अणदूर येथील आडत व्यापारी स्वप्नील रगबले याने २२ गावांमधील ७० शेतकऱ्यांचे १ कोटी २ लाख ९ हजार ७०३ रुपयांचे सोयाबीन उधारीवर खरेदी करून त्यांची फसवणूक केली आहे. जादा पैशाचे आमिष दाखवून शेतकऱ्यांचा विश्वास संपादन केल्यानंतर रगबले पैसे न देता फरार झाला आहे. या फसवणुकीची बाब लक्षात येताच, शेतकऱ्यांनी २३ जून २०२५ रोजी नळदुर्ग पोलिसांत तक्रार दाखल केली होती. त्यानंतर हा गुन्हा आर्थिक गुन्हे शाखा, धाराशिव यांच्याकडे वर्ग करण्यात आला. मात्र, वर्ष उलटूनही मुख्य आरोपी स्वप्नील रगबले अद्यापही फरार असल्याने शेतकरी अत्यंत संतप्त झाले आहेत. यापूर्वी शेतकऱ्यांनी उपमुख्यमंत्री एकनाथ शिंदे, पालकमंत्री प्रताप सरनाईक, खासदार ओमराजे निंबाळकर आणि आमदार राणाजगजितसिंह पाटील यांनाही यासंदर्भात निवेदने दिली होती. तसेच, ३० जुलै २०२५ रोजी नळदुर्ग पोलिस स्टेशनसमोर लाक्षणिक उपोषण करूनही आरोपीचा पत्ता लागलेला नाही. या प्रकरणातील न्यायासाठी संतप्त शेतकरी गुरुवार, २५ जून रोजी धाराशिव येथील जिल्हाधिकारी कार्यालयावर मोर्चा काढणार आहेत. "निसर्गाच्या लहरीपणामुळे आणि महागाईमुळे शेती करणे आधीच अवघड झाले असताना, अशा फसवणुकीमुळे आमचे जगणेच मुश्किल झाले आहे," अशी तीव्र भावना शेतकऱ्यांनी व्यक्त केली आहे. "शासन-प्रशासन अपयशी ठरल्याने आम्हाला आत्महत्येशिवाय दुसरा पर्याय नाही," असेही शेतकऱ्यांनी म्हटले आहे. डॉ. सिद्ध्रामप्पा खजुरे, डॉ. वडणे, सेवानिवृत्त मुख्याध्यापक अशोक वाघमारे, बाळासाहेब देवकते, अरविंद घोडके यांच्यासह २७ शेतकऱ्यांनी या निवेदनावर स्वाक्षऱ्या केल्या आहेत.

नागेश शिवशंक र करपे

लोहारा, उस्मानाबाद, महाराष्ट्र•

9 hrs ago

अणदूर येथील आडत व्यापारी स्वप्नील रगबले याने २२ गावांमधील ७० शेतकऱ्यांचे १ कोटी २ लाख ९ हजार ७०३ रुपयांचे सोयाबीन उधारीवर खरेदी करून त्यांची फसवणूक केली आहे. जादा पैशाचे आमिष दाखवून शेतकऱ्यांचा विश्वास संपादन केल्यानंतर रगबले पैसे न देता फरार झाला आहे. या फसवणुकीची बाब लक्षात येताच, शेतकऱ्यांनी २३ जून २०२५ रोजी नळदुर्ग पोलिसांत तक्रार दाखल केली होती. त्यानंतर हा गुन्हा आर्थिक गुन्हे शाखा, धाराशिव यांच्याकडे वर्ग करण्यात आला. मात्र, वर्ष उलटूनही मुख्य आरोपी स्वप्नील रगबले अद्यापही फरार असल्याने शेतकरी अत्यंत संतप्त झाले आहेत. यापूर्वी शेतकऱ्यांनी उपमुख्यमंत्री एकनाथ शिंदे, पालकमंत्री प्रताप सरनाईक, खासदार ओमराजे निंबाळकर आणि आमदार राणाजगजितसिंह पाटील यांनाही यासंदर्भात निवेदने दिली होती. तसेच, ३० जुलै २०२५ रोजी नळदुर्ग पोलिस स्टेशनसमोर लाक्षणिक उपोषण करूनही आरोपीचा पत्ता लागलेला नाही. या प्रकरणातील न्यायासाठी संतप्त शेतकरी गुरुवार, २५ जून रोजी धाराशिव येथील जिल्हाधिकारी कार्यालयावर मोर्चा काढणार आहेत. "निसर्गाच्या लहरीपणामुळे आणि महागाईमुळे शेती करणे आधीच अवघड झाले असताना, अशा फसवणुकीमुळे आमचे जगणेच मुश्किल झाले आहे," अशी तीव्र भावना शेतकऱ्यांनी व्यक्त केली आहे. "शासन-प्रशासन अपयशी ठरल्याने आम्हाला आत्महत्येशिवाय दुसरा पर्याय नाही," असेही शेतकऱ्यांनी म्हटले आहे. डॉ. सिद्ध्रामप्पा खजुरे, डॉ. वडणे, सेवानिवृत्त मुख्याध्यापक अशोक वाघमारे, बाळासाहेब देवकते, अरविंद घोडके यांच्यासह २७ शेतकऱ्यांनी या निवेदनावर स्वाक्षऱ्या केल्या आहेत.