ପାଇଖାନା ଟାଙ୍କି ସେଣ୍ଟରିଙ୍ଗ ଖୋଲିବା ବେଳେ ଅଘଟଣ: ଶ୍ୱାସରୁଦ୍ଧ ହୋଇ ୨ ମୃତ, ୨ ଗୁରୁତର ବାମରା, ୩୧/୩ (ଜନମୁଖ): ସମ୍ବଲପୁର ଜିଲ୍ଲା ବାମରା ବ୍ଲକ ଅନ୍ତର୍ଗତ ମହୁଲପାଲି ଥାନା କେଶେଇବାହାଲ ଗ୍ରାମରେ ଆଜି ଏକ ଶୋଚନୀୟ ଘଟଣା ଘଟିଯାଇଛି। ନୂତନ ଭାବେ ନିର୍ମାଣ ହେଉଥିବା ଏକ ପାଇଖାନା ଟାଙ୍କିର ସେଣ୍ଟରିଙ୍ଗ ଖୋଲିବା ସମୟରେ ବିଷାକ୍ତ ଗ୍ୟାସ୍ ଯୋଗୁଁ ଶ୍ୱାସରୁଦ୍ଧ ହୋଇ ୨ ଜଣ ଶ୍ରମିକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୨ ଜଣ ଗୁରୁତର ହୋଇଛନ୍ତି। କେମିତି ଘଟିଲା ଦୁର୍ଘଟଣା? ସୂଚନା ଅନୁସାରେ, ବାହାଦୂର ପଡ଼ାର ହେମନ୍ତ ବେହେରାଙ୍କ ଘରେ ପ୍ରାୟ ୧୦-୧୨ ଫୁଟ ଗଭୀରର ଏକ ପାଇଖାନା ଟାଙ୍କି ନିର୍ମାଣ ଚାଲିଥିଲା। ପ୍ରାୟ ୨୦ ଦିନ ପରେ ଆଜି ସକାଳେ ଏହାର ସେଣ୍ଟରିଙ୍ଗ ଖୋଲିବା ପାଇଁ ଶ୍ରମିକ ସୁଶିଲ ନାଏକ (୩୫) ସିଡି ସାହାଯ୍ୟରେ ତଳକୁ ଓହ୍ଲାଇଥିଲେ। ମାତ୍ର ଟାଙ୍କି ଭିତରେ ଥିବା ବିଷାକ୍ତ ଗ୍ୟାସ୍ ଯୋଗୁଁ ସେ ସଙ୍ଗେ ସଙ୍ଗେ ଅଚେତ ହୋଇଯାଇଥିଲେ। ସୁଶିଲଙ୍କ କୌଣସି ସଡ଼ାଶବ୍ଦ ନପାଇ ଉପରେ ଥିବା ଅନ୍ୟ ଜଣେ ଶ୍ରମିକ ଆନନ୍ଦ ମାଝୀ ତାଙ୍କୁ ଉଦ୍ଧାର କରିବାକୁ ଯାଇ ନିଜେ ମଧ୍ୟ ଅଚେତ ହୋଇପଡ଼ିଥିଲେ। ଏହାପରେ ଭିକାରୀ ଚନ୍ଦ୍ର ବେହେରା ଓ ପରେ ଘର ମାଲିକ ହେମନ୍ତ ବେହେରା ମଧ୍ୟ ଜଣକ ପରେ ଜଣେ ଟାଙ୍କି ଭିତରକୁ ଯାଇ ଶ୍ୱାସରୁଦ୍ଧ ହୋଇ ସେଠାରେ ଫସି ରହିଥିଲେ। ଉଦ୍ଧାର କାର୍ଯ୍ୟ ଓ ଚିକିତ୍ସା: ଖବର ପାଇ ଗ୍ରାମବାସୀଙ୍କ ସହାୟତାରେ ଏକ ଜେସିବି ମେସିନ ମଗାଯାଇଥିଲା ଏବଂ ଅଗ୍ନିଶମ ବାହିନୀକୁ ସୂଚନା ଦିଆଯାଇଥିଲା। ସମସ୍ତଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ କୁଚିଣ୍ଡା ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ସୁଶିଲ ନାଏକ ଓ ଭିକାରୀ ଚନ୍ଦ୍ର ବେହେରାଙ୍କୁ ମୃତ ଘୋଷଣା କରିଥିଲେ। ଅନ୍ୟ ଦୁଇଜଣ, ହେମନ୍ତ ବେହେରା ଓ ଆନନ୍ଦ ମାଝୀଙ୍କ ସ୍ୱାସ୍ଥ୍ୟାବସ୍ଥାରେ ସୁଧାର ଆସୁଥିବା ଜଣାପଡ଼ିଛି। ପୋଲିସ ଘଟଣାର ତଦନ୍ତ କରୁଥିବା ବେଳେ ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ସୂଚନା ମିଳିଛି। (ଫଟୋ AI ପ୍ରସ୍ତୁତି)

