ ପୁଲିସର ଚଢ଼ାଉ ସମ୍ପର୍କରେ ସୁରାକ ପାଇ ମାଫିଆମାନେ ଘଟଣାସ୍ଥଳରୁ ଚମ୍ପଟ ହୋଇଯାଇଥିଲେ l ମାଜିଷ୍ଟ୍ରେଟ ଙ୍କ ଉପସ୍ଥିତି ରେ ଜବତ ଗଞ୍ଜେଇ କୁ ଓଜନ କରିଥିଲେ । ଜବତ୍ ଗଞ୍ଜେଇର ପରିମାଣ ୨ କୁଇଣ୍ଟାଲ ୫୦କେଜି ହୋଇଥିବା କଣ୍ଟାମାଳ ପୁଲିସ ସୂଚନା ଦେଇଛି | ଏ ସଂକ୍ରାନ୍ତରେ କଣ୍ଟାମାଳ ଥାନାରେ ଏନଡିପିଏସ ଆକ୍ଟ ରେ ଏକ ମାମଲା ରୁଜ୍ଜୁ କରି ଅଧିକ ତଦନ୍ତ ଜାରି ରଖିଥିବା କଣ୍ଟାମାଳ ଥାନାଧିକାରୀ ଶ୍ରୀ ମହାନ୍ତି ସୂଚନା ଦେଇଛନ୍ତି l

ବଲମତୁମ୍ବା ସଂରକ୍ଷିତ ଜଙ୍ଗଲରୁ ୨୫୦ କେଜି ଗଞ୍ଜେଇ ଜବତ କଲା କଣ୍ଟାମାଳ ପୋଲିସ କଣ୍ଟାମାଳ ଥାନା ପୋଲିସକୁ ଏକ ବଡ଼ ସଫଳତା ମିଳିଛି। କଣ୍ଟାମାଳ ଥାନା ଅଧୀନରେ ଥିବା ବଲମତୁମ୍ବା ସଂରକ୍ଷିତ ଜଙ୍ଗଲରେ ବିପୁଳ ପରିମାଣର ବେଆଇନ ଗଞ୍ଜେଇ ଗଚ୍ଛିତ ରଖାଯାଇଥିବା ନେଇ ପୋଲିସ ଏକ ବିଶେଷ ସୂତ୍ରରୁ ଖବର ପାଇଥିଲା। ଏହି ଖବରକୁ ଭିତ୍ତି କରି କଣ୍ଟାମାଳ ଥାନା ଅଧିକାରୀ ଓମ ପ୍ରକାଶ ମହାନ୍ତିଙ୍କ ନେତୃତ୍ୱରେ ଏକ ପୋଲିସ ଟିମ ଚଢ଼ାଉ କରି ପ୍ରାୟ ୨ କ୍ୱିଣ୍ଟାଲ ୫୦ କିଲୋଗ୍ରାମ ଗଞ୍ଜେଇ ଜବତ କରିଛି। ସୂଚନା ଅନୁଯାୟୀ, କଣ୍ଟାମାଳ ଥାନା ଅଧିକାରୀଙ୍କୁ ଜଙ୍ଗଲ ଭିତରେ ଗଞ୍ଜେଇ ଡମ୍ପିଂ କରାଯାଇଥିବା ନେଇ ନିର୍ଭରଯୋଗ୍ୟ ସୂଚନା ମିଳିଥିଲା। ଖବର ପାଇବା ମାତ୍ରେ ଆଇଆଇସି ନିଜ ସ୍ୱତନ୍ତ୍ର ଟିମ୍ ସହିତ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ। ପୋଲିସ ଟିମ୍ ପକ୍ଷରୁ ଉକ୍ତ ଜଙ୍ଗଲ ଅଞ୍ଚଳରେ ବ୍ୟାପକ ତଲାସୀ ଅଭିଯାନ ଆରମ୍ଭ କରାଯାଇଥିଲା। ସର୍ଚ୍ଚ ଅପରେସନ୍ ସମୟରେ ପୋଲିସ ୫ଟି ଧଳା ରଙ୍ଗର ଜରି ବସ୍ତାରେ ଭର୍ତ୍ତି ହୋଇଥିବା ବିପୁଳ ପରିମାଣର