राजोली परीक्षा केंद्रावर भरारी पथकाची धाड; तीन विद्यार्थी निलंबित चंद्रपूर: इयत्ता १२ वीच्या बोर्ड परीक्षेदरम्यान राजोळी येथील महात्मा गांधी कनिष्ठ महाविद्यालय परीक्षा केंद्रावर शिक्षणाधिकारी (माध्यमिक) राजेश पातळे यांच्या नेतृत्वाखाली भरारी पथकाने अचानक धाड टाकली. सकाळच्या सत्रात घेण्यात आलेल्या रसायनशास्त्र विषयाच्या पेपरदरम्यान तपासणीत तीन विद्यार्थी गैरमार्गाने कॉपी करताना आढळून आले. संबंधित तिन्ही विद्यार्थ्यांवर तात्काळ कारवाई करण्यात आली. तसेच महाराष्ट्र राज्य माध्यमिक व उच्च माध्यमिक शिक्षण मंडळ यांच्या नियमांनुसार कॉपी प्रकरण नोंदवून पुढील कार्यवाहीसाठी अहवाल सादर करण्यात आला आहे. तपासणीदरम्यान परीक्षा केंद्रावरील देखरेखीमध्ये गंभीर त्रुटी आढळल्यामुळे केंद्रचालक व पर्यवेक्षक यांना कारणे दाखवा नोटीस बजावण्यात आली आहे. संपूर्ण प्रकरणाचा सविस्तर अहवाल मंडळाकडे पाठविण्यात आला असून पुढील निर्णय मंडळाकडून घेतला जाणार आहे.

News34

Media house चंद्रपूर, चंद्रपूर, महाराष्ट्र•

1 hr ago

राजोली परीक्षा केंद्रावर भरारी पथकाची धाड; तीन विद्यार्थी निलंबित चंद्रपूर: इयत्ता १२ वीच्या बोर्ड परीक्षेदरम्यान राजोळी येथील महात्मा गांधी कनिष्ठ महाविद्यालय परीक्षा केंद्रावर शिक्षणाधिकारी (माध्यमिक) राजेश पातळे यांच्या नेतृत्वाखाली भरारी पथकाने अचानक धाड टाकली. सकाळच्या सत्रात घेण्यात आलेल्या रसायनशास्त्र विषयाच्या पेपरदरम्यान तपासणीत तीन विद्यार्थी गैरमार्गाने कॉपी करताना आढळून आले. संबंधित तिन्ही विद्यार्थ्यांवर तात्काळ कारवाई करण्यात आली. तसेच महाराष्ट्र राज्य माध्यमिक व उच्च माध्यमिक शिक्षण मंडळ यांच्या नियमांनुसार कॉपी प्रकरण नोंदवून पुढील कार्यवाहीसाठी अहवाल सादर करण्यात आला आहे. तपासणीदरम्यान परीक्षा केंद्रावरील देखरेखीमध्ये गंभीर त्रुटी आढळल्यामुळे केंद्रचालक व पर्यवेक्षक यांना कारणे दाखवा नोटीस बजावण्यात आली आहे. संपूर्ण प्रकरणाचा सविस्तर अहवाल मंडळाकडे पाठविण्यात आला असून पुढील निर्णय मंडळाकडून घेतला जाणार आहे.