ସୋନୁ ଟାଇଗର

ବେଲପରା, ବଲାଙ୍ଗୀର, ଓଡ଼ିଶା•

5 hrs ago

ପାଇଖାନା ଟାଙ୍କି ସେଣ୍ଟରିଙ୍ଗ ଖୋଲିବା ବେଳେ ଅଘଟଣ: ଶ୍ୱାସରୁଦ୍ଧ ହୋଇ ୨ ମୃତ, ୨ ଗୁରୁତର ବାମରା, ୩୧/୩ (ଜନମୁଖ): ସମ୍ବଲପୁର ଜିଲ୍ଲା ବାମରା ବ୍ଲକ ଅନ୍ତର୍ଗତ ମହୁଲପାଲି ଥାନା କେଶେଇବାହାଲ ଗ୍ରାମରେ ଆଜି ଏକ ଶୋଚନୀୟ ଘଟଣା ଘଟିଯାଇଛି। ନୂତନ ଭାବେ ନିର୍ମାଣ ହେଉଥିବା ଏକ ପାଇଖାନା ଟାଙ୍କିର ସେଣ୍ଟରିଙ୍ଗ ଖୋଲିବା ସମୟରେ ବିଷାକ୍ତ ଗ୍ୟାସ୍ ଯୋଗୁଁ ଶ୍ୱାସରୁଦ୍ଧ ହୋଇ ୨ ଜଣ ଶ୍ରମିକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୨ ଜଣ ଗୁରୁତର ହୋଇଛନ୍ତି। କେମିତି ଘଟିଲା ଦୁର୍ଘଟଣା? ସୂଚନା ଅନୁସାରେ, ବାହାଦୂର ପଡ଼ାର ହେମନ୍ତ ବେହେରାଙ୍କ ଘରେ ପ୍ରାୟ ୧୦-୧୨ ଫୁଟ ଗଭୀରର ଏକ ପାଇଖାନା ଟାଙ୍କି ନିର୍ମାଣ ଚାଲିଥିଲା। ପ୍ରାୟ ୨୦ ଦିନ ପରେ ଆଜି ସକାଳେ ଏହାର ସେଣ୍ଟରିଙ୍ଗ ଖୋଲିବା ପାଇଁ ଶ୍ରମିକ ସୁଶିଲ ନାଏକ (୩୫) ସିଡି ସାହାଯ୍ୟରେ ତଳକୁ ଓହ୍ଲାଇଥିଲେ। ମାତ୍ର ଟାଙ୍କି ଭିତରେ ଥିବା ବିଷାକ୍ତ ଗ୍ୟାସ୍ ଯୋଗୁଁ ସେ ସଙ୍ଗେ ସଙ୍ଗେ ଅଚେତ ହୋଇଯାଇଥିଲେ। ସୁଶିଲଙ୍କ କୌଣସି ସଡ଼ାଶବ୍ଦ

ନପାଇ ଉପରେ ଥିବା ଅନ୍ୟ ଜଣେ ଶ୍ରମିକ ଆନନ୍ଦ ମାଝୀ ତାଙ୍କୁ ଉଦ୍ଧାର କରିବାକୁ ଯାଇ ନିଜେ ମଧ୍ୟ ଅଚେତ ହୋଇପଡ଼ିଥିଲେ। ଏହାପରେ ଭିକାରୀ ଚନ୍ଦ୍ର ବେହେରା ଓ ପରେ ଘର ମାଲିକ ହେମନ୍ତ ବେହେରା ମଧ୍ୟ ଜଣକ ପରେ ଜଣେ ଟାଙ୍କି ଭିତରକୁ ଯାଇ ଶ୍ୱାସରୁଦ୍ଧ ହୋଇ ସେଠାରେ ଫସି ରହିଥିଲେ। ଉଦ୍ଧାର କାର୍ଯ୍ୟ ଓ ଚିକିତ୍ସା: ଖବର ପାଇ ଗ୍ରାମବାସୀଙ୍କ ସହାୟତାରେ ଏକ ଜେସିବି ମେସିନ ମଗାଯାଇଥିଲା ଏବଂ ଅଗ୍ନିଶମ ବାହିନୀକୁ ସୂଚନା ଦିଆଯାଇଥିଲା। ସମସ୍ତଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ କୁଚିଣ୍ଡା ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ସୁଶିଲ ନାଏକ ଓ ଭିକାରୀ ଚନ୍ଦ୍ର ବେହେରାଙ୍କୁ ମୃତ ଘୋଷଣା କରିଥିଲେ। ଅନ୍ୟ ଦୁଇଜଣ, ହେମନ୍ତ ବେହେରା ଓ ଆନନ୍ଦ ମାଝୀଙ୍କ ସ୍ୱାସ୍ଥ୍ୟାବସ୍ଥାରେ ସୁଧାର ଆସୁଥିବା ଜଣାପଡ଼ିଛି। ପୋଲିସ ଘଟଣାର ତଦନ୍ତ କରୁଥିବା ବେଳେ ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ସୂଚନା ମିଳିଛି। (ଫଟୋ AI ପ୍ରସ୍ତୁତି)