ଗଞ୍ଜେଇ ଠାବ କରିଥିଲା। ଜବତ ହୋଇଥିବା ଗଞ୍ଜେଇକୁ ମାଜିଷ୍ଟ୍ରେଟ ଙ୍କ ଉପସ୍ଥିତିରେ ଓଜନ କଲା ପରେ ୨ କ୍ୱିଣ୍ଟାଲ ୫୦ କିଲୋଗ୍ରାମ ହୋଇଥିବା ପୋଲିସ ପକ୍ଷରୁ ଜଣାପଡ଼ିଛି। ଏହି ଘଟଣାରେ କଣ୍ଟାମାଳ ପୋଲିସ ପକ୍ଷରୁ ଏକ ଏନଡିପିଏସ୍ ମାମଲା ରୁଜୁ କରାଯାଇଛି। ତେବେ ଏତେ ପରିମାଣର ଗଞ୍ଜେଇ ସେଠାକୁ କିଏ ଆଣିଲା ଏବଂ ଏହାର ପ୍ରକୃତ ମାଲିକ କିଏ, ସେନେଇ ପୋଲିସର ଖୋଳତାଡ଼ ଜାରି ରହିଛି। ଖୁବ୍ ଶୀଘ୍ର ଏହି ବେଆଇନ କାରବାରରେ ସମ୍ପୃକ୍ତ ଥିବା ଅଭିଯୁକ୍ତମାନଙ୍କୁ ଚିହ୍ନଟ କରାଯାଇ ଗିରଫ କରାଯିବ ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି।

ବୌଦ୍ଧ ସହର ଗାନ୍ଧିଛକ ଭେରାଇଟି ଷ୍ଟୋରରୁ ତାଲା ଭାଙ୍ଗି ଚୋରୀ କଲେ ଦୁର୍ବୃତ୍ତ ।

ନୁଆଁଖାଇ ଯୋଗୁଁ ଆମ୍ବୁଲାନ୍ସ ସେବା ଠପ, ଏଡ୍ସ ଆକ୍ରାନ୍ତ ଅର୍ଥ ଅଭାବ ରୁ ମୃତ୍ୟୁ ସହ ସଂଗ୍ରାମ ରତ, ଡାକ୍ତରଖାନା ପ୍ରସ୍ଥାନ ଗେଟ ରେ ତାଲା। ନୁଆଁଖାଇ ଯୋଗୁଁ ଆମ୍ବୁଲାନ୍ସ ସେବା ଠପ, ଏଡ୍ସ ଆକ୍ରାନ୍ତ ଅର୍ଥ ଅଭାବ ରୁ ମୃତ୍ୟୁ ସହ ସଂଗ୍ରାମ ରତ, ଡାକ୍ତରଖାନା ପ୍ରସ୍ଥାନ ଗେଟ ରେ ତାଲା। ବଲାଙ୍ଗୀର ଜିଲ୍ଲା ଟିଟିଲାଗଡ଼ ରେ ସ୍ୱାସ୍ଥ୍ୟ ସେବା ଦିଗରେ ମାଇଲ ଖୁଣ୍ଟ ଥିବା ଆମ୍ବୁଲାନ୍ସ ସେବା ଠପ ହୋଇ ପଡି ଥିବା ବେଳେ ନୁଆଁଖାଇ ଯୋଗୁଁ ଜଣେ ଏଚ ଆଇ ଭି ଏଡ୍ସ ଆକ୍ରାନ୍ତ ଜୀବନ, ମୃତ୍ୟୁ ସହ ସଂଗ୍ରାମ କରୁଛନ୍ତି। ଟିଟିଲାଗଡ଼ ରେ ନୂତନ ଡାକ୍ତର ଖାନା ଯାହା ସାତ କିମି ଦୁର, ସବିଶ ନାଗ (ଛଦ୍ମନାମ) ନାମକ ଜଣେ ଏଡ୍ସ ଆକ୍ରାନ୍ତ ଦୀର୍ଘ ତିନି ମାସ ଧରି ଏ ଆର ଟି ଔଷଧ ପାଇଁ ବଲାଙ୍ଗୀର ଅର୍ଥ ଅଭାବ ରୁ ଯାଇ ନ ପାରି ଆମ୍ବୁଲାନ୍ସ କୁ ଫୋନ କରି ଥିଲେ, ସୁଦ୍ଧା ଦୁଇ ଦିନ ଧରି ଡାକ୍ତରଖାନା ପହଁଚି ପାରୁ ନାହାନ୍ତି। ଆମ୍ବୁଲାନ୍ସ ଦୁଇ ଘଣ୍ଟା ତିନି ଘଣ୍ଟା ଲାଗିବ ଅଟୋ ଭଡା କରି ଯାଅ ବୋଲି କହିବା ସହ ବର୍ତମାନ ତାଙ୍କୁ ଦୁର୍ବ୍ୟବହାର କରିବା ପଡିଶା ଲୋକେ ଅଭିଯୋଗ କରିଛନ୍ତି। ଜଣେ ଅସହାୟ ଭଦ୍ର ବ୍ୟକ୍ତି ଙ୍କ ଭଳି ବିଳମ୍ବିତ ରାତ୍ରି ରେ ହଉ କି ଦିନରେ ଅଟୋ କରିବା କୁହା ଯାଉଛି। ଟିଟିଲାଗଡ଼ ହାଟପଦା ର ଏହି ବ୍ୟକ୍ତି ଙ୍କୁ ତୁରନ୍ତ ଚିକିତ୍ସା ଆବଶ୍ୟକ ଥିବା ବେଳେ ତୁରନ୍ତ ବିଭୀଗୀୟ ମୁଖ୍ୟ ଦୃଷ୍ଟି ଦେବାକୁ ସାଇ ବାସୀ ଦାବୀ କରିଛନ୍ତି। ପ୍ରକାଶ ଯେ, ଏହି ଆମ୍ବୁଲାନ୍ସ ଵାଲା ଓ ଅଟୋ ଵାଲା ମିଶି ଡାକ୍ତରଖାନା ପ୍ରସ୍ଥାନ ଗେଟ ରେ ତାଲା ପକେଇ ଦେଇଛନ୍ତି। ଯାହା ଆରମ୍ଭ ରୁ ଏସ ଡ଼ି ଏମ ଓ ଙ୍କ ନିକଟରେ ଅଭିଯୋଗ ସତ୍ୱେ ଜାଣି ଶୁଣି ନିରବ ଥିବା ଲିଖିତ ଅଭିଯୋଗ ହୋଇଛି। ୫୦୦/୭୦୦ ଟଙ୍କା ଅଟୋ ଭଡା ପାଇଁ ଟଙ୍କା ଅଭାବ ରୁ ସାଧାରଣ ଅକଥନୀୟ ଦୁର୍ଦଶା ଭୋଗୁଛନ୍ତି। ଆଜି ନୂଆଁଖାଇ ଖାଇ ଯୋଗୁଁ ଏହି ସେବା ସମୁର୍ଣ ଠପ ହୋଇ ପଡିଛି। ବିଭାଗୀୟ ସଚିବ ନିଜେ ଏ ନେଇ ଦୃଷ୍ଟାନ୍ତ ମୂଳକ ପଦକ୍ଷେପ ଗ୍ରହଣ କରିବାକୁ ଜନସେବା ସିବିଓ ସଭାପତି ଲମ୍ବୋଦର ଛତ୍ରୀୟା ଦାବୀ କରିଛନ୍ତି।

ନୂଆଁଖାଇର ଜୁହାର ଓ ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ - କୃଷିଭିତ୍ତିକ ଗଣପର୍ବ ନୂଆଁଖାଇ ଅବସରରେ ରାଜ୍ୟବାସୀଙ୍କୁ ଅଭିନନ୍ଦନ ଜଣାଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ - ନୂଆଁଖାଇ କେବଳ ଏକ ପର୍ବ ନୁହେଁ, ଏହା ମାଟି, ସଂସ୍କୃତି ଓ ସାମାଜିକ ଚାଲିଚଳଣିର ପ୍ରାଣସ୍ପନ୍ଦନ ବୋଲି ସେ କହିଛନ୍ତି