जिल्हा पोलीस अधीक्षक आमोल तांबे यांच्या संकल्पनेतील पोलीस आपल्या सोसायटीमध्ये उपक्रमाला उत्स्फूर्त प्रतिसाद 'पोलीस आपल्या सोसायटीमध्ये, ४७ दिवसांत ३१४ भेटी, ९,४२० नागरिकांशी थेट संवाद. लातूर (प्रतिनिधी) "पोलीस आपल्या दारी, सुरक्षित समाजाची हमी" या संकल्पनेला प्रत्यक्ष कृतीची जोड देत लातूर जिल्हा पोलीस दलाने राबविलेल्या "पोलीस आपल्या सोसायटीमध्ये" या अभिनव उपक्रमाला शहरातील नागरिकांचा उत्स्फूर्त प्रतिसाद मिळाला आहे. दि. १५ जून २०२६ ते ३१ जुलै २०२६ या ४७ दिवसांच्या कालावधीत लातूर जिल्ह्यातील शहरी भागातील १० पोलीस ठाण्यांनी एकूण ३१४ सोसायट्या व वस्त्यांना भेटी देत तब्बल ९,४२० नागरिकांशी प्रत्यक्ष संवाद साधला. या संवादातून नागरिकांच्या समस्या जाणून घेण्यात आल्या, अनेक तक्रारींचे तात्काळ निराकरण करण्यात आले आणि कायदा-सुव्यवस्था तसेच नागरिकांच्या सुरक्षेसंदर्भात व्यापक जनजागृती करण्यात आली. पोलीस अधीक्षक अमोल तांबे यांच्या संकल्पनेतून व मार्गदर्शनाखाली राबविण्यात आलेल्या या उपक्रमाचा मुख्य उद्देश पोलीस व नागरिक यांच्यातील विश्वास अधिक दृढ करणे, प्रत्येक परिसरात पोलीसांची उपस्थिती वाढविणे आणि नागरिकांना पोलीस यंत्रणेशी थेट जोडणे हा होता. पोलीस अधिकारी व कर्मचारी यांनी सोसायट्या, वसाहती आणि निवासी भागात जाऊन नागरिकांशी मुक्त संवाद साधला. त्यांच्या समस्या, सूचना व अपेक्षा जाणून घेतल्या आणि त्यावर तातडीने कार्यवाही करण्याचे आश्वासन दिले. या उपक्रमामध्ये अहमदपूर पोलीस ठाण्याने ४६ औसा पोलीस ठाण्याने ४१ गांधी चौक व चाकूर पोलीस ठाण्यांनी प्रत्येकी ३१, शिवाजीनगरने ३०, उदगीर शहर व उदगीर ग्रामीणने प्रत्येकी २७, एमआयडीसी व विवेकानंद चौकने प्रत्येकी २६, तर निलंगा पोलीस ठाण्याने २३ भेटी देऊन नागरिकांशी संवाद साधला. संवादादरम्यान नवीन कायद्याबद्दल मार्गदर्शन, डायल ११२ आपत्कालीन सेवा, महिला सुरक्षा, सायबर गुन्ह्यांपासून बचाव, आर्थिक फसवणूक टाळण्यासाठी घ्यावयाची काळजी, सोशल मीडियाचा सुरक्षित वापर, घरफोडी प्रतिबंधक उपाययोजना, संशयित व्यक्तींची माहिती तात्काळ पोलीसांना देण्याचे महत्त्व, सीसीटीव्ही कॅमेरे बसविण्याची गरज, क्यूआर कोड आधारित गस्त व्यवस्था, वाहतूक नियमांचे पालन, हेल्मेट व सीटबेल्टचा वापर, अल्पवयीन मुलांना वाहन न देणे, अमली पदार्थांविरोधातील जनजागृती, ज्येष्ठ नागरिकांचे संरक्षण आणि बीट अंमलदार व प्रभारी अधिकाऱ्यांशी थेट संपर्क ठेवण्याबाबत सविस्तर मार्गदर्शन करण्यात आले. या भेटींमध्ये अनेक नागरिकांनी त्यांच्या परिसरातील वाहतूक, सुरक्षाविषयक अडचणी, संशयास्पद हालचाली, सार्वजनिक ठिकाणांवरील समस्या तसेच स्थानिक कायदा-सुव्यवस्थेबाबत सूचना मांडल्या. अनेक प्रश्नांवर तात्काळ कार्यवाही करण्यात आली, तर उर्वरित बाबींच्या अनुषंगाने संबंधित पोलीस ठाण्यांना आवश्यक सूचना देण्यात आल्या. या उपक्रमामुळे नागरिकांचा पोलीस प्रशासनावरील विश्वास वाढला असून, बीट अंमलदार व प्रभारी अधिकारी यांच्याशी नागरिकांचा थेट संपर्क वाढल्याचे समाधानकारक चित्र दिसून आले आहे. नागरिकांनी या उपक्रमाचे मनापासून स्वागत करत अशा भेटी नियमितपणे आयोजित करण्याची अपेक्षा व्यक्त केली. समाजाभिमुख पोलीसिंगची प्रभावी अंमलबजावणी करणारा "पोलीस आपल्या सोसायटीमध्ये" हा उपक्रम लातूर जिल्हा पोलीस दलाच्या लोकाभिमुख कार्यपद्धतीचा आदर्श ठरत असून, भविष्यातही नागरिकांच्या सहभागातून सुरक्षित, सजग आणि गुन्हेमुक्त समाज निर्माण करण्यासाठी असे उपक्रम सातत्याने राबविण्यात येणार असल्याचे पोलीस प्रशासनाने सांगितले.

Laxman Ugile

उदगीर, लातूर, महाराष्ट्र•

1 hr ago

जिल्हा पोलीस अधीक्षक आमोल तांबे यांच्या संकल्पनेतील पोलीस आपल्या सोसायटीमध्ये उपक्रमाला उत्स्फूर्त प्रतिसाद 'पोलीस आपल्या सोसायटीमध्ये, ४७ दिवसांत ३१४ भेटी, ९,४२० नागरिकांशी थेट संवाद. लातूर (प्रतिनिधी) "पोलीस आपल्या दारी, सुरक्षित समाजाची हमी" या संकल्पनेला प्रत्यक्ष कृतीची जोड देत लातूर जिल्हा पोलीस दलाने राबविलेल्या "पोलीस आपल्या सोसायटीमध्ये" या अभिनव उपक्रमाला शहरातील नागरिकांचा उत्स्फूर्त प्रतिसाद मिळाला आहे. दि. १५ जून २०२६ ते ३१ जुलै २०२६ या ४७ दिवसांच्या कालावधीत लातूर जिल्ह्यातील शहरी भागातील १० पोलीस ठाण्यांनी एकूण ३१४ सोसायट्या व वस्त्यांना भेटी देत तब्बल ९,४२० नागरिकांशी प्रत्यक्ष संवाद साधला. या संवादातून नागरिकांच्या समस्या जाणून घेण्यात आल्या, अनेक तक्रारींचे तात्काळ निराकरण करण्यात आले आणि कायदा-सुव्यवस्था तसेच नागरिकांच्या सुरक्षेसंदर्भात व्यापक जनजागृती करण्यात आली. पोलीस अधीक्षक अमोल तांबे यांच्या संकल्पनेतून व मार्गदर्शनाखाली राबविण्यात आलेल्या या उपक्रमाचा मुख्य उद्देश पोलीस व नागरिक यांच्यातील विश्वास अधिक दृढ करणे, प्रत्येक परिसरात पोलीसांची उपस्थिती वाढविणे आणि नागरिकांना पोलीस यंत्रणेशी थेट जोडणे हा होता. पोलीस अधिकारी व कर्मचारी यांनी सोसायट्या, वसाहती आणि निवासी भागात जाऊन नागरिकांशी मुक्त संवाद साधला. त्यांच्या समस्या, सूचना व अपेक्षा जाणून घेतल्या आणि त्यावर तातडीने कार्यवाही करण्याचे आश्वासन दिले. या उपक्रमामध्ये अहमदपूर पोलीस ठाण्याने ४६ औसा पोलीस ठाण्याने ४१ गांधी चौक व चाकूर पोलीस ठाण्यांनी प्रत्येकी ३१, शिवाजीनगरने ३०, उदगीर शहर व उदगीर ग्रामीणने प्रत्येकी २७, एमआयडीसी व विवेकानंद चौकने प्रत्येकी २६, तर निलंगा पोलीस ठाण्याने २३ भेटी देऊन नागरिकांशी संवाद साधला. संवादादरम्यान नवीन कायद्याबद्दल मार्गदर्शन, डायल ११२ आपत्कालीन सेवा, महिला सुरक्षा, सायबर गुन्ह्यांपासून बचाव, आर्थिक फसवणूक टाळण्यासाठी घ्यावयाची काळजी, सोशल मीडियाचा सुरक्षित वापर, घरफोडी प्रतिबंधक उपाययोजना, संशयित व्यक्तींची माहिती तात्काळ पोलीसांना देण्याचे महत्त्व, सीसीटीव्ही कॅमेरे बसविण्याची गरज, क्यूआर कोड आधारित गस्त व्यवस्था, वाहतूक नियमांचे पालन, हेल्मेट व सीटबेल्टचा वापर, अल्पवयीन मुलांना वाहन न देणे, अमली पदार्थांविरोधातील जनजागृती, ज्येष्ठ नागरिकांचे संरक्षण आणि बीट अंमलदार व प्रभारी अधिकाऱ्यांशी थेट संपर्क ठेवण्याबाबत सविस्तर मार्गदर्शन करण्यात आले. या भेटींमध्ये अनेक नागरिकांनी त्यांच्या परिसरातील वाहतूक, सुरक्षाविषयक अडचणी, संशयास्पद हालचाली, सार्वजनिक ठिकाणांवरील समस्या तसेच स्थानिक कायदा-सुव्यवस्थेबाबत सूचना मांडल्या. अनेक प्रश्नांवर तात्काळ कार्यवाही करण्यात आली, तर उर्वरित बाबींच्या अनुषंगाने संबंधित पोलीस ठाण्यांना आवश्यक सूचना देण्यात आल्या. या उपक्रमामुळे नागरिकांचा पोलीस प्रशासनावरील विश्वास वाढला असून, बीट अंमलदार व प्रभारी अधिकारी यांच्याशी नागरिकांचा थेट संपर्क वाढल्याचे समाधानकारक चित्र दिसून आले आहे. नागरिकांनी या उपक्रमाचे मनापासून स्वागत करत अशा भेटी नियमितपणे आयोजित करण्याची अपेक्षा व्यक्त केली. समाजाभिमुख पोलीसिंगची प्रभावी अंमलबजावणी करणारा "पोलीस आपल्या सोसायटीमध्ये" हा उपक्रम लातूर जिल्हा पोलीस दलाच्या लोकाभिमुख कार्यपद्धतीचा आदर्श ठरत असून, भविष्यातही नागरिकांच्या सहभागातून सुरक्षित, सजग आणि गुन्हेमुक्त समाज निर्माण करण्यासाठी असे उपक्रम सातत्याने राबविण्यात येणार असल्याचे पोलीस प्रशासनाने सांगितले.