சித்தையன் கோட்டையில் சமூக நல்லிணக்கத்தை வலியுறுத்தும் விதமாக அன்னதானம் என்னும் கந்தூரி விழா நடைபெற்றது. திண்டுக்கல் மாவட்டம் ஆத்தூர் ஒன்றியம் சித்தையன் கோட்டையில் மறைந்த முன்னாள் இஸ்லாமிய பெரியார் முஹையதீன் ஆண்டவர் அவர்களை நினைவு கூறும் விதமாக பகுதிவாழ் இஸ்லாமிய பொதுமக்கள் சார்பாக ஒவ்வொரு ஆண்டும் அன்னதானம் வழங்கி சந்தனக்கூடு என்னும் உரூஸ்விழா விமர்சையாக கொண்டாடப்படுவது வழக்கம். அதனைத் தொடர்ந்து புதன்கிழமை நாளை இரவு சந்தனக்கூடு என்னும் உரூஸ் விழா நடைபெற இருப்பதை தொடர்ந்து இன்று விழா கமிட்டியாளர்கள் மற்றும் ஜமாத் தலைவர்கள் ஒருங்கிணைந்து சமூக நல்லிணக்கத்தை வலியுறுத்தும் விதமாக ஏற்பாடு செய்யப்பட்டிருந்த அன்னதானம் என்னும் கந்தூரி விழா நடைபெற்றது. இதில் சுமார் 5000 திற்கும் மேற்பட்ட அனைத்து சமுதாய மக்களும் கலந்து கொண்டு தாங்கள் கொண்டு வந்த பாத்திரங்களில் விழா கமிட்டியாளர்களால் ஏற்பாடு செய்யப்பட்டிருந்த உணவுகளை மன மகிழ்ச்சியுடன் வாங்கிச் சென்றனர்.

19 hrs ago

RAJA

பத்திரிகையாளர் ஆத்தூர், திண்டுக்கல், தமிழ்நாடு•

19 hrs ago

தேனி. தவெக ஆட்சியில் அரசு அதிகாரிகளுக்கு பாதுகாப்பு இல்லையா, சின்னமனூர் டவுன் சர்வேயர் மீது தவெக நகர இணைச் செயலாளர் நிர்வாகி உட்பட 3 பேர் கஞ்சா, மது போதையில் தாக்குதல் , வழக்கு பதிவு செய்யாத காவல்துறை கண்டித்து சர்வேயர்கள் கண்டன ஆர்ப்பாட்டம், தேனி மாவட்டம் சின்னமனூரில் நில அளவை பணிக்கு சென்ற அரசு டவுன் சர்வேயர் மீது தமிழக வெற்றிக் கழக( தவெக )நகர இணைச் செயலாளர் உள்பட ந உட்பட 3 பேர் கஞ்சா மற்றும் மது போதையில் கொடூரமாக தாக்குதல் நடத்திய சம்பவம் காவல்துறை வழக்கு பதிவு செய்யாததை கண்டித்து தேனி மாவட்ட நில அளவையர்கள் மாவட்ட ஆட்சியர் அலுவலகம் அருகே கண்டன ஆர்ப்பாட்டம் நடத்தினர். தேனி மாவட்டம் உத்தமபாளையம் தாலுகா, சின்னமனூர் நகராட்சி டவுன் சர்வேயர் ஜெகன் குமார் மற்றும் அவரது உதவியாளர் இருவரும் நேற்று மதியம் சுமார் 3 மணி அளவில் சின்னமனூரில் ஆதிலால் லாட்ஜ் பின்புறம் உள்ள அண்ணாமலை நகர் பகுதியில் வழக்கமான நில அளவை பணிக்கு சென்றுள்ளனர். அப்போது அங்கு வந்த ஓய்வு பெற்ற சார்பு ஆய்வாளர் சந்திரன், செல்வராஜ் மற்றும் தமிழக வெற்றிக் கழகத்தின் இணை செயலாளர் ரஞ்சித் குமார் உள்பட மூன்று பேர் சேர்ந்து, நில அளவை பணியை தடுத்து நிறுத்தி, சர்வேயர் ஜெகன் குமாரை கஞ்சா மற்றும் மது போதையில் கடுமையாக தாக்கியுள்ளனர். இந்த தாக்குதலில் சர்வேயர் ஜெகன் குமார் காயம் அடைந்து அரசு மருத்துவமனையில் சிகிச்சைக்காக அனுமதிக்கப்பட்டு உள்ளனர் இந்த சம்பவம் தொடர்பாக சின்னமனூர் காவல் நிலையத்தில் புகார் அளித்தும், இதுவரை காவல்துறையினர் வழக்கு பதிவு செய்யவில்லை என குற்றச்சாட்டு எழுந்துள்ளது. தவெக ஆட்சியில் ஆளும் கட்சி நிர்வாகி சம்பந்தப்பட்டிருப்பதால் காவல்துறை நடவடிக்கை எடுக்க தயங்குவதாகவும், அரசு அதிகாரிகளுக்கே பாதுகாப்பு இல்லாத சூழல் உருவாகியுள்ளதாகவும் அரசு ஊழியர்கள் வேதனை தெரிவிக்கின்றனர். இதன் காரணமாக காவல்துறையின் இந்த மெத்தன போக்கை கண்டித்து தேனி மாவட்டம் முழுவதும் உள்ள நில அளவையர்கள், ஊழியர்கள் ஒன்று சேர்ந்து இன்று தேனி மாவட்ட ஆட்சியர் அலுவலகம் அருகில் கண்டன ஆர்ப்பாட்டத்தில் ஈடுபட்டனர். அப்போது அவர்கள், சர்வேயர் ஜெகன் குமாரை தாக்கிய 3 பேர் மீதும் உடனடியாக கொலை முயற்சி வழக்கு பதிவு செய்து கைது செய்ய வேண்டும். பணியில் இருந்த அரசு ஊழியரை தாக்கியவர்கள் மீது அரசு ஊழியரை பணி செய்ய விடாமல் தடுத்தல் பிரிவில் வழக்கு பதிவு செய்ய வேண்டும். அரசு அதிகாரிகளுக்கு உரிய பாதுகாப்பு வழங்க வேண்டும் என கோஷங்களை எழுப்பினர்.

Shakthi

பத்திரிகையாளர் பெரியகுளம், தேனி, தமிழ்நாடு•

16 hrs